ESTER 8:10 - ALLAH NIHYET MEM TUNGWATU NYA

¹⁰ Mordekhai yok ninda ei srat dimati gau Nibou Ndig Ahasyweros ninyeng. Noni ba srak mas pima bitak buk ei srat dimati leu api cuk tungwatu di itin ei mem ittei srat nya kak bimbut tut dima leu binhyepo iba nibou ndig de kuda di dor sindem nya bittei srat ngot dima yok hi gom hi gom ug ei hanjop nsi ei Nibou Ndig Ahasyweros ninyeng tak kepti dima nisurti-nipekti hagom.

ESTER 8:10 ပူးပေါင်းရင်းမြစ်များ

NIBOU NDIG NYA GI NIGOM 21:8

Lene noni pas srat meng poi bikes Ahab ninyeng kin nide cap ei srat nibehei leu api pinak bak nibou Yizreel nya kin yo di inyeng jei nya ei minu dima.

NIBOU NDIG NYA GI NIGOM 4:28

Bikwop nibou hanjop dima yok ikwas gandum barli kin gandum nintam di mui su di ike kin yam cem tut Salomo de kuda nya hagom. Ba, gima ne bitut kuda di igyai kep midyai kin kuda di kri kroba nya cem. Ittei njita mem mindhe-ndhe dima yok ba, ikwas bikwop ig kandan nya hagom bidem nimangti di isuar nya.

NIBOHON MBEN ISRAEL GI NICAN 30:6

Ipinak tungwatu nya bigya bidem minu Yehuda kin minu Israel titut yam bit leu nibou ndig kin yo di igya kui noni icuk yokti leu binhyepo ittei srat di nibimbiti pai, “Limwa Israel jen, jingwes ngun leu mben Asyur inda nsi tu. Gima rino nogindini ma jingkwei hanyen ndam Abraham kin Ishak kin Yakub ide tuhan Allah di yoni ikuk yok bak. Ba, joom jenti bijinok awak mem Noni leu binhyepo Noni cem mikwei bimpu jeni hanyen.

ESTER 8:8

Noro bit bon dibrim srat di dipas gau dinyeng nibou ndig biditak buk eisi tu hanyen kan bi. Mbro nok gima lo, disindui sut bijipas srat bak mben Yahudi tut mun nyeng di jikan lo, kei nya. Ma jipas srat dima gau dinyeng lene jiba ditde srak mas bitak buk eisi.”

AYUB 9:25

Ditde njap nya dor sindem bitunggwei da lene bisar ba, mun di kei hi pek kep mem da bi.

NIBA NINGON SRIP HUKTI 8:4

Nibou ndig ba nihyet di buhun bibon mun. Bit bon hi dima srep tut noni kan bi!

YESAYA 60:6

Mben Midian kin Efa kin Syeba yahagom mikon ide mas kin biei nggrai di ui-gwang kei ei ide unta nya imang bibor dip bijem yok kwei leu api yoni minggei sut tuhan niyai munti nya!

YESAYA 66:20

Yoni mibuwak jisut bat di jide mben nya yahagom hanyen leu minu dima yok kwei nok mun di kei di injei biDa. Yoni miba kuda kin keledai kin unta kin kroba pran kin kroba nitu di kuda kri bibuwak yo dima kwei ei Ditde nungug di kwes-kwau ei minu ndig Yerusalem. Igyaisi dima noyam kin mben Israel igyai kepti di iba bokor di nirom kuisi bi bittei gandum di ikwas tut Da kwei ei Ditde Ig ri.

YEREMIA 2:23

Jiba jingon di jei pai sut jenti bipia nirom kui je bijikuk je bak Baal bi sren! Ma jiyok jiyai kep midut nya di jibon ei Mbang Briep Hinom ug e. Jikan kep jide sisar leu api ma jipai jit hak ug! Jinok unta niwek di nibou buwei di nang-nang nyen di bit bon hi kat bi.

YEREMIA 51:21

Diba nani biya kep kuda nya kin tungwatu di ibri nya bitut kroba pran kin yo di ibri nya bisar ningwig a.

DANIEL 4:1

Nibou Ndig Nebukadnezar sok nihyet ei nide awak nya dip bak timiei minu nya kin mben nya kin gi imbrap nihyet hiter nya ei dihyeisi dini hagom bipai biyok a, “Ma ningon jo nyahanti kieng kep jahagom!

DANIEL 6:8

Nye dino nidimig mun nyeng hagom ei na di Nibou Ndig anyeng tak kepti bitut nibou minu kin wakil kin nibou kintrorti kin yo di inyeng tak kep mitiei kin sekertaris kin nikei kin nibou mem yo di igya ser nya nahagom nice tut yam hyet leu binhyepo na di Andigpoi atri tut nicukti di buhun gom leu binhyepo ade limwa nya yahagom ice tut ba, iba ingon di gom bibit. Gi kei mem na di Andigpoi atri tut nicukti di nibimbiti pai bipia harin dima ade limwa hi hara nide kwar kin tungwatu hiter mem mmun-njap ningot ningai a. Noro suar yahara na di Andigpoi nangkom he. Tungwa tou rino tunggwei nicukti dima ne icom noni ug ei jui di singa nya ibongti.