ESTER 8:1 - ALLAH NIHYET MEM TUNGWATU NYA

¹ Njap dima ne Nibou Ndig Ahasyweros njei Haman de ndigban di nyeng tut nya hagom bak Sop Nibou Ndig Ester lewo Haman ne mben Yahudi ide nitok joti ri. Lene Ester pai sut bak nibou ndig bipia nitom rino Mordekhai a. Apino hon njap dima kwei lene nibou ndig kes nituti bak Mordekhai ba, mbro nok gino nibou ndig hig noni kwei bi lo, noni sindui sut ba, Mordekhai coi ug-coi kwei nyen biya ei noho bei bit leu nijoi sutti.

ESTER 8:1 ပူးပေါင်းရင်းမြစ်များ

ESTER 1:14

Yo dima inyeng rino Karsena kin Setar kin Admata kin Tarsis kin Meres kin Marsena kin Memukan ba, nibou ndig ba ningon com yahagom. Ba, igya kui nibou ndig minu Persia kin Media ba, inyeng jei dor njiriek nibou nindigsi nya.

ESTER 2:15

Tto bou dem lene Ester coi ndam nibou ndig biya ei noho bei. Ester ne Abihail nipmisop rin ba, nitom Mordekhai nek binyohou nok nonti nipmisop. Bikwop tungwagom-gom di ngat Ester bou niyai him nggap leu sut nuubbuti. Noni ug ngat nibou ndig bijuk sinsun bit leu Hegai di nok mindor mem sop gwam nitta pilei nibousi pima nindoti kin nipingok noti.

ESTER 2:7

Lo bi lene Mordekhai bon nikwohop Ester di nitom sop gwam nitta pilei gom di niimaisi ubbu ngat kei di ningut cem kei bibor kei. Tungwatu nya iba nihyet Ibrani bijem ninyeng Hadasa. Mpe di po Ester de andigpoi ningat nya imai leu su pima ne Mordekhai nek Ester ba, nyohou nok nonti nipmisop ningat.

ESTER 7:6

Ester buhup “No di sibut tut nye di ba nitok binye bitin ei mem gima cok tut nye dima ne Haman ri!” Haman digit tut nindig bibor lene ba ningon di digit bibor bitou kep nibou ndig kin sop nibou ndig.

ESTER 8:7

Leu api Nibou Ndig Ahasyweros pai bak Sop Nibou Ndig Ester kin Mordekhai “Ningat ne dipindur Haman ei cou dihim pima drek dip gi ba ningon kanti di kinei bibindei sar mben Yahudi pima tu. Lene dibinjei nide ndigban di nyeng tut nya hagom bak Ester tu.

MAZMUR 39:6

Ayo! Akos tut bipia ditde njap cun bibor. Ditde njap nijeisi bon ninyeng ei ayai him bi. Ningat ne tungwatu nya idem kep ninnei di tau nuhwap nsi he.

NIPINGOK NINGONTI 13:22

No di ningon kwes kei mibindei ba, nignyon bat nya iba yokep nide ndigban noro yo di ingon sren nya iba yokep ndigban di yo di ibon sisar inju ei mem yonti.

NIPINGOK NINGONTI 28:8

No di nyeng tut mitiei nindig bibor tug hon gino kak tut tungwatu nya ba, suar ikum ei mitiei nibitug nindig biborti lene no di ngondut nuhui mbum nya miba nokep no dima nide mitiei hagom.

LUKAS 12:20

Noro Allah pai binoni ‘Angon mbum yo! Himmun di ariman ne ade njap ngwig hon ug ri. Lene tou riba nokep mun di anyeng tut di nindig bibor di anju ei ade ig gudanti nya dima i?’