ESTER 7:9 - ALLAH NIHYET MEM TUNGWATU NYA

⁹ Lene Harbona pai “Na Di Anyeng Jei e, cou dihim gom di nijeisi dem meter nyatungwagom ba, can di mem ipindur tungwatu eisi no itas dideu Haman de ig him. Haman tas cou dihim dima ei mem gima pindur Mordekhai ei niti ri. Lo, Mordekhai dima ne no po nyohou na Di Anyeng Jei ayaisi ba, angwes ngun ri!” Lene nibou ndig cuk yok “Ma jipindur Haman hak ei cou dihim di jei ndig dimati!”

ESTER 7:9 ပူးပေါင်းရင်းမြစ်များ

NIBOU NDIG NYA GI NICAN 9:32

Lene Yehu kiek no bitou kep kendera mihyeti lene jem “Tou rino tti kin dani i? Yo di igya kui nibou ndig ibou pwoi di ibong ei ig nibou ndig dima imiap nihyet lene ikiek yok bitou kep nimo jug.”

ESTER 1:10

Ei njap gi nimuhwindacan lene nibou ndig nuhui jo kep ba anggur ngei bidut kikau bibindei ba, ningon nggei-hi-nggei bibor. Gima rino jem ibou muhwindacan dino impu kep no pijum nya. Yo di jem yo kwei dima inyeng rino Mehuman kin Bizta kin Harbona kin Bigta kin Abagta kin Zetar kin Karkas.

ESTER 5:14

Nitnem kin nisut bat nya imiap gima lene ipai ingon kanti bak “Abindei ba, tungwatu nya itas cou di ipindur kep tungwatu ingut eisi nidihim gom di nijeisi dem meter nyatungwagom ba, can mem no dima. Leu api njap di hyep ma ahara nibou ndig mem njap tekti leu binhyepo sindui sut ba, apindur Mordekhai ei cou di jei ndig dimati. Apino aba angon di nggan-triot bibit pesta.” Haman binai ighyet nghwak him dima bikan lo gi, kei bibor ri. Gima rino cuk tungwatu nya itas cou jei ndig nidihim gom mem ipindur tungwatu eisi.

ESTER 6:14

Tirigi imbrap kep bit Haman bingwig bigyo lene nibou ndig de mindor pima iba ibinang bikwei buwak Haman ug ei pestati di Ester bon ei mem nibou ndig kin Haman.

ESTER 6:2

Leu api yuum nipas kepti tut Mordekhai di bakilak Bigtan Teres nya di igyok ingon gom mem gima igyai nimai bak nibou ndig pima. Yo cin dini ne mindor di igya ser nibou ndig de nghim nsi pijum ri.

ESTER 8:7

Leu api Nibou Ndig Ahasyweros pai bak Sop Nibou Ndig Ester kin Mordekhai “Ningat ne dipindur Haman ei cou dihim pima drek dip gi ba ningon kanti di kinei bibindei sar mben Yahudi pima tu. Lene dibinjei nide ndigban di nyeng tut nya hagom bak Ester tu.

ESTER 9:14

Pai nok rino nibou ndig cuk awak nya yuug bon igbit Ester nahara nibou ndigti. Leu api noni bindei hei srat nibicukti mem gima mben Yahudi di ibong ei minu ndig pmem Susan igya kep ide nitok joti mbigom kin bu ba, ibipindur Haman nipmot bat nya ibou simnai pima ingut cem.

ESTER 9:25

Noro Ester bisau buug ngat nibou ndig apino nibou ndig pas srat nibicukti ug a. Srat nibicukti dima ribindei dino Haman nitin ei ningon kanti di kinei bibor pima ngkwei hanyen di ndei nonti ug a. Niyai munti dima bindei ba, ipindur noni kin nipmot bat nya yahagom ei cou dihim nya di ibipindur tungwatu eisi hak ug a.

MAZMUR 141:10

Nnaba ibiam ide liep di yonti icom dima. Noro asindui sut ba, dikriau bon bidimbut kikau ba, dingwes ngun.

MAZMUR 35:8

Handei kon ba, itug ndei nisar ningwig krosti ba, ibiam ide bon leu api icut bisar hak ug.

MAZMUR 73:19

Imai kros biwer nimbiam.

DANIEL 6:24

Nibou ndig ningon nggan-triot kei bihig yo di igya ser nya kwei leu binhyepo ibrim Daniel kui leu jui nsi. Tirigi igyai igbit nicuk yokti dima leu lene ingat lo, Daniel tug ndei nibok hi bi lewo noni ba ningon com nide Allah.

DANIEL 6:7

Gima rino yahagom yuug ngat nibou ndig bipai binoni “Nnaba na di Nibou Ndig Darius ayaijo ninno!

SAMUEL GI NIGOM 17:51

Leu api Daud dor biyok niyai kep Goliat ningut biya srak ko hagau noni lene kus Goliat de simeda leu nahamti leu api birop nibou leu bibindei ba, noni mai jit. Tirigi tentara Filistin ingat lo, ide Nihwen Kep Mun Cig mai su lene yahagom inang bingwig.