ESTER 7:8 - ALLAH NIHYET MEM TUNGWATU NYA

⁸ Noni ba ningon di buhun binjei nonti ei bilen di nggriu-nggrop kei di Ester gwam dip bahara bak Ester leu binhyepo teu no leu hukum di nibou ndig mikes ei noni dip a. Noro tirigi noni hara kep bak Ester nok rino nibou ndig ngkwei hanyen kwei leu nide miai mitou nghousi. Tirigi noni ngat Haman niyai munti dima lene hara “Mei! No brim ningkek ba, suar nggek sop nibou ndig ei mpia dini bou diyai him ei ditde ig dini cem e?” Hara nok rino mindor nya ibipbur bitau kwei lene iba minghas binggai ser Haman niboua.

ESTER 7:8 ပူးပေါင်းရင်းမြစ်များ

ESTER 1:5

Gima leu lene noni bon pesta mem limwa nide di inyeng jei nya kin gi hi di yuhui mbum nya cem yahagom ei minu ndig pmem Susan. Pesta mem limwa minu ndig Susan dima mbut mem ari nitindur gom ei miai mitou nghousi ei ig him di nibou ndig de.

ESTER 1:6

Nide awak nya igyai minghas mbrawin di iba minghas linen bibon di bon nisieng nidri kin nitiei ba, ibimau mpia di jo bas hak di iba ngug tig bikrop ttai ei ig him di nibou ndig de. Leu api iba nikuk minghas linen di bon nisieng nghei nta bingot ba, ibisrou srak di iba perak bibon di ipek kin cou di iba tig marmer bibon nya. Leu api iba mas kin perak bibon bilen di nggriu-nggrop kei nijei nya ba, ikon bikes ei minghas mbrawin pima nibehei ei igjou dip di iba tig marmer nitiei kin tig hablur ningwoi kin tig permata gewang di jimjit kei kin tig pirus nidri bimau dima hagom dip.

ESTER 6:12

Gima leu lene Mordekhai ngkwei hanyen buug bigwam kui dimbou hui ei ig nibou ndig de pima. Noro Haman bisau bingkwei hanyen ug ei nide ig binggai niimaisi ser nhyema hiter ingat noni bi lewo mmai sut nonti bibor.

ESTER 7:10

Apino yoni ipindur Haman ei cou dihim di Haman nonti tas ei mem gima bipindur Mordekhai eisi leu api nibou ndig ningon cut leu nigga biborti.

AYUB 9:24

Allah kes dihyeisi dini bak yo di isibut bibindei ba, nikei nya yahagom igyai tu. Allah bon mun nyeng dini hagom tu. Gi bi bon tou bu i?

YESAYA 22:17

Mbro nok anyeng jei lo, midikat na bidicom na ug ei minu ting.

YESAYA 49:23

Nibou ndig nya mibon yonti ba, inok jicig bat nya. Nibou ndig sop nya mibon yonti ba, inok jipmem bat nya. Yoni miba ibiau bicom mpia ei jimig him bikon jinyeng ba, ikuk yok bije binggei sut je. Mpe dima lene mijikan tut bipia Dani ne tuhan ri. Yo di igyok ingon mem Da miwok Da hanyen bi sren.”

AMOS 3:12

Bit leu nok gembala di yai domba di singa ham nikien cin kin nitingou meng gom he ba, gima bindo tut mben Israel di ibong kei-kau ei ibongti di nggriu-nggrop kei ei Samaria ba, ibou poi he mingwes ngun.”

MARKUS 14:65

Lene ibihi itrai ndei Noni leu api iba sinsun ninghas binggai kep niyai lene ibui Noni. Leu api icuk “Ando igbit no di bui Na i.” Ba, yo di igya ser Tuhan De Ig ittem nijap bu.