ESTER 7:6 - ALLAH NIHYET MEM TUNGWATU NYA

⁶ Ester buhup “No di sibut tut nye di ba nitok binye bitin ei mem gima cok tut nye dima ne Haman ri!” Haman digit tut nindig bibor lene ba ningon di digit bibor bitou kep nibou ndig kin sop nibou ndig.

ESTER 7:6 ပူးပေါင်းရင်းမြစ်များ

NEHEMIA 6:16

Tirigi mben di iba nitok binye di ibong ttai nye imiap tut lene idigit tut ba, igyaisi mmai lewo yahagom ikan tut bipia Allah mpu nye tut midyai dima tu.

ESTER 3:10

Tirigi Nibou Ndig miap nihyet dima lene pas srak mas di bijuk ninda pijum di bitak buk kep srat nicuk kep nide limwa nyati leu ninda pijum leu api su bak Haman di nok mben Yahudi ide nitok di kinei sut yok bibor.

ESTER 7:5

Leu api Nibou Ndig Ahasyweros hig ser Sop Nibou Ndig Ester “Tou rino brim ningkek di bon nok gima i? No dima no hantou i?”

ESTER 8:1

Njap dima ne Nibou Ndig Ahasyweros njei Haman de ndigban di nyeng tut nya hagom bak Sop Nibou Ndig Ester lewo Haman ne mben Yahudi ide nitok joti ri. Lene Ester pai sut bak nibou ndig bipia nitom rino Mordekhai a. Apino hon njap dima kwei lene nibou ndig kes nituti bak Mordekhai ba, mbro nok gino nibou ndig hig noni kwei bi lo, noni sindui sut ba, Mordekhai coi ug-coi kwei nyen biya ei noho bei bit leu nijoi sutti.

MAZMUR 27:2

Tirigi yo di isibut nya ihwen da bigyai nimai bida lene yoni rima indrat ndiyok bikinoi ug ei dihyeisi.

NIPINGOK NINGONTI 16:14

Nibou ndig nigga biborti noyam kin nikes hukum nimai ei tungwatu nya dip. Gima rino yo di ingon ki nya ibon mun di bindei ba, nibou ndig ningon jo nyahan.

NIBA NINGON SRIP HUKTI 5:8

Limwa nya ikwas ningat di ikos kui ig gudan tut yam bibon nibou ndig di ya srak ko hagau ide miai nya.

YESAYA 21:4

Dingon digit. Ningkek di henha bindei ba, didigit-digoi. Mmun di diyok dingon mem kwei sut nidigit-digoisi.

KORINTUS GI NIGOM 5:13

Bit leu nok gi ipas ei Allah nihyetti “Ma jicom no di sibut leu jikieti hak ug.”

TESALONIKA GI NICAN 2:8

No Di Ba Nitok Bak Allah mittau kwei. Noro tirigi Tuhan Yesus kwei hanyen ne Noni miba ninnei di hei leu nuhui bikos noni. Yesus nikwei hanyenti di sieng-siau kei dima mibindei timek noni.

SAMUEL GI NIGOM 24:13

Ma tuhan mbus singonti leu binhyepo ndo igbit gi hi di bon mun tunggwei! Handei kon ba, Noni mibirop bak na di Andigpoi drek dip gi abibon da kinei lewo dimbuk tut na di Andigpoi poi mien cem bi.