ESTER 7:10 - ALLAH NIHYET MEM TUNGWATU NYA

¹⁰ Apino yoni ipindur Haman ei cou dihim di Haman nonti tas ei mem gima bipindur Mordekhai eisi leu api nibou ndig ningon cut leu nigga biborti.

ESTER 7:10 ပူးပေါင်းရင်းမြစ်များ

NITRITI 40:22

Noro noni kes hukum nimai ei nibou mem roti dip. Hagom pek kep mem yok bit leu nok Yusuf nimbot kepti.

ESTER 2:1

Njap poi ser lene nibou ndig gga bu bi lo, kan-kan nyen tut Sop Nibou Ndig Wasti niyai munti pima kin nikos tutti di noni bibon drek dip cem bijo kikau.

ESTER 5:14

Nitnem kin nisut bat nya imiap gima lene ipai ingon kanti bak “Abindei ba, tungwatu nya itas cou di ipindur kep tungwatu ingut eisi nidihim gom di nijeisi dem meter nyatungwagom ba, can mem no dima. Leu api njap di hyep ma ahara nibou ndig mem njap tekti leu binhyepo sindui sut ba, apindur Mordekhai ei cou di jei ndig dimati. Apino aba angon di nggan-triot bibit pesta.” Haman binai ighyet nghwak him dima bikan lo gi, kei bibor ri. Gima rino cuk tungwatu nya itas cou jei ndig nidihim gom mem ipindur tungwatu eisi.

ESTER 7:7

Apino nibou ndig gga Haman bibor bikiju leu banggo mbrei di gwam niti ba, hei hak buug biya-ya nyen ei nide miai mitou nghousi. Haman kan tut bipia nibou ndig kos tut mikes hukum ei noni dip tu. Gima rino gwam kikau bit sop nibou ndig Ester bahara bak leu binhyepo teu no biningwes ngun leu hukum nimai.

ESTER 7:8

Noni ba ningon di buhun binjei nonti ei bilen di nggriu-nggrop kei di Ester gwam dip bahara bak Ester leu binhyepo teu no leu hukum di nibou ndig mikes ei noni dip a. Noro tirigi noni hara kep bak Ester nok rino nibou ndig ngkwei hanyen kwei leu nide miai mitou nghousi. Tirigi noni ngat Haman niyai munti dima lene hara “Mei! No brim ningkek ba, suar nggek sop nibou ndig ei mpia dini bou diyai him ei ditde ig dini cem e?” Hara nok rino mindor nya ibipbur bitau kwei lene iba minghas binggai ser Haman niboua.

ESTER 8:7

Leu api Nibou Ndig Ahasyweros pai bak Sop Nibou Ndig Ester kin Mordekhai “Ningat ne dipindur Haman ei cou dihim pima drek dip gi ba ningon kanti di kinei bibindei sar mben Yahudi pima tu. Lene dibinjei nide ndigban di nyeng tut nya hagom bak Ester tu.

ESTER 9:14

Pai nok rino nibou ndig cuk awak nya yuug bon igbit Ester nahara nibou ndigti. Leu api noni bindei hei srat nibicukti mem gima mben Yahudi di ibong ei minu ndig pmem Susan igya kep ide nitok joti mbigom kin bu ba, ibipindur Haman nipmot bat nya ibou simnai pima ingut cem.

ESTER 9:25

Noro Ester bisau buug ngat nibou ndig apino nibou ndig pas srat nibicukti ug a. Srat nibicukti dima ribindei dino Haman nitin ei ningon kanti di kinei bibor pima ngkwei hanyen di ndei nonti ug a. Niyai munti dima bindei ba, ipindur noni kin nipmot bat nya yahagom ei cou dihim nya di ibipindur tungwatu eisi hak ug a.

AYUB 18:8

Noni mbut nimbutti lo, co jalati bisrou nimig.

AYUB 20:8

Noni mipror dem kep nok nimumpriem ningwes he bipren hanyen noyam kin ningat-hi-ngat di ingat mem mmun.

MAZMUR 37:15

Noro tuhan mibindei ba, yoni mitug midut tug hon yonti ide singau simeda ba, Noni midahat ide hampiap nya cem.

MAZMUR 7:16

Itig jui mem yo di hiter noro yonti icut ei jui dimati hanyen.

MAZMUR 94:23

Noni mikes hukum ei yo di isibut nya dip dem igbit ide nisibutti. Noni mibindei ba, ikimut yuhui hak drek dip ide sisar. Nyeni ide tuhan Allah mibindei ba, ikimut yuhui hak ug.

NIPINGOK NINGONTI 11:27

Tungwatu nya mingon kei sut no di ta nibou ei niyai munti di kei nya. Noro mun di buhun bibor micut igkep no di tindei ser nituti mem niyai munti di kinei.

NIPINGOK NINGONTI 11:8

tuhan teu no di ningon kwes kei leu mun di buhun di cut igkep noni biningwes ngun. Mun di buhun kriau noni leu api ndei no di sibut.

NIPINGOK NINGONTI 26:27

No di tig ndep jui bitindei ser hiter bicut eisi lene nonti mibiam ndep jui dima yo. No di bisinggre ba, bei tig ndig di nahanok mitot hiter lene tig ndig dima mitot nonti.

YEREMIA 34:17

Gima rino Da di tuhan disimbot dat bipia apo jigimiap kep dihyet ba, jigikwek je di mben Israel gom leu nuubon yok nok awakti bi e? Gima rino nogindini ditri tut gi dikwek je leu nuubon je nok awakti tug hon gi jitug ndei nimai ei pranti kin nsuwer ajar di hwen jeti kin gi jimai ninggumti. Dibibon jeni bit leu nok gi jibibon sapi di jibui nok mikwau. Dibindei ba, ngkiai nya ei dihyeisi dini hagom igyai ttin tirigi ingat Ditde niyai munti di bitut jeni bou igyai him a.

YEHEZKIEL 5:13

Mporo atug ndei diggati kin dingon mpo tut nati kikau kep dingon bibou dingon cut ug e. Tirigi mun dima yok hagom cut igkep na leu su lene aba angon com bipia Da di tuhan dimbrap bit na ba, digga bibor drek dip ade ningon di gom tut Dati bi.

DANIEL 6:24

Nibou ndig ningon nggan-triot kei bihig yo di igya ser nya kwei leu binhyepo ibrim Daniel kui leu jui nsi. Tirigi igyai igbit nicuk yokti dima leu lene ingat lo, Daniel tug ndei nibok hi bi lewo noni ba ningon com nide Allah.

DANIEL 6:25

Leu api nibou ndig cuk yo di igya ser nya bikat yo di ibakilak Daniel pima kwei leu api injei yok ug ei jui singa dimati bitut itnem bat kin imunggwom bat nya yahagom. Nipou tirigi icut kikau ug ei jui jou dima bigyo lene singa yaham yok bikinam injum bingwig.

ZAKHARIA 6:8

Leu api malaikati hara bipai bida “Kuda nya di imbut ug ei nite bei mpia nijjai ug ei minu ndig Babel pima ibindei ntus tuhan de nigga biborti tu.”

NIJAM NIKEI NYA 15:7

Lene Simson pai bak yo dima “We! Jibuhup binye tug hon nisinati dima e? Dipai tug hon neheng bipia midingon jo nyahan bi bibou dibirop hanyen bije tut jiyai munti dima ug e.”