ESTER 6:6 - ALLAH NIHYET MEM TUNGWATU NYA

⁶ Tirigi Haman coi kwei lene nibou ndig hig ser “Dijoi sut mem gima diyai ninyeng di jei bak tungwagom lo, midibon ndei notou i?” Lo, Haman kan “Tou rima nibou ndig miyai ninyeng di jei bak nya i? Hiter hi bi. Sangkom ngat he.”

ESTER 6:6 ပူးပေါင်းရင်းမြစ်များ

ESTER 1:15

Lene nibou ndig hig ser yok “Disok dihyet ei ditde awak di impu kep da pijum nya dip bak Sop Nibou Ndig Wasti bipai dingon kanti bak leu binhyepo kwei ngat da noro kou. Gima rino nikos tutti di tug hon ditde ninyeng tak kepti dini pingok nye tut munhyet dini bidibon mindei bak i?”

ESTER 5:11

Leu api Haman nggap leu nonti biyok binggei sut nonti tut gi nyeng tut ndigban nya cem tut gi nipmot bat nya imang cem tut gi yai ninyeng di jei dor njiriek nibou di inyeng jei nindigsi nya cem.

ESTER 6:11

Haman ug yai sinsun kin kuda pima leu api juk sinsun ei Mordekhaiti. Tirigi Mordekhai kui bigwam kuda dima dip leu su lene Haman buwak bibie tut ug ei biyati ndig ei minu ndig pmem dima. Noni mbos-hi-mbos kak nimbutti bipai “Jingat i! Nibou ndig buhup bak no di noni joi sut binibou cut bak tug hon nisinati dini rin o!”

ESTER 6:5

Yo di igya kui nibou ndig dima ibuhup “Haman ningat rin ei mpia di jo bas hak di iba ngug tig bikrop ttai ma kwei bimem kep ser nituti tirigi pai ningon kanti biNa Di Anyeng Jei.” Lene nibou ndig cuk yok “Jibuwak noni kwei.”

ESTER 6:7

Apino buhup bak nibou ndig “Ma ayai sinsun nibou ndig di Na Di Anyeng Jei nanti ajuk kikep bak no dima. Leu api aba ade miep ho di bindo tut ade ninyeng tak kep nisindemti bimau ade kuda ningwak.

ESTER 6:9

Lene ma adimig no di ninyeng jei bibor ei minu dini gom ei leu api noni rima mijuk sinsun dima ei no di Na Di Anyeng Jei ayai ninyeng di jei bak dima lene ma no dima kui bigwam ei Na Di Anyeng Jei ade kuda dip. Leu api inggai ba, imbut-mbut nyen tut bidem biyati ndig ei minu ndig dini. Ma no di ninyeng jei bibor dima mbut bibie kuda noho bimbos-hi-mbos kak nimbutti bipai ‘Jingat i! Nibou ndig buhup bak no di noni joi sut binibou cut bak tug hon nisinati dini rin o!’ ”

MAZMUR 35:27

Dijoi sut gima yo di ijoi sut nikei tti kin da bipai sut da bipia dingon ngun nya iba ingon di nggei-hi-nggei bimbos-hi-mbos. Dijoi sut gima ipai-pai nyen “Jit jit tuhan kei-kau-kei ri! Ningon kui sut gima Nide awak yai mun bipek nipekti!”

NIPINGOK NINGONTI 1:32

Yo di ingkek ndok nya mitug ndei nimai drek dip gi ikou sut da. Yo di ingon mbum cem mitug ndei nimai drek dip gi ingig itingou mem dihyet bi.

NIPINGOK NINGONTI 16:18

Ninggei-nggwangti bindei ba, nisarti ntun him. Nillei-lausi micut ninyeng jeisi.

NIPINGOK NINGONTI 18:12

Yo di illei-lau nya micut. Tungwatu nya inggei sut no di ba nibou coi mem yok.

NIPINGOK NINGONTI 30:13

Tungwatu nya bihi ikan bipia yoni ne ikei-kau-kei. Mei! Ingon jo kep ide nikei-kau-keisi!

YESAYA 42:1

tuhan pai “No dini ne Ditde awak rin ba, dahati tut noni bididimig noni ei cem ba, dingat dingwes ei noniti. Midikes dinnei ei noni dip leu api noni mitri tut ningon sren-srausi bak ngkiai nya gom-gom ei dihyeisi dini hagom.

YEREMIA 32:41

Dijoi sut nibon mun di kei bak yoni bidibindei ba, ibong ei minu dini bijo ninno bijo kikau.

OBAJA 1:3

Jide ningon jeisi ris ei jeti. Jide minu ndig pmem dem kep nok tentara nibousi di jiya coi di jiwin ei hak mihyeti ei nungug tig. Jide mpia di jibong niti jo anai ei nungug dip. Gima rino jikan ‘Tou rima sindem mem gima bindei timek nye i?’

MATIUS 3:17

Nihyet gom cem tibim leu gwamti bipai “No dini ne Dipmot rin ba, dingon ngakei Noni bidingon kei sut Noni cem.”

LUKAS 14:9

lene nibou ig bei di hig jahacem kwei ei nibon pestati bit noni pima kwei pai bina ‘Ma ati bileu lewo ditin ei bilen dima mem no dini bigwamti bibie.’ Gi pai nok lene ammai sut nanti drek dip gima aom nanti kikau ug ei nohon keti.

YOHANES 5:23

leu binhyepo yahagom ikon Nipmot ninyeng bit leu nok ikon Nicig cem ninyenga. No di kon Nipmot ninyeng bi kon Allah di cuk Nipmot kwei ninyeng cem bi.