Lene cuk yok leu binhyepo ibuwak Sop Nibou Ndig Wasti pima kwei bikwei sut nide topi sop nibou ndig di bijuk nibou biya tut ei noho bei. Sop Nibou Ndig dima ne sop ubbu ngat kei rin ba, nibou ndig joi sut ndo nuubbu ngat keisi dima bak nibou di inyeng jei nya kin nindigsi di idem yam ei dima yahagom.
ESTER 5:1 - ALLAH NIHYET MEM TUNGWATU NYA1 Ug ei njap gi niningai ei njap di niyem njita ba, nidut ndia ngei bi pima rino Ester juk nide sinsun sop nibou ndig leu api ug ngat nibou ndig ei ninsi di jo bas hak di iba ngug tig bikrop ttai ma kwei. Mpe dima lene nibou ndig no gwam kui nide banggo mbrei di birok kik dimbou hui. အခန်းကိုကြည့်ပါ။ |
ESTER 5:1
14 ပူးပေါင်းရင်းမြစ်များ
“Bikwop pinai kin sop di nibou ndig gijem bi lo, ug ngat nibou ndig ei ninsi di jo bas hak di iba ngug tig bikrop ttai ma kwei lene suar tug ndei nimai drek dip. Harin dima nibou nya kikau ug bipek limwa nya ei nibou ndig ninyeng tak kepti dini cem inggek nikos tutti dima a. Yahagom ingon hukti. Puig gom ngat di mibindei di no di ug ngat nibou ndig dima ningwes ngun leu hukum nimai rinok gini. Gino nibou ndig krau nide tom mas ei nindati bisu bak no dima lene ningwes ngun. Noro nibou ndig jem da biduug ngat noni bi ei bed nitindur gom tu.”
“Anduk limwa Yahudi di ingat rin ei minu ndig pmem Susan dini yahagom bidem yam lene ma jingat nadi tindei da. Ma jiyem njita kin jidut ndia ngei bi ei ninsi njap nitindur ningai. Dani cem midiya tut ditde awak sop gwam nitta pilei di inyohou dani ba, niyem njita ba, nidut ndia ngei cem bi. Nyeni igyai nok gima nipou leu api duug ngat nibou ndig. Mbro nok gino ditunggwei sut nicuk nyeti pima lo, nna ug. Gino suar dimai drek dip ditunggweisi dima lene midimai hak ug.”
Gima rino nibou ndig hig ser yok “Yo di igya kui da tou rino ningat rin ei ditde ig dini nogindini i?” Tirigi hig ser yok nok rino Haman coi kwei biya ei mpia di jo bas hak di iba ngug tig bikrop ttai ma kwei lewo ningon ya mem gima hara nibou ndig leu dima pindur Mordekhai ei cou dihim di jei ndig di tas ei pima him ri.
Gima leu lene Mordekhai juk sinsun no di ninyeng jei di bon nisieng nidri kin nitiei bitut sinsun ndok di jei di gwam nimig gom di bon nisieng nghei nta di iba minghas linen bibon lene ba topi no di ninyeng jei di iba mas di kei-bibor-kei bibon bijuk nibou cem. Tirigi su no gima yokti behei sut leu ig nibou ndig kwei lene timiei minu ndig Susan imbos-hi-mbos bigyai nillei bibor cem lewo yahagom ingon nggei-hi-nggei.
Gima rino ma acuk ade tentara nya leu binhyepo igya ser jui dip kikau mem njap ningai leu binhyepo bit bon yo di igya kui Noni ikwei ket ningut hanyen leu jui nsi kan bi. Gi bi ne mbigom yoni mitri tut bipia Noni kiju hanyen leu nimai eisi tu. Gi nok lene niris bak tungwatu nya ei ningwigsi mikinei bibor dor njiriek niris yok gi nipou pima.”
ကြော်ငြာတွေ