ESTER 4:5 - ALLAH NIHYET MEM TUNGWATU NYA

⁵ Lo bi lene Ester jem Hatah bikwei ngat no. No dini ne mindor gom di nyohou kep Ester pijum bit leu nibou ndig nicuk noti ri. Ester cuk Hatah ug bihig ser Mordekhai tut mun di cut igkep yok dima kin mun di bindei di noni yai nok gima.

ESTER 4:5 ပူးပေါင်းရင်းမြစ်များ

ESTER 1:10

Ei njap gi nimuhwindacan lene nibou ndig nuhui jo kep ba anggur ngei bidut kikau bibindei ba, ningon nggei-hi-nggei bibor. Gima rino jem ibou muhwindacan dino impu kep no pijum nya. Yo di jem yo kwei dima inyeng rino Mehuman kin Bizta kin Harbona kin Bigta kin Abagta kin Zetar kin Karkas.

ESTER 1:12

Noro tirigi ibou muhwindacan di impu kep nibou ndig pijum pima ipai nibou ndig nihyetti bak Sop Nibou Ndig Wasti pima lene noni kou sut gima bit yok apino Ahasyweros gga Wasti bibor.

ESTER 4:10

Ester cuk Hatah buug ngat Mordekhai hanyen bipai bak,

ESTER 4:4

Tirigi awak sop gwam nitta pilei nya kin mindor nya di inyohou kep Sop Nibou Ndig Ester pijum nya ipai sut Mordekhai niyaisi dima bak Ester lene ningon ngguk bibor leu api pinak sinsun bak Mordekhai leu binhyepo juk biluei sinsun kron di juk dima noro Mordekhai kou sut.

ESTER 4:6

Hatah ug ei dimbou pmem nibicoi ug ei ig nibou ndig di bon biyati ei minu ndig pmem dima bitau kep Mordekhai.

ESTER 4:9

Leu api Hatah ngkwei hanyen buug ngat Ester lene ndat kep Mordekhai nihyetti dima hagom bak.

ROMA 12:15

Ma jiyai nillei bit yo di ingon llei nya ba, jingon ngguk bit yo di ingon ngguk nya.

KORINTUS GI NIGOM 12:26

Gino nimbumbati gom ninghuisi wei lene wei bitut nindigsi nya cem ba, yahagom inghuisi wei. Gino hi nggei sut nimbumbati gom lene bitut nindigsi nya cem bibindei hagom ingon llei bibor bit.

FILIPI 2:4

Ma jinyohou mun di bon ninyeng mem jenti he bi noro ma jinyohou mun di bon ninyeng mem hiter cem.

IBRANI 4:15

Ide Imam Nibou Ndig di ninyeng jei ningon dorti tut nye di inghuisi wei lewo Noni ba nibou coi mem mun nyeng di bingon Noni hagom noyam kin nyeni noro bon sisar drek dip bi.