ESTER 4:4 - ALLAH NIHYET MEM TUNGWATU NYA

⁴ Tirigi awak sop gwam nitta pilei nya kin mindor nya di inyohou kep Sop Nibou Ndig Ester pijum nya ipai sut Mordekhai niyaisi dima bak Ester lene ningon ngguk bibor leu api pinak sinsun bak Mordekhai leu binhyepo juk biluei sinsun kron di juk dima noro Mordekhai kou sut.

ESTER 4:4 ပူးပေါင်းရင်းမြစ်များ

NITRITI 37:35

Nipmot bat nya kin nipmisop bat nya yahagom igwam ser ningon noro noni kou sut bipai “Dingon ngguk bibor tut dipmot nimaisi kikau ba, duug bimai kep.” Lene noni pim kui jei sut nipmot kikau.

NIBOU NDIG NYA GI NICAN 9:32

Lene Yehu kiek no bitou kep kendera mihyeti lene jem “Tou rino tti kin dani i? Yo di igya kui nibou ndig ibou pwoi di ibong ei ig nibou ndig dima imiap nihyet lene ikiek yok bitou kep nimo jug.”

ESTER 1:12

Noro tirigi ibou muhwindacan di impu kep nibou ndig pijum pima ipai nibou ndig nihyetti bak Sop Nibou Ndig Wasti pima lene noni kou sut gima bit yok apino Ahasyweros gga Wasti bibor.

ESTER 4:3

Tirigi yo pima itri tut nibou ndig nicukti bidem hanjop nsi hagom tu lene mben Yahudi ipim nggruet bidem minu Persia kin Media nisurti-nipekti hagom. Lene ibiyem njita bi cem ipim kui jei sut cem iba nicot pai nyen cem ba, imang bibor ijuk sinsun kron ba, irim-rim nyen bibong atriemti cem.

ESTER 4:5

Lo bi lene Ester jem Hatah bikwei ngat no. No dini ne mindor gom di nyohou kep Ester pijum bit leu nibou ndig nicuk noti ri. Ester cuk Hatah ug bihig ser Mordekhai tut mun di cut igkep yok dima kin mun di bindei di noni yai nok gima.

MAZMUR 77:2

Diba dihyet nindig bahara Allah. Diba dihyet nindig bahara leu api Noni miap kep dihyet.

YESAYA 56:3

Suar ma ngkiai di ibicom yam bit Ditde limwa nya mipai “tuhan ce tut gima dikuk da biNoni bit Nide limwa nya bi au.” Suar ma no di ikwai nimmai joti leu su mikan “Dem mem gima dibicom yam bit nimpung tuhan de limwa nya bi lewo bit bon diyai munggwom di intun da him kan bi au.”

YEREMIA 31:15

tuhan pai “Nibimbiti tibim kwei leu minu mien Rama. Timiei nya ipim bibwos ba, ipim nggruet cem drek dip Rahel di ningon ngguk tut nimunggwom bat nya ba, kou sut gima hi gwam ser ningona lewo nimunggwom bat nya yahagom imai su.

KISAH 8:27

Gima rino Filipus mbut hak ug. Nok rino noni um mben Etiopia gom di ninyeng jei di ngkwei hanyen ug ei nitimieisi. No dini ne no di nibou kintror di ninyeng jei di ninyeng tak kep mitiei hagom di jo bak nibou ndig sop Kandake ei minu Etiopia ri. Noni ug kuk no bak Allah ei minu ndig Yerusalem,

SAMUEL GI NIGOM 8:15

Noni mipos jide gandum kin jide ba anggur ningat gom leu ningot gom lene nok leu je leu binhyepo kwas hagom tut nide nibou nindigsi nya kin yo di igya kui yoni bu.