ESTER 4:3 - ALLAH NIHYET MEM TUNGWATU NYA

³ Tirigi yo pima itri tut nibou ndig nicukti bidem hanjop nsi hagom tu lene mben Yahudi ipim nggruet bidem minu Persia kin Media nisurti-nipekti hagom. Lene ibiyem njita bi cem ipim kui jei sut cem iba nicot pai nyen cem ba, imang bibor ijuk sinsun kron ba, irim-rim nyen bibong atriemti cem.

ESTER 4:3 ပူးပေါင်းရင်းမြစ်များ

ESTER 1:1

Ahasyweros ne nibou ndig di ninyeng tak kep minu Persia di bon minu ndig pmem Susan ri. Ninyeng tak kepti dima bon nide hanjop nsi nimangti sratus gom ningot can ba, muhwindacan lene nohonti ug bipek kin minu India kikau ug bipek kin minu Sudan cem.

ESTER 3:12

Ug ei njap gi nisimnaibrimigningai mem bed gi nigom lene Haman jem nibou ndig de sekertaris nya kwei bidem yam bit noni. Noni cuk yok leu binhyepo ipas srat bit leu mun nyeng hagom di cuk yok tut nya. Leu api iluei srat dima ei nihyet kin nipas kepti di timiei nya ikrau kep ei Ahasyweros ninyeng tak kepti dima nisurti-nipekti. Ipas srat dima gau Ahasyweros ninyeng lene iba srak mas pima bitak buk ei srat dimati. Leu api ibipbur bipinak srat nicuk yokti dima bak yo di inyeng jei nya kin nibou nya kin andigpoi ndig nya bidem hanjop nsi nya yahagom. Nipas kepti di jo srat dimati bicuk timiei nya yahagom bipia ug ei njap simnaibrimigningai mem Bed Adar ne suar icok tut mben Yahudi yahagom bitut ndigpoi nya kin pinai pilei nya kin sop nya kin munggwom nya ba, hi ningwes ngun bi. Leu api suar ipos ndigban di ide nya hagom cem.

ESTER 4:16

“Anduk limwa Yahudi di ingat rin ei minu ndig pmem Susan dini yahagom bidem yam lene ma jingat nadi tindei da. Ma jiyem njita kin jidut ndia ngei bi ei ninsi njap nitindur ningai. Dani cem midiya tut ditde awak sop gwam nitta pilei di inyohou dani ba, niyem njita ba, nidut ndia ngei cem bi. Nyeni igyai nok gima nipou leu api duug ngat nibou ndig. Mbro nok gino ditunggwei sut nicuk nyeti pima lo, nna ug. Gino suar dimai drek dip ditunggweisi dima lene midimai hak ug.”

ESTER 4:2

kikau buug biya hon dimbou pmem nuhui ei ig nibou ndig. Noro coi ig dima bi lewo harin dima yo di ijuk sinsun kron icoi ug ei ig nibou ndig a.

ESTER 4:4

Tirigi awak sop gwam nitta pilei nya kin mindor nya di inyohou kep Sop Nibou Ndig Ester pijum nya ipai sut Mordekhai niyaisi dima bak Ester lene ningon ngguk bibor leu api pinak sinsun bak Mordekhai leu binhyepo juk biluei sinsun kron di juk dima noro Mordekhai kou sut.

ESTER 9:31

Iba srat dima bipingok yok leu binhyepo ibon midut nibiyok ngon kep Njap Ndig Purimti ei njap di ikos tut ei tu. Gima bit leu nok ide midut nibiyok ngon kep nijam niyem njita bi mem nituti poisi kin nijam ningon nggukti cem. Nipas kepti dima jo ei srat cin di Mordekhai kin Sop Nibou Ndig Ester ipinak pimati.

AYUB 2:8

Apino Ayub ug gwam ei mumpiang nghousi leu api ba den sra ninggre gom bikak nyen nibok nya.

YESAYA 22:12

tuhan Di Ninyeng Jei Bibor di Sindem Bibor cem cuk je ei mpe dima leu binhyepo jipim ba, jibwos-bwos nyen cem jikak jibou nta leu ba, jibijuk sinsun kron cem.

YESAYA 22:4

Ma jiwaisi dani au. Ma jisindui sut ba, dipim bidibwos kep ditde mben di imai nimbiam nya ug e. Ma jigwam ser dingon au.

YESAYA 58:5

Tirigi jiyem njita bi mem nituti poi lene jihwen bit jenti bijindun bou dem kep nok minta di nimeng hun ba, jidis sinsun kron bijigimahap atriem eisi bijibong dip. Jikan bipia niyem njita bi mem nituti poi dima ne nijit rin e? Jikan bipia dijoi sut jiyai munti dima e?

YEHEZKIEL 27:30

Ibipim tut mun di cut igkep nani lene iba ingon di ngguk bibor binso-nso nyen bipim nggruet cem. Ikam dihyei ndung bibigimahap ibou nggram him ba, irim bitoi atriem cem nok bindo tut ide ningon nggukti.

DANIEL 9:3

Leu api duhuk nadi kikau bak tuhan Allah leu binhyepo Noni ngondut Nide limwa nya. Diyem njita bi mem nituti poi bidijuk sinsun kron cem ba, dikuk da bidigwam atriemti.

YUNUS 3:6

Tirigi nibou ndig ei minu ndig Niniwe kan tut igyai munti dima lene noni kes nide banggo mbrei bijo ei leu api juk sinsun nibou ndig leu no lene juk sinsun kron bigwam tut ei atriemti.

MATIUS 13:42

Leu api Noni micom yahagom ug ei hum njengti di cig-cai. Ei mpia dima ne yoni ipim ba, itug ndei ninghuisi wei.

MATIUS 22:13

Lene nibou ndig pai bak nide awak nya ‘Jingot nimig ninda bingkiem leu lene jinjei noni ug ei nidinditi di jo nisai ma kwei. Noni mipim ba, mitug ndei ninghuisi wei ei mpia dima.’ ”

MATIUS 25:30

Ma jinjei awak di sibut dini kikau ug ei nidinditi di jo nisai ma kwei. Noni mipim ba, mitug ndei ninghuisi wei ei mpia dima.’ ”

YOSUA 7:6

Lene Yosua kin nibou Israel nindigsi nya ingon ngguk bibor apino irik ide sinsun rok yo him drek dip leu api ikuk yok biba ingwak bikik dihyei ei bei tuhan De Brua Gi Preu nuhui him mem njap jei dima kikau bimmun kep ba, ikam atriem bigimahap ei ibousi nok bindo tut ingon di ngguk cem.

SAMUEL GI NIGOM 11:4

Lene yo di intek tut nihyet dima ikwei krau Gibea po Saul de minu pima. Tirigi itri tut mun di buhun dima lene timiei yahagom ingon cut leu bipim kui jei sut.