ESTER 4:1 - ALLAH NIHYET MEM TUNGWATU NYA

¹ Mpe di Mordekhai miap tut mun di buhun di tau kep yok dima lene rik nide sinsun di jo ningkekti rok him bijuk sinsun kron di bindo tut ningon di ngguk. Lene kam atriem bigimahap nibou leu api hwou ug ei minu ndig pmem Susan lene ningon ngguk bibor bipim kui jei sut,

ESTER 4:1 ပူးပေါင်းရင်းမြစ်များ

NITRITI 27:34

Tirigi Esau miap nicig nipaisi nok rino ba ningon di ngguk bibor bicot tut lene hara nicig bipai “Arig e, suar anjei mun di kei hi bidani cem!”

NITRITI 37:34

Apino Yakub ningon ngguk bibor birik nide sinsun rok him bijuk sinsun kron drek dip nipmot ba, ningon di ngguk dima jo kikau ei njap mang.

SAMUEL GI NICAN 1:11

Lene Daud kin yo di igya kui noni irik ide sinsun lewo yahagom ingon ngguk nindig bibor.

SAMUEL GI NICAN 13:19

Lene Tamar kam dihyei ndung ei nibousi birik sinsun ndok di juk dima cem. Noni ba ninda hacem bitak kep ser niimaisi lene ba ningon di ngguk bibor bipim kak nimbutti.

ESTER 4:2

kikau buug biya hon dimbou pmem nuhui ei ig nibou ndig. Noro coi ig dima bi lewo harin dima yo di ijuk sinsun kron icoi ug ei ig nibou ndig a.

ESTER 4:3

Tirigi yo pima itri tut nibou ndig nicukti bidem hanjop nsi hagom tu lene mben Yahudi ipim nggruet bidem minu Persia kin Media nisurti-nipekti hagom. Lene ibiyem njita bi cem ipim kui jei sut cem iba nicot pai nyen cem ba, imang bibor ijuk sinsun kron ba, irim-rim nyen bibong atriemti cem.

AYUB 1:20

Lene Ayub kiju birik nide sinsun ei no him gi bindo bipia ningon ngguk bibor. Noni kak nibou nta leu api tti ug ei dihyeisi biba ningwak bikik dihyei,

AYUB 2:8

Apino Ayub ug gwam ei mumpiang nghousi leu api ba den sra ninggre gom bikak nyen nibok nya.

AYUB 42:6

Gima rino dimmai sut mun di tibim ei duhui him hagom bidigwam atriemti nok bindo bipia dittin ser hagom tu.”

YESAYA 15:4

Timiei minu ndig Hesybon kin minu mien Eleale ipim kui jei ba, ighyet ug ninno bipek kin minu ndig Yahas. Tentara di ide nya cem igyai nidigit ei yamti ba, mimbri di kui ingkek cut hak leu yok tu.

YESAYA 22:4

Ma jiwaisi dani au. Ma jisindui sut ba, dipim bidibwos kep ditde mben di imai nimbiam nya ug e. Ma jigwam ser dingon au.

YESAYA 37:1

Mpe di Nibou Ndig Hizkia miap mun di ibou ningai dima ipai sut bak leu api rik nide sinsun rok him leu ba, juk sinsun kron di bindo tut ningon di ngguk. Noni kiju buug coi tuhan De Ig,

YESAYA 37:2

bipinak Elyakim di nok nibou mem nide ig bei nsi nya kin Sebna di nok sekertaris gi nigom kin imam di iwer andig-ndau su ibou poi ba, yahagom yuug ngat Nabi Yesaya di Amos nipmot. Yo dini cem yahagom ijuk sinsun kron noyam.

YESAYA 58:5

Tirigi jiyem njita bi mem nituti poi lene jihwen bit jenti bijindun bou dem kep nok minta di nimeng hun ba, jidis sinsun kron bijigimahap atriem eisi bijibong dip. Jikan bipia niyem njita bi mem nituti poi dima ne nijit rin e? Jikan bipia dijoi sut jiyai munti dima e?

YEHEZKIEL 21:11

Singau simeda nggwen-gwau bijo hak ei mem no di mem ninghat tut leu api singau simeda dima jo ei mem nitot kep tungwatu cig nya.

YEHEZKIEL 21:6

Na di tungwatu di ayaijo kikau bi e, ma ahara niwei-nidut ei mben Israel yoho bei tereu nok angon dahat ba, angon cut leu cem pimo.

DANIEL 9:3

Leu api duhuk nadi kikau bak tuhan Allah leu binhyepo Noni ngondut Nide limwa nya. Diyem njita bi mem nituti poi bidijuk sinsun kron cem ba, dikuk da bidigwam atriemti.

MIKHA 1:8

Gima rino mun dima yok bindei ba, da di Mikha dingon buhun bibor bidingon ngguk bibor cem. Midikwek srop leu dimig jou bidikui mai he leu api diya-ya nyen nok mun di bindo bipia dingon buhun bibor. Midiyau-yau nyen noyam kin nsien bigbehei ba, dihyet noyam kin ha unta niyausi.

ZEFANYA 1:14

tuhan de njap nimbus tungwatu ingonti dideu kwei su. Igbit ri! Njap dima dideu bibor bitau kros kep nye ri. Njap dima mpung tut ninghuisi wei bibor di bindei ba, tentara di mimbri kui ingkek nya cem mipim kui jei drek dip ide ningon dahat leusi!

MATIUS 11:21

“Ayo! Notou mem je di timiei minu ndig Korazim i? Ayo! Notou mem je di timiei minu ndig Betsaida i? Mindur di dibibon mem je tu pima gino dibibon bak timiei minu ndig Tirus kin Sidon lene mmo yo gi ijuk sinsun kron di bindo bipia ittin ser ide sisar bikiek ndam Allah leu api igwam tut ei atriemti mimbrek tu.

KISAH 14:14

Noro tirigi ingon kanti dima jo nibreisi mem Paulus Barnabas nya lene irik ide sinsun rok him leu lene idor bisrig yo dima ikieti ba, imbrua kep yok bipai,

YOSUA 7:6

Lene Yosua kin nibou Israel nindigsi nya ingon ngguk bibor apino irik ide sinsun rok yo him drek dip leu api ikuk yok biba ingwak bikik dihyei ei bei tuhan De Brua Gi Preu nuhui him mem njap jei dima kikau bimmun kep ba, ikam atriem bigimahap ei ibousi nok bindo tut ingon di ngguk cem.

NINGAT-HI-NGAT NYA 11:3

Midicuk nabi nya ibou can di ijuk sinsun kron leu binhyepo itri tut Allah ningon kanti kikau mem njap sribu gom sratus can ningot muhwindagom.”