ESTER 3:9 - ALLAH NIHYET MEM TUNGWATU NYA

⁹ Gino Na Di Anyeng Jei angon buhun tut bi lene ma abindei hei srat nibicukti mem gima ade limwa nya icok tut yo dima yahagom bihigom hak ug. Gino Na Di Anyeng Jei ace tut dipingok nati dini lene midibindei coi mitiei perak kilo sribu sratus ningai ningot bitai binjiriek ei kintror di igyok kep perak eisi leu binhyepo Na Di Anyeng Jei abinyohou dimig ade ninyeng tak kepti dini.”

ESTER 3:9 ပူးပေါင်းရင်းမြစ်များ

NITRITI 23:16

Lene Abraham ce tut nibok ba, nyohou kwop mitiei nitig nimangti bit leu nok Efron nipaisi ei yahagom yoho bei. Ba, nimangti ug ei mitiei nitig sratus bitai bit leu nok nitri-nibipek mun cig ide mitiei nibuhunti.

ESTER 3:10

Tirigi Nibou Ndig miap nihyet dima lene pas srak mas di bijuk ninda pijum di bitak buk kep srat nicuk kep nide limwa nyati leu ninda pijum leu api su bak Haman di nok mben Yahudi ide nitok di kinei sut yok bibor.

ESTER 3:8

Leu api Haman pai bak nibou ndig “Na Di Anyeng Jei e, mben gom di titer leu mben nindigsi nya ibong timiei srig nyeti bidem hanjop nsi hagom ei ade ninyeng tak kepti dini. Igyai kepti nya cem titer leu ade limwa nya igyai kepti nya. Gima he bi lewo yo dini ibit niggai ser tungwatu nyati di tibim bidem anyeng tak kepti dini bi. Gima rino Na Di Anyeng Jei e, ma acigit yo di ibon mun bit leu ingon kanti dima au.

ESTER 4:7

Lene Mordekhai nyohou pui sut mun di cut igkep no bak lene bipai sut mitiei perak nimangti di Haman preu sut ei mem nibou ndig tu dima bindei coi ei kintror mitiei nibousi pima cem gino timiei minu Persia nya icok tut mben Yahudi yahagom leu Ahasyweros ninyeng tak kepti nisurti-nipekti cem.

ESTER 7:4

Lewo tungwagom tri dani kin ditde mben tu apino minitug ndei nimai biningwig ug ri! Gino no dima mitri nye bininok awak mem hiter he lene midibindin-ndin nyen Na Di Anyeng Jei bi noro midikuk da bidahap diji bi. Noro jei bi lene no dima mibindei sar nahagom bicok tut nye biningwig leu ade ninyeng tak kepti nisurti-nipekti hagom ug ri!”

DANIEL 3:8

Mun di pek kep dima bon nikwesti di kei bibor mem mben Babel ibou poi ipai kep mben Yahudi.

MATIUS 18:24

Sindi hig bram yok lene ibuwak awak gom di rop ningwam juta mang bibor bigyo kwei biya ei noho bei.