ESTER 3:5 - ALLAH NIHYET MEM TUNGWATU NYA

⁵ Tirigi Haman miap tut Mordekhai di kou sut gima ba nibiau bicom mpia bikuk no bak noni lene ningon sibui sut Mordekhai nindig bibor.

ESTER 3:5 ပူးပေါင်းရင်းမြစ်များ

ESTER 1:12

Noro tirigi ibou muhwindacan di impu kep nibou ndig pijum pima ipai nibou ndig nihyetti bak Sop Nibou Ndig Wasti pima lene noni kou sut gima bit yok apino Ahasyweros gga Wasti bibor.

ESTER 3:2

Nibou ndig cuk nibou di igya kui noni yahagom leu binhyepo iba ibiau bicom mpia ei Haman noho bei ba, ikuk yok bak. Apino nindigsi nya yahagom ibit nibou ndig nicuk yokti noro Mordekhai kou sut ba, gikuk no bak bi.

ESTER 3:4

Ipingok kep ningonti bikwop njap-njap leu binhyepo bit nihyet hak ug. Noro Mordekhai sem tut ide nipingok noti bipai biyok “Dani ne Mben Yahudi ri. Gima rino gi mbun diba dibiau bicom mpia bidikuk da bak tungwatu dihyeisi dini bi.” Leu api yo dima ibakilak noni bak Haman lewo ijoi sut itou kep mun di Haman bibon bak Mordekhai.

ESTER 5:9

Lene Haman ba ningon di nggei-hi-nggei bijo leu pesta dima. Noro tirigi ug krau dimbou hui ei ig nibou ndig de bingat Mordekhai di kiju mem gima kuk no ba, nibou cut bak bi lene ningon sibui sut noni nindig bibor.

AYUB 5:2

Yo di ingon mbum nya yongkom itug ndei nimai drek dip gi indron hiter.

MAZMUR 37:12

No di sibut tin ei ningon kanti di kinei mem no di ningon sren. Ningwak mbriu sut ba, ningon mpo tut noni cem.

NIPINGOK NINGONTI 12:16

Gino awaisi no di ningon mbum ne noni buhup kros bitri tut ningon sibuisi. Gino hi nihyet tigut no di ningon ki ne nihyet dima po leu noni.

NIPINGOK NINGONTI 19:19

Ma asindui sut no di gga-gga wai ba, biang nide niyai munti nibuhunti. Gino aya hacan mem noni ne nigga-gga waisi bikum eisi.

NIPINGOK NINGONTI 21:24

No di llei-lau ba, nggei-nggwang cem llei sut ba nihyet yai hiter cem ningkek ndok.

NIBA NINGON SRIP HUKTI 10:6

Ningon mbum nya bihi ikui bigwam nok yo di inyeng tak kep limwa nya. Noro yo di inyeng nya bihi inyeng tak kep mun nyeng hi bi.

DANIEL 3:19

Ipai nok rino Nebukadnezar gga nindig bibor ba, ninnei kui mem gima yai nimai bak Sadrakh kin Mesakh kin Abednego. Gima rino noni cuk yo di igya ser nya bindig hum bininjeng cig-cai bibor ba, niwamti mbimuhwindacan njiriek gi nipou a.