ESTER 2:7 - ALLAH NIHYET MEM TUNGWATU NYA

⁷ Lo bi lene Mordekhai bon nikwohop Ester di nitom sop gwam nitta pilei gom di niimaisi ubbu ngat kei di ningut cem kei bibor kei. Tungwatu nya iba nihyet Ibrani bijem ninyeng Hadasa. Mpe di po Ester de andigpoi ningat nya imai leu su pima ne Mordekhai nek Ester ba, nyohou nok nonti nipmisop ningat.

ESTER 2:7 ပူးပေါင်းရင်းမြစ်များ

NITRITI 48:5

Yusuf e, midijem apmot bat cin Efraim kin Manasye di atnem yai bina ei minu dini nipou tirigi dikwei bigyo nok dipmot bat cin bu noyam kin Ruben Simeon nya.

ESTER 1:11

Lene cuk yok leu binhyepo ibuwak Sop Nibou Ndig Wasti pima kwei bikwei sut nide topi sop nibou ndig di bijuk nibou biya tut ei noho bei. Sop Nibou Ndig dima ne sop ubbu ngat kei rin ba, nibou ndig joi sut ndo nuubbu ngat keisi dima bak nibou di inyeng jei nya kin nindigsi di idem yam ei dima yahagom.

ESTER 2:15

Tto bou dem lene Ester coi ndam nibou ndig biya ei noho bei. Ester ne Abihail nipmisop rin ba, nitom Mordekhai nek binyohou nok nonti nipmisop. Bikwop tungwagom-gom di ngat Ester bou niyai him nggap leu sut nuubbuti. Noni ug ngat nibou ndig bijuk sinsun bit leu Hegai di nok mindor mem sop gwam nitta pilei nibousi pima nindoti kin nipingok noti.

ESTER 2:20

Ba, Ester gipai sut nonti bipia noni ne sop Yahudi rin bigyo. Lewo Mordekhai hwen Ester ningonti tu leu binhyepo mbot kep tut bipia noni ne sop Mben Yahudi rin bi. Ester bit nipmum Mordekhai nihyet noyam kin gi bit nihyet mpe di po nimien yo po nyohou no pima.

ESTER 8:1

Njap dima ne Nibou Ndig Ahasyweros njei Haman de ndigban di nyeng tut nya hagom bak Sop Nibou Ndig Ester lewo Haman ne mben Yahudi ide nitok joti ri. Lene Ester pai sut bak nibou ndig bipia nitom rino Mordekhai a. Apino hon njap dima kwei lene nibou ndig kes nituti bak Mordekhai ba, mbro nok gino nibou ndig hig noni kwei bi lo, noni sindui sut ba, Mordekhai coi ug-coi kwei nyen biya ei noho bei bit leu nijoi sutti.

AYUB 31:17

Tirigi diyem njita nok gi dem ne disindui sut moibihi nya ba, ninggum hwen yok bi sren.

AYUB 31:18

Noro dinyohou yok bidimpu yok habiei leu dimien kwei bipek ammani kep.

KORINTUS GI NICAN 6:18

Dibibon Danti bidinok Jicigya lene jibibon jenti bijinok dipmot bat kin dipmisop bat nya. Gini ne Allah di Sindem Bibor nipreu kep nyeti ri.”

EFESUS 6:4

Munggwom cig jen e, ma jiba je yai yok bijibiyai ingon ten bingon sibui sut je drek dip au. Noro ma jiba Tuhan ningginausi nya bipingok yok ba, jinyohou yok bibou imahan ug e.

YOHANES GI NIGOM 3:1

Ma jiba jingon srip bram bipia Icig Allah ningon ngakei nye nindig bibor bijem nye nok nimunggwom bat nya. Gima rino ningat ne nimunggwom bat nya rinyeni! Gima rino tungwatu dihyeisi di kinei dini ingon dorti tut nye bi lewo ingon dorti tut Allah bi.