ESTER 2:2 - ALLAH NIHYET MEM TUNGWATU NYA

² Gima rino yo di igya kui noni di ipingok kep ningonti nya di noni jem nisut bit yok pima ibou poi ipai ingon kanti bak “Gikei mem anggok sop gwam nitta pilei di ubbu ngat kei nya mem Na Di Anyeng Jei a.

ESTER 2:2 ပူးပေါင်းရင်းမြစ်များ

NITRITI 12:14

Tirigi ipigau minu Mesir de minu niya kwas yamti tu lene timiei minu dima ingat lo, Sarai ne sop di ubbu ri.

NIBOU NDIG NYA GI NIGOM 1:2

Gima rino yo di igya kui noni ipai binoni “Andigpoi e, asindui sut ba, ninggok sop gwam nitta pilei gom kwei mem gima nyohou na di Andigpoi bibong simiak na leu binhyepo adigok bi.”

ESTER 1:10

Ei njap gi nimuhwindacan lene nibou ndig nuhui jo kep ba anggur ngei bidut kikau bibindei ba, ningon nggei-hi-nggei bibor. Gima rino jem ibou muhwindacan dino impu kep no pijum nya. Yo di jem yo kwei dima inyeng rino Mehuman kin Bizta kin Harbona kin Bigta kin Abagta kin Zetar kin Karkas.

ESTER 1:14

Yo dima inyeng rino Karsena kin Setar kin Admata kin Tarsis kin Meres kin Marsena kin Memukan ba, nibou ndig ba ningon com yahagom. Ba, igya kui nibou ndig minu Persia kin Media ba, inyeng jei dor njiriek nibou nindigsi nya.

ESTER 2:3

Ma ata yo di igya kui nani bidem hanjop nsi hagom ei ade ninyeng tak kepti dini leu binhyepo inggok sop gwam nitta pilei di ubbu ngat kei nya leu api abindei ba, ibuwak yok kwei ei ade ig di abet pijum ei mem ade sop gwam nitta pilei nya nibousi ei minu ndig pmem Susan dini. Leu api Hegai di nok mindor di yai midyai pijum di nok nibou mem ig nibou ndig sop mpu yok binyohou yok tut ide nuubbuti.

ESTER 6:14

Tirigi imbrap kep bit Haman bingwig bigyo lene nibou ndig de mindor pima iba ibinang bikwei buwak Haman ug ei pestati di Ester bon ei mem nibou ndig kin Haman.