ESTER 10:1 - ALLAH NIHYET MEM TUNGWATU NYA

¹ Nibou Ndig Ahasyweros bindei ba, nide limwa nya di ibong les him kin mios nya he igo belasten gau yonti bi. Noro mem yo di ibong mukti kin nungug him cem.

ESTER 10:1 ပူးပေါင်းရင်းမြစ်များ

NITRITI 10:5

Yo dini inok pung dino yo di ibong mukti kin mios nya yahagom intun him. Ba, yahagom intun Yafet him leu api ikwas yam bit leu ide keret nya kin ide minu nya cem lewo bikwop keret dini ighyet ter leu yam.

ESTER 1:1

Ahasyweros ne nibou ndig di ninyeng tak kep minu Persia di bon minu ndig pmem Susan ri. Ninyeng tak kepti dima bon nide hanjop nsi nimangti sratus gom ningot can ba, muhwindacan lene nohonti ug bipek kin minu India kikau ug bipek kin minu Sudan cem.

ESTER 8:9

Njap dima ne njap gi ningot can ba, ningai mem Bed Siwan ri. Mordekhai hig nibou ndig de sekertaris nya kwei lene cuk yok bipas srat nya bit leu mun nyeng hagom di cuk yok tut nya. Iluei srat dima ei nihyet kin nipas kepti di timiei nya ikrau kep ei Ahasyweros ninyeng tak kepti dima nisurti-nipekti bipas gau Ahasyweros ninyeng ba, iba srak mas pima bitak buk ei srat dima yokti. Leu api ibipbur bipinak srat nicukti dima bak yo di inyeng jei nya kin nibou nya kin andigpoi ndig nya yahagom ei hanjop nsi sratus gom ningot can ba, muhwindacan pima leu minu India kikau ug bipek kin minu Sudan. Lene Mordekhai cem ba mben Yahudi ighyet kin ipasti bipas srat bak yo dima.

MAZMUR 72:10

Nibou ndig minu Tarsis kin mios nya mikwei binjei munkwas bak noni. Nibou ndig minu Arab kin Etiopia nya mikwei go belasten binoni.

YESAYA 11:11

Ei mpe dima lene tuhan miba Nide nisindemti bibuwak Nide limwa niken-ken nya di ibong ei minu Asyur kin minu Mesir kin minu Patros kin minu Sudan kin minu Elam kin minu Babel kin minu Hamat kin mios nya di ting ba, yahagom ikwei hanyen bu.

YESAYA 24:15

yo di ibong ei nite bei mpia nipriti mikon ninyeng a. Timiei di ibong mukti nya mikon tuhan Allah Israel ninyeng bijo nai.

DANIEL 11:18

Gima leu api nibou ndig dima njei siceu bihwen mben di ibong sir muk pimat nya lene bindei timek imang bibor. Noro nibou ndig ngkiai gom mibindei ba, nibou ndig minu Siria de nillei-llausi dima kes hon leu api suar noni biang niyai munti dima nibuhunti.

LUKAS 2:1

Ei mpe dima Kaisar Agustus tri nihyet bipai bipia suar bikwop nide limwa nya bidem dihyeisi dini hagom yuug ei kintrorti di jo ei itimieisi bindat kep inyeng leu binhyepo noni kan tut yahagom imangti sok yam.