ESTER 1:7 - ALLAH NIHYET MEM TUNGWATU NYA

⁷ Nibou ndig tin ei ba anggur ngei nindig bibor di pot nipou ei su buhug kui nide mok hi gom hi gom bimpung mem yo di jem yok kwei nya yahagom.

ESTER 1:7 ပူးပေါင်းရင်းမြစ်များ

NIBOU NDIG NYA GI NIGOM 10:21

Lene tukan nya iba mas bibon Salomo de mok di dut minyei eisi nya hagom. Lene iba mas bibon nide hot nya kin hot nggram nya cem hagom mem nide Ninsi Baham Libanon. Iba perak bibon mun nyeng hi bi lewo ei nijam Salomo lene perak bon ninyeng bi.

NIBOHON MBEN ISRAEL GI NICAN 9:20

Iba mas bibon Salomo de mok di dut minyei eisi nya hagom. Lene iba mas di pimbai kei bibon hot nya kin hot nggram nya hagom ei Ninsi Baham Libanon. Iba perak bibon mun nyeng hi bi lewo ei nijam Salomo dima ne perak nibok cut bibor.

ESTER 1:8

Lene noni gipai ser yo di idem yam ei pima tut ba anggur ngei di idut bi. Noro sindui sut ba, bihi yuhui jo kep bidut didiyam lene bihi idut lai-lai de he cem. Noni cuk kep awak di igyai midyai ei ig nibou ndig leu binhyepo yuhug ba anggur ngei bak yo di ikwei dem yam ei su nya bidut bit leu ijoi sutti.

ESTER 2:18

Gima leu lene Ahasyweros bon pesta nindig bibor di bindo tut nijoi sut Esterti bikon ninyenga. Noni nduk yo di igya kui noni kin nibou di inyeng jei nya ba, yahagom idem yam ei pestati dima. Noni bitri tut njap dima bipia njap ndig di tungwatu nya igwam kep inghuisi bidem ninyeng tak kepti nisurti-nipekti binjei mun di kei bibor bak nide limwa nya yahagom bit leu nok nibou ndig nya igyai kepti cem.

MATIUS 4:24

Gima rino ninghapti tibim bidem hanjop Siria nisurti-nipekti apino tungwatu nya ibuwak yo di inggwen kin yo di imai-mai nyen kin yo di ninnei rom ya ingonti kin yo di ibuwei kin yo di las hwen yok cem hagom kwei leu api Noni bindei ba, ikei hanyen.