ESTER 1:3 - ALLAH NIHYET MEM TUNGWATU NYA

³ Nibou Ndig Ahasyweros ninyeng tak kep limwa nya ug cut ari bingwam gi niningai lene noni bon pesta di nindig bibor mem yo di inyeng jei kin yo di igya kui noni yahagom. Nibou pran minu Persia kin Media kin nibou hanjop nya cem bitut yo di inyeng jei ei hanjop nsi nya yahagom ibit pesta dima.

ESTER 1:3 ပူးပေါင်းရင်းမြစ်များ

NITRITI 40:20

Njap ningai bu lene Firaun bon pesta nindig bibor kep nide njap di srek binduk nide nibou di igya kui noni yahagom kwei. Leu api sok nihyet mem nibou ig bui bikes nibou mem ba anggur ngei kin nibou mem roti leu ig bui nsi kwei ei yahagom yoho bei.

NIBOU NDIG NYA GI NIGOM 3:15

Lene Salomo da niyai bikiju leu api jo nibreisi mem noni bipia Allah mbrap bit noni tug hon mumpriem dima tu. Lene noni ngkwei hanyen ug ei minu ndig Yerusalem biya Brua Gi Preu noho leu api bon midut nindig mindhe titut kep humti kin nibon midut nibiyai ningon kwes kin tuhanti hagom ei nimbar hum dokti. Gima ngwig lene noni bon pesta mem nide nibou nya di igya kui noni yahagom.

EZRA 1:2

“Da di Nibou Ndig Kores dinyeng tak kep mben Persia ba, ditri tut dicuk jeti. tuhan di nok Allah di ninyeng tak kep gwamti bindei ba, dinyeng tak kep tungwatu bidem dihyeisi dini hagom. Noni cuk da leu binhyepo diwin Ig nibousi gom mem Noni ei minu ndig Yerusalem ei hanjop Yehuda.

ESTER 1:14

Yo dima inyeng rino Karsena kin Setar kin Admata kin Tarsis kin Meres kin Marsena kin Memukan ba, nibou ndig ba ningon com yahagom. Ba, igya kui nibou ndig minu Persia kin Media ba, inyeng jei dor njiriek nibou nindigsi nya.

ESTER 1:4

Nibou ndig ndo mun di nyeng tut nya ei nide ig nibou ndig kin nide ninyeng tak kepti di nindig bibor ba, sindem bibor cem bak yo di inyeng jei dima yok kikau mem nijam bed nitindur muhwindagom.

ESTER 2:18

Gima leu lene Ahasyweros bon pesta nindig bibor di bindo tut nijoi sut Esterti bikon ninyenga. Noni nduk yo di igya kui noni kin nibou di inyeng jei nya ba, yahagom idem yam ei pestati dima. Noni bitri tut njap dima bipia njap ndig di tungwatu nya igwam kep inghuisi bidem ninyeng tak kepti nisurti-nipekti binjei mun di kei bibor bak nide limwa nya yahagom bit leu nok nibou ndig nya igyai kepti cem.

ESTER 3:7

Tirigi Nibou Ndig Ahasyweros ninyeng tak kep minu Persia mem ari bingwam simnaibrimigcan ug bipek Bed Nisan di bed gi nigom lene Haman bindei ba, hi ba niko nibinggok tutti di ninyeng Purim bikan tut njap kin bed di dem mem gima noni bindei mbut nikos tutti di kinei bibor di tin ei nipou su pima. Leu api Purim bindo tut njap gi nisimnaibrimigningai ei Bed Adar di bed gi nisimnaibrimigcan.

YESAYA 21:2

Dingat ningat-hi-ngat tut mun di cut igkep tungwatu nya di bibon ingon di ttin bibor kin naham nimbuk kep yamti kin nibindei sar yamti cem. Tentara Elam e, ma jikiju bijinjei siceu bijihwen! Tentara Madai e, ma jiyon ttai! Allah mibindei ba, ninghuisi wei hagom di minu Babel bindei mbut nya mikes hon.

YEREMIA 51:11

tuhan pingok nibou ndig minu Media nya ingonti leu binhyepo ingon sibui sut mben Babel bibindei timek yok drek dip gi ibindei timek Nide Igya. Nibou tentara nya icuk ide limwa nya “Jisien jide singau tibor nya! Jitin ei jide mun di jibipukep tibor ninggwenti nya cem!

DANIEL 5:1

Mpe di gom bu Nibou Ndig Belsyazar hig yo di inyeng jei nya ibou sribu gom kwei ba, bon pesta nindig bibor mem yok. Idut ba anggur ngei nindig bibor cem.

DANIEL 5:28

‘Ikwas hacan’ ndo tut gi Allah bindei ba, anyeng tak kepti kwas hacan tu ba, mben Media inyeng mitak kep igdo hi lene mben Persia inyeng mitak kep igdo hi bu.”

DANIEL 6:1

Tirigi niabiati Belsyazar mai leu su lene Darius di nok nibou ndig mem minu Media ta nonti nok nibou ndig mem mben Babel cem. Mpe dima lene Darius de njap ug ei ari bingwam ningot muhwindagom ba, can.

DANIEL 8:20

Domba nikre di bon nibou nggai can di angat bibie bindo tut nibou ndig minu Media kin nibou ndig minu Persia bitut ide ninyeng tak kepti.

MARKUS 6:21

Jei bi lene bon nituti mem Herodias tirigi Herodes bon pesta kep nide njap lene yo di igya kui noni kin nibou tentara nya kin nide limwa di inyeng jei nya ei hanjop Galilea, yahagom ikwei bidem yam ei pestati dima bit noni.