ESTER 1:19 - ALLAH NIHYET MEM TUNGWATU NYA

¹⁹ Gima rino nipai ningon kanti bak Na Di Anyeng Jei. Suar akos tut bipia Sop Nibou Ndig Wasti dima mikwei ya ei Na Di Anyeng Jei aho bei bu bi. Abindei coi nyeni nihyet nghwak him dima ei minu Persia kin Media nikos tutti nya di jo tu bihigom leu binhyepo gi mbun ikus hanyen leu kan bi. Gima leu lene ma acut atnem ninyeng Sop Nibou Ndig leu ba, ayai bak sop hiter di niyai munti nya kei dor njiriek noni bu.

ESTER 1:19 ပူးပေါင်းရင်းမြစ်များ

NIBOU NDIG NYA GI NIGOM 3:28

Tirigi mben Israel imiap tut notou Salomo kos tut munhyet di buhun dima lene yahagom inggap leu nindig bibor. Jo nibreisi mem yok bipia Allah yai ningon di ki bak Salomo leu binhyepo ba ningon di sren kei bikos tut munhyet nya.

ESTER 1:18

Gino nibou di inyeng jei ei minu Persia kin Media itnem bat nya imiap tut gima lene mipai sut bak ijjep bat nya cem haninyai. Leu gima mibindei ba, sop nya misrep tut ijjep bat nya ighyet lene ijjep bat nya migga itnem bat nya drek dip.

ESTER 1:21

Nibou ndig kin yo di igya kui noni cem yahagom ice tut Memukan nipingok noti dima leu api yai nibou tut,

ESTER 2:1

Njap poi ser lene nibou ndig gga bu bi lo, kan-kan nyen tut Sop Nibou Ndig Wasti niyai munti pima kin nikos tutti di noni bibon drek dip cem bijo kikau.

ESTER 3:9

Gino Na Di Anyeng Jei angon buhun tut bi lene ma abindei hei srat nibicukti mem gima ade limwa nya icok tut yo dima yahagom bihigom hak ug. Gino Na Di Anyeng Jei ace tut dipingok nati dini lene midibindei coi mitiei perak kilo sribu sratus ningai ningot bitai binjiriek ei kintror di igyok kep perak eisi leu binhyepo Na Di Anyeng Jei abinyohou dimig ade ninyeng tak kepti dini.”

ESTER 8:5

“Gino Na Di Anyeng Jei angon ngakei ade awak di dani ba, angondut da lene ma abindei hei srat nibicukti di biciu ser Haman de srat ngot di bicuk ade limwa nya mem gima icok tut mben Yahudi di ingat rin ei ade ninyeng tak kepti nisurti-nipekti hagom pima.

ESTER 8:8

Noro bit bon dibrim srat di dipas gau dinyeng nibou ndig biditak buk eisi tu hanyen kan bi. Mbro nok gima lo, disindui sut bijipas srat bak mben Yahudi tut mun nyeng di jikan lo, kei nya. Ma jipas srat dima gau dinyeng lene jiba ditde srak mas bitak buk eisi.”

DANIEL 6:17

Gima rino nibou ndig cuk yo di igya ser nya leu binhyepo ikat Daniel binjei noni ug ei jui singati. Noni pai bak Daniel “Nnaba ade Allah di aba angon di gom bikuk na bak miteu na ba, angwes ngun.”

SAMUEL GI NIGOM 15:28

Lene Samuel pai binoni “Allah rik anyeng di tak kep ade limwa nya bingwig leu na mem njap di ammani leu api yai bak no di ningon sren dor njiriek na di Andigpoi tu.