ESTER 1:12 - ALLAH NIHYET MEM TUNGWATU NYA

¹² Noro tirigi ibou muhwindacan di impu kep nibou ndig pijum pima ipai nibou ndig nihyetti bak Sop Nibou Ndig Wasti pima lene noni kou sut gima bit yok apino Ahasyweros gga Wasti bibor.

ESTER 1:12 ပူးပေါင်းရင်းမြစ်များ

NITRITI 3:16

Lene Noni pai bak no di sop “Tirigi atta buhun lene midibindei ba, anghuisi wei nindig bibor. Tirigi agwam tut amunggwom bat nya lene midibindei ba, anghim dut nindig bibor. Mbro nok gima lo, bit bon aom angut kanti leu ajjep kan bi noro aba abou coi mem noni nihyet hak.”

ESTER 1:11

Lene cuk yok leu binhyepo ibuwak Sop Nibou Ndig Wasti pima kwei bikwei sut nide topi sop nibou ndig di bijuk nibou biya tut ei noho bei. Sop Nibou Ndig dima ne sop ubbu ngat kei rin ba, nibou ndig joi sut ndo nuubbu ngat keisi dima bak nibou di inyeng jei nya kin nindigsi di idem yam ei dima yahagom.

ESTER 1:13

Lene noni hig yo di ingon ki di ibuhup igbit ingon kanti tut nikos tutti kin munhyet kin hukum di limwa nya itug ndei cem ei nide ninyeng tak kepti dima. Gima rino noni jem nipingok kep ningonti cig nya leu binhyepo ibuhup igbit ingon kanti tut hukum di dem mem munhyet dini.

ESTER 7:7

Apino nibou ndig gga Haman bibor bikiju leu banggo mbrei di gwam niti ba, hei hak buug biya-ya nyen ei nide miai mitou nghousi. Haman kan tut bipia nibou ndig kos tut mikes hukum ei noni dip tu. Gima rino gwam kikau bit sop nibou ndig Ester bahara bak leu binhyepo teu no biningwes ngun leu hukum nimai.

MAZMUR 74:1

Asaf de doia nibingginausi. Allah e, nggon rino akes nye bihigom ei i? Nggon rino agga Nanti Ade limwa nya kikau i?

MAZMUR 79:5

tuhan e, agga nye bijo ninno bijo kikau e? He Angon sibui sut nyeti micig-cai nok hum ug bipek nohonti kan bi e?

NEHEI LEUSI 32:19

Tirigi Musa juk kwei biya puig sinon bidideu ide prak meng yati dima lene ngat sapi di iba mas bibon kin nide limwa nya di ibihim kep cem lene ningon sibui sut yok nindig bibor leu api com tig mma can po ttei kwei su pima ug ei dihyeisi mu ei nungug dima nikiou apino tig mma dima hacem ki kukiau.

NEHEI LEUSI 32:22

Lene Harun buhup “Ma angon sibui sut da au. Akan tut bipia yo dini ita ibou ei nibon sisarti.

NIPINGOK NINGONTI 19:12

Nibou ndig di gga bibor ba nihyet di noyam kin mindhe singa niyausi bibuhup. Noro nisingat tut tungwatu nyati noyam kin ham mbon di llet kwei mem mpia ngeisi.

NIPINGOK NINGONTI 20:2

Nibou ndig di ningon sibui dem kep nok mindhe singa di nggiling. No di bindei ba, nibou ndig ningon mbuk tut noni noyam kin no di ya um nimaisi.

DANIEL 2:12

Tirigi nibou ndig miap ibuhupti nok rino noni gga yok nindig bibor leu api com nihyet leu binhyepo yo di ipingok kep ningonti ei minu Babel hagom itug ndei hukum nimai.

DANIEL 3:13

Tirigi nibou ndig miap ighyet nok rino noni gga nindig bibor leu api cuk yo di igya ser nya bikri ibou ningai dima kwei bigya ei noho bei.

DANIEL 3:19

Ipai nok rino Nebukadnezar gga nindig bibor ba, ninnei kui mem gima yai nimai bak Sadrakh kin Mesakh kin Abednego. Gima rino noni cuk yo di igya ser nya bindig hum bininjeng cig-cai bibor ba, niwamti mbimuhwindacan njiriek gi nipou a.

NAHUM 1:6

Gino tuhan gga bibor ne tou rino ya ngkiem i? Hi di ningwes ngun leu nigga biborti bi. Ba, Noni bindei mbut niggati di cig-cai di bindei ba, tig nya timek binok dihyei ndung ei Noho bei.

EFESUS 5:22

Je di sop nya e, ma jiba jibou coi mem jijjep bat nya bit leu nok jiba jibou coi mem Tuhan.

EFESUS 5:24

Gima rino ma sop nya iba ibou coi mem ijjep bat nya bit leu nok mbusyamei ba nibou coi mem Kristus.

NINDAT KEP TUHAN NICUKTI NYA 29:20

tuhan mikos ser no dima niyai munti di kinei dima bi. Noro noni mitug ndei tuhan nigga biborti di kui mpia ba, mun nyeng di buhun bibor di ipas kep ei srat diniti micut igkep noni kikau bibou tuhan icok tut noni bihigom ug e.

PETRUS GI NIGOM 3:1

Nok gima cem tut je di sop nya. Ma jiba jibou coi mem jijjep bat nya ighyet leu binhyepo gino bihi ingon jo kep Allah nihyet bi ba, jahap jiji cem bi lo, jiyai munti di kei bibor nya mibindei ba, jijjep bat nya ingon jo kep Kristus.