ESTER 1:10 - ALLAH NIHYET MEM TUNGWATU NYA

¹⁰ Ei njap gi nimuhwindacan lene nibou ndig nuhui jo kep ba anggur ngei bidut kikau bibindei ba, ningon nggei-hi-nggei bibor. Gima rino jem ibou muhwindacan dino impu kep no pijum nya. Yo di jem yo kwei dima inyeng rino Mehuman kin Bizta kin Harbona kin Bigta kin Abagta kin Zetar kin Karkas.

ESTER 1:10 ပူးပေါင်းရင်းမြစ်များ

NITRITI 43:34

Lene awak nya ikon njita leu Yusuf de meja dip bisu bak nikindig bat nya. Noro ikon njita nindig bibor bikum eisi mbimuhwi bisu bak Benyamin. Gima rino yahagom igyem njita ba, idut ba anggur ngei bit Yusuf bibou ndei yok ug e.

SAMUEL GI NICAN 13:28

Lene sok kep nide awak nya “Jitou kep mungkun ba, gino Amnon dut ba anggur ngei nindig bipu no leu ba, diba diyai nggrop kon je lene suar jiyai nimai bak hak ug. Ma jitin tut au. Lewo midibiang jiyai munti dima nibuhunti. Ma jihig jingon eisi au. Noro jibrim jingkek bijiyai nimai bak hak ug!”

ESTER 1:9

Mpe dima cem Sop Nibou Ndig Wasti di nibou ndig nitnem bon pesta mem sop nya ei ig nibou ndig ninsi hiter.

ESTER 3:15

Lene yo di ipwoi srat di imbut tut pima yok ibipbur bidor tut leu binhyepo itri tut nicukti dima bidem hanjop nsi nya ei nibou ndig ninyeng tak kepti dima nisurti-nipekti hagom. Itri tut nicukti dima ei minu ndig pmem Susan cem leu api Nibou Ndig kin Haman igwam-gwam nyen ba, ibidut ba anggur ngei. Gima leu lene nicukti dima bindei ba, timiei minu ndig pmem Susan ingon buhun. Gima rino tungwatu nya ighyet ngwig kep yam.

ESTER 7:9

Lene Harbona pai “Na Di Anyeng Jei e, cou dihim gom di nijeisi dem meter nyatungwagom ba, can di mem ipindur tungwatu eisi no itas dideu Haman de ig him. Haman tas cou dihim dima ei mem gima pindur Mordekhai ei niti ri. Lo, Mordekhai dima ne no po nyohou na Di Anyeng Jei ayaisi ba, angwes ngun ri!” Lene nibou ndig cuk yok “Ma jipindur Haman hak ei cou dihim di jei ndig dimati!”

NIPINGOK NINGONTI 20:1

No di dut pes di pu no ningkek ndok lewo nidut pesti bindei ba, tungwatu nya iliriem yam ba, ibui yam drek dip.

NIPINGOK NINGONTI 31:4

Lemuel e, ma ayok ngon kep! Ma nibou ndig nya idut ba anggur ngei di pu yok ba, ingon pri kep pes ngei di idut bipu yok cem au.

NIBA NINGON SRIP HUKTI 10:19

Niyem pestati bindei ba, ighyet ngwig kep yam. Ba anggur ngei bindei ba, ingon llei bibor. Noro isuar mitiei mem gima ibipek igyemti nipou ug e.

NIJAM NIKEI NYA 16:25

Tirigi mben Filistin ingat Simson ningat lene yahagom imbos-hi-mbos bipai “Kwar Dagon bindei ide siceu di nggek ide minu lene biyai nimai bak ide mben imang bibor pima cut bak nyeni tu!” Lene icuk Simson ug ya kui cou nipmem nidihim can ninggreti.

NIJAM NIKEI NYA 19:6

Leu api no di ntun Lewi him dima gwam bit misop dima nicig ba, igyem njita. Noro tirigi noni kiju bimbut ug rin lene misop dima nicig pai-hi-pai yokti ser nhyema yuug au e. Noni pai “Handei kon ba, angon nggei-hi-nggei nipou ug e. Gima rino ma abong bit nye mem mmun gom kin bu. Leu api no di ntun Lewi him dima gwam bibong mem mmun gom kin bu.”

SRAT RUT 3:7

Niabiati Boas yem njita ba, dut ba anggur ngei bindei no tu lene ningon llei bibor. Gima rino noni ug bong ei gandum nintam di iroi keyam ei su dip. Tirigi noni bong mai leu su lene Rut mbris nyahan ug ei mpia dima bikon ban dut ninghas him leu api bong nyahan ei Boas nimig him.