EFESUS 5:9 - ALLAH NIHYET MEM TUNGWATU NYA

⁹ Lewo niyai munti di kei bibor nya kin ningon kwesti kin ningon gomti hagom ntun nipigati him ei Allah niyai him.

EFESUS 5:9 ပူးပေါင်းရင်းမြစ်များ

MATIUS 3:8

Ma jiba jiyai munti bindo bipia jittin ser jide sisar bijikiek ndam Allah tu.

YOHANES 1:47

Yesus ngat Natanael di kwei ndam Noni lene pai sut noni “Jingat i! No dini ne mben Israel ningat-ngat rin ba, niris mun bak tungwatu nya jo ei Noniti bi.”

ROMA 15:14

Disut bat jen, dikan tut mungkun bipia mun di kei nyeng mang bibor ntun jeni him ba, jingon ki lene ma jingginau yam igkei cem.

ROMA 2:4

He ma jingkek ndok tut Allah ningon nggriu sut jeti kin noom ningon tut jeti kin gima Noni bet ningon mem je cem e? Ma jiyok ngon kep bipia Allah ningon nggriu sut je leu binhyepo bindei ba, jitin ser jide sisar bijikiek ndam Noni.

EFESUS 4:15

Noro ma nyeni ide ningon ngakei yamti bindei ba, ipai mingat biyam. Tug hon nisinati dima ne imahan bikum eisi sindam bibou ikei-kau-kei noyam kin Kristus di nok nibou mem nyeni.

EFESUS 4:25

Gima rino ma jibicum bu au! Noro ma yo di ingon jo kep nya yahagom iba ingon gom bimbrap bit yam. Lewo yahagom inggre kin Kristus ninguda.

EFESUS 6:14

Gima rino ma jitindei ser! Ma jiyai ningon di gom kin je nok bang di jibikri kep jintig boua. Ma jiyai jide ningon sren kin je nok sinsun pran di jijuk ser jingget a.

FILIPI 1:11

Apino hon kep njap dima ne jiyaijoti singat kei tug hon jide niyai munti di kei bibor kei nya di ntun Yesus Kristus Nongkom him ba, ibikon Allah ninyeng bibinggei sut Noni.

KOLOSE 3:18

Je di sop di jiwak jijjep bat nya e, ma jiba jibou coi mem yok ba, jibit ighyet lewo gini ne Allah ningon kanti mem jeti ri.

TIMOTIUS GI NIGOM 6:11

He na di Allah de awak e, ma ambres nanti leu mun pima yok hagom. Ma ahuk bram ningon srenti kin niyai munti bit leu Allah ningon kanti kin niba ningon com Kristusti kin ningon ngakei tungwatu nyati kin ningon nddongti kin ningon jo nyahanti.

IBRANI 1:8

Noro Noni pai sut Nipmot “Nani ne Allah rin ba, Ade ninyeng tak kepti mijo kikau buug hon nohonti bi ba, aba angon di sren binyeng tak kep Ade limwa nya.

IBRANI 11:33

Niba ningon comti bindei ba, yo dima ikon pran bit nibou ndig nya bitut tentara nya bibindei ba, nibou ndig nya icut biyok. Ide nikon pranti dima ne igbit rin lewo iba ingon com Allah De nipreu ei mem yokti. Gima cem itak kep ser singa nya yuhui ba,

YOHANES GI NIGOM 2:29

Jikan tut bipia Kristus yai mun bibit leu Allah ningon kanti mem Noni. Gima rino ma jiyok ngon kep bipia bikwop no di yai mun bibit leu Allah ningon kanti ne Allah nimunggwom ri.

YOHANES GI NININGAI 1:11

Disut na di dingon kieti e, ma ayai bram yo di ibon mun tunggwei nya igyai munti nya au. Noro ma ayai bram yo di ibon mun di igbit nya igyai munti nya. Allah ninyeng tak kep no di bon kep mun di igbit. Noro no di bon mun tunggwei nya ningon dorti tut Allah bi.