EFESUS 5:8 - ALLAH NIHYET MEM TUNGWATU NYA

⁸ Nipou ne jingat rin ei nidinditi. Noro tini bu ne jinok Tuhan de limwa nya bijingat rin ei nipigati. Gima rino ma jiyai kepti nya noyam kin munggwom di intun nipigati him igyai kepti nya.

EFESUS 5:8 ပူးပေါင်းရင်းမြစ်များ

YOHANES 8:12

Lene Yesus pai bak yo di imang bibor dima hanyen bu “Dani ne nipigati mem dihyeisi dini ri. No di bit Da mbut mem nidinditi bi noro yai nipigati di niyaijo nijep.”

YOHANES GI NIGOM 1:7

Gino ikak puig nipigati bit Allah di ningat rin ei nipigati lene ingon kwes kin yam ba, Nipmot Yesus ninggrom piap nye leu sisar ninyeng hagom.

KISAH 26:18

leu binhyepo apiga igyai ba, acen yok leu nidinditi ug ei nipigati. Leu binhyepo Bilis ninyeng tak kep yok bu bi noro Allah ninyeng tak kep yok. Allah mikos ser ide sisar tug hon ide niba ningon com Dati apino inggre kin Allah de limwa di Noni dimig ei su nya.’ ”

KOLOSE 1:13

Allah teu nye leu nidinditi de nisindemti bibuwak nye bingwes ngun ug ei Nipmot di Allah ningon kieti Ninyeng Tak Kepti tu.

YOHANES 12:46

Dikwei ei dihyeisi dini nok nipigati leu binhyepo no di ba ningon com Da gwam ei nidinditi bi.

EFESUS 4:18

ingon tindur mpung tut nidinditi. Yoni inggre kin niyaijo nijep di Allah yai binye bi lewo ingon dorti tut mun di bitut Noni bi ba, ingkek ndok.

YOHANES 12:36

Ma jingon jo kep nipigati dima mem nijam di nipigati dima gwam bit je leu binhyepo jinok munggwom nipigati nya.” Tirigi Yesus kes nihyet hon bikes yok ei lene Noni ku No nyahan leu yok.

YESAYA 9:2

tuhan e, abindei ba, ingon llei bibor bimbos-hi-mbos. Ingon llei sut Ade nisingat tut yokti nya dem kep nok yo di ingon llei sut gandum di ikos kwei leu beisi kin yo di ikwas ndigban di ipos nya tut yam.

EFESUS 2:2

Mpe dima lene jibit-bit nyen niyai kepti di kinei di ntun dihyeisi dini him nya kin nibou ndig di ninyeng tak kep nisindemti nya ei mpia-bbed him. No dima ne ninnei di pingok ei yo di ibit Allah nihyet bi nya ingonti ri.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

YEREMIA 13:16

Suar jikon jide tuhan Allah ninyeng bijo nai nipou tirigi Noni pinak nidinditi kwei bigyo ba, nipou tirigi ba nidinditi biluei nipigati di jiyok ngon mem bigyo. Leu mpe dima lene mijindrat mpia bijikinoi ei nungug him.

TITUS 3:3

Lewo nipou ne nyeni cem ingon tindur cem israwir cem ibit nihyet bi cem ba, inok awak mem ingut kanti nya kin mun di ingat ingwes eisi nya. Igyai munti nya sibut bibor cem ingon kinei sut yam cem ingon mpo tut tungwatu nya yahagom ba, yahagom ingon mpo tut nye.

LUKAS 16:8

Gima rino mindor di ningon sren bi dima niceu nggei sut noni drek dip niba ningon tekti bidimig munti dima. Lewo tungwatu dihyeisi dini iba ingon di tek binyohou dimig ide midyai kan dor njiriek yo di imbut mem nipigati nya.”

YESAYA 2:5

Je di jintun Yakub him e, jikwei ba, imbut ei nipigati di kwei leu tuhan!

EFESUS 6:12

Lewo nyeni ikon pran bitindei ser tungwatu dihyeisi dini bi noro itindei ser ninnei di kinei di inyeng tak kep nijam di kinei dini yahagom ide nisindemti. Ikon pran bitindei ser ninnei rom di inyeng tak kep mpia-bbed him nya ide nisindemti.

KORINTUS GI NICAN 3:18

Tini bu ne sinsun nghas nggai kep ser nyeni iimaisi bu bi. Leu api Tuhan Yesus nikei-kau-keisi com ninjeng hanyen tug hon iimaisi di tereu nok kisina. Tuhan Ninnei luei kep nyeni itta sindam lene bindei ba, inoyam kin ide Tuhan di kei-kau-kei.

LUKAS 1:79

Nok gima lene Noni piga digai puig mem yo di ibong ei nidinditi ba, idigit tut igyaijo ningwig honti. Noni minyohou bie tut nye kak puig di bie ug ei nibong kei nigwam keisi.”

KORINTUS GI NICAN 6:14

Ma jinok gom kin yo di ingon jo kep bi nya bijiyai midyai bit yok au. Lewo gima dem tut bi. Bit bon mun di kei kin mun di kinei bicom yam nok gom kan bi. Bit bon nipigati bicom yam bit nidinditi kan bi.

KORINTUS GI NIGOM 1:30

Allah Nonti bindei ba, jinok gom kin Kristus Yesus. Igyai ningon kiti tug hon Kristus cem tu. Allah bindei ba, igyai ingon di kwes kin Noni tug hon Kristus ba, inok Nide limwa di ingon kwes-kwau nya ba, Noni kwek nye leu ide sisar cem tu.

ROMA 2:19

Jingon ngkiem tut bipia jeni ne nicen yo di igyaitu cig rin bijinok ninjeng di piga digai yo di imbut mem nidinditi cem,

YOHANES 1:9

Nipigati dima ne nipigati di nijit rin ba, kwei ei dihyeisi dini leu binhyepo piga ei tungwatu nya yahagom ingonti.

MATIUS 4:16

mben di ibong ei nidinditi ingat ninjeng nindig bibor! Ninjeng di piga kei piga mem yo di ibong ei minu nindibutti di nimai nya ide tu!’

YESAYA 49:9

Midikwek yo di isima ei ig bui nsi nya ba, imbut hanyen. Midibuwak yo di ibong ei nidinditi ba, imbut mem nipigati. Mbro nok gino inok domba di igya-ya nyen ei nungug tou di ngoi-nga bimbut ug ei minu ting lo, njita midem mem yok.

GALATIA 5:25

Allah Ninnei yai niyaijo nijep binye. Gima rino suar isindui sut Noni ba, ibit nibie tut nyeti.

ROMA 1:21

Mbro nok gino ikan tut Allah lo, ikon ninyeng binok ide Allah bipai sigyo bak Noni bi. Noro ingon kanti nya ndei hammi mun di bon ninyeng bi ba, ingon di tindur mpung tut nidinditi.

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

YESAYA 42:16

Midicen Ditde limwa di igyai tu nya kak puig di ikan tut bi. Midibindei ba, nidinditi di nggai kep yok nok nipigati mem yok bu. Mididime kep njuisi nya hagom binok puig di sur yam kei mem yok. Midibon mun dima yok hagom mem yok bidiyai dibou tut yok.

EFESUS 5:2

Ma jiyai jinnei di mpung tut ningon ngakei yamti noyam kin Kristus di ningon ngakei nyeni. Noni kes niyaisi ei biya luei nye tereu nok mun di ngge kei di ibui bibam ei nimbar hum dokti di bipwoi Allah ningon.

KISAH 17:30

Allah ba niyai ngat nijam ndi po tungwatu nya ingon mbum pima. Noro tini bu ne Noni cuk tungwatu nya ‘Ma yahagom ittin ser ide sisar bikiek ndam Allah hak.’

MAZMUR 74:20

Ayok ngon kep Ade nipreu ei mem nyeti lewo yo di imbuk nya iku yok ei nidinditi bidem minu dini nisurti-nipekti.

YESAYA 50:10

Je di jibou cut bak tuhan di jimiap kep Nide awak nihyet e, mpaba puig di jimbut kak dima dindi ba, nipigati hi di piga digai puig mem je bi. Noro ma jiba jingon com tuhan bijirok kui jide Allah.

MATIUS 3:8

Ma jiba jiyai munti bindo bipia jittin ser jide sisar bijikiek ndam Allah tu.

YOHANES 12:35

Yesus buhup “Nipigati dima mipiga digai je mem njap poi bu he. Gima rino ma jimbut mem nipigati tirigi nipigati piga digai je leu binhyepo nidinditi hatap je bi. No di mbut mem nidinditi krau tunggwei puigya.

ROMA 13:12

Jei bi ne mmun pren leu nye rin ba, son dideu njap tekti tu. Ma ikes hon ba, igyai kep mun di kinei di ntun nidinditi him bu au. Noro ma ikrau kep minggwen di ikrau ei nipigati.

KOLOSE 1:12

bijipai sigyo bak Icig Allah cem. Lewo Icig rino bindei ba, jidem mem jiyai mun di Noni bet ei mem Nide limwa di icoi bit Allah Ninyeng Tak Kepti di ntun nipigati him.