EFESUS 5:4 - ALLAH NIHYET MEM TUNGWATU NYA

⁴ Ma jikucang tungwatu nya ba, jipai nihyet krarti ba, jihyet tigut yam cem au. Noro ma jipai sigyo bak Allah.

EFESUS 5:4 ပူးပေါင်းရင်းမြစ်များ

MAZMUR 33:1

Je di jingon sren e, jikwei ba, iba nimbos-hi-mbos binggei sut tuhan niyai munti nya. Je di jibit tuhan nihyet e, jikwei ba, ikon ninyenga.

MAZMUR 92:1

Doia mem Njap Nigwam Kep Ninghuisi.

NIPINGOK NINGONTI 12:23

No di ningon ki tri tut nide nintin kimboti bi. Noro no di ningon mbum mbot kep ningon mbumti brei bingwig.

NIPINGOK NINGONTI 15:2

No di ningon ki nihyet bindei ba, yo di hiter ijoi sut nintin kimboti noro yo di ingon mbum nya ighyet nok bu tan.

NIBA NINGON SRIP HUKTI 10:13

Noni kinyon ei gipai nihyetti lo, suglai mun bit leu nisuglai mun ngan-nganti noro bikui dip gimbrap nok no di mirei bon.

DANIEL 6:10

Gima rino Nibou Ndig Darius ba buk bitak srat nicukti dima.

MARKUS 7:22

icut tut hi nitnem cem iris yam cem iba yoho rok mun di mipror yon cem imbuk tut yam cem ikrar kep yam cem ingon kinei sut yam cem ikucang yam cem ingon jei cem ingon tindur cem hagom.

YOHANES 6:23

Jei bi lene timiei minu ndig Tiberias nya ibri ide ut bikwei krau mpia ttou nsi di tungwatu ningot ndig igyem roti di Yesus pai sigyo kep eisi pima.

ROMA 1:28

Allah sindui sut yok ba, ingon kanti di mpiei bibor bindei ba, igyai kepti nya tunggwei sut Allah ningon kanti mem yok lewo ikou sut gima ipwoi nimbot kepti di nijit-jau tut Noni ei ingonti.

KORINTUS GI NICAN 1:11

Ba, ningon nddong tut bipia Allah miba jide nadi di jingat mem nye biteu nye biningwes ngun leu mun di cut igkep nye. Allah buhup jide nadi di juhuk bijo ninno mem nye binjei mun di kei binye apino tungwatu nya imang bibor ipai sigyo bak Noni.

KORINTUS GI NICAN 9:15

Jikwei ba, yahagom ipai sigyo bak Allah tut munkwas di mindur bibor di Noni yai binye tu!

EFESUS 1:16

lene dipai sigyo bak Allah drek dip je bidikes dihyet hon kan bi. Dikwop kep jinyeng nya bidingat nadi tindei je,

EFESUS 4:29

Gino jimbrap bit yam lene ma jiba jihyet di kinei bimbrap bit yam au. Noro ma jiba jingon di nggriu sut yam bimbrap bit yam leu binhyepo jibiwin kep yam ngonti bijibimpu yam. Tug hon nisinati dima ne jihyet misindem tut yo di imiap kep nya.

FILIPI 4:6

Ma jingon pri tut mun nyeng hi au. Tirigi jingat nadi lene ma jahara Allah tut mun di jisuar nya. Ma jiba nipai sigyo di ntun jingonti him bahara Noni tut mun nyeng hagom.

KOLOSE 3:8

Noro tini bu lene ma jicom mun di suwok dima yok hagom ei ting leu je. Ma jingon sibui sut yam cem jigga yam cem jiwok yam cem bu au. Ma jipu juhui tut yam bijipai nimmai joti biyam bu au.

TESALONIKA GI NIGOM 3:9

Nogindini jinghapti di tibim kwei dima ribindei di nijem sigyo bak Allah ba, niyai nillei ei Noho bei drek dip je.

TESALONIKA GI NIGOM 5:18

Ma jijem sigyo bak Allah tut mun nyeng hagom di pek kep mem je. Ba, gima yok hagom lene Allah ningon kanti mem je di jinok gom kin Kristus Yesus ri.

FILEMON 1:8

Dipi bidicuk nani tut mun nyeng gom drek dip ade ningon ngakei Allah de limwa nyati kin gi dinok asut tug hon side niba ningon comti cem. Noro midicuk na tut bi.

IBRANI 13:15

Gima rino ma inggei sut Allah tereu nok midut nibikos ser sisarti tug hon Yesus. Iba midut dima binggei sut Allah tirigi ipai jit bipia Noni ne ide Tuhan ri.

PETRUS GI NICAN 2:18

Mun di tibim ei yuhui him ndo brei bipia ingon jei ba, ingon mbum cem. Iba ingut kanti di kinei bibor bisrou yo di sindi ingwes ngun leu yo di isibut nya indati.

PETRUS GI NICAN 2:7

Noro Noni teu Lot di ningon sren bibindei ba, ningwes ngun lewo ningon buhun tut yo di isibut dima yok ingut kanti di kinei di srou yok.

YUDAS 1:10

Noro yo dini ighyet kinei sut mun di ingon kiowi tut nya hagom. Inok mindhe-ndhe di niten-pos nya di ibit leu ingut kanti niyai kepti lo, ingut kanti dima bindei cut yonti ba, isar bingwig.

YUDAS 1:13

Yo dini inok muk di tti nindig bibor. Ingut kanti di kinei di srou yok noyam kin muk nirai di roi-roi nyen. Inok ham di tte leu nipuig ei mpia-bbed him. Allah tin ei mpia ttou nsi di dindi-kai gom di jo ninno bijo kikau mem yok tu.