EFESUS 5:2 - ALLAH NIHYET MEM TUNGWATU NYA

² Ma jiyai jinnei di mpung tut ningon ngakei yamti noyam kin Kristus di ningon ngakei nyeni. Noni kes niyaisi ei biya luei nye tereu nok mun di ngge kei di ibui bibam ei nimbar hum dokti di bipwoi Allah ningon.

EFESUS 5:2 ပူးပေါင်းရင်းမြစ်များ

NITRITI 8:21

Lene mikwau di noni ndig dima ngge kei bipwoi tuhan ningon leu api tuhan kan “Midimbriom dihyei drek dip tungwatu nya igyai munti nya bu bi sren. Dikan tut bipia tungwatu nya ikan-kan nyenti kinei bibor habiei ipilei kwei su. Midicok tut mun di ninnei tau nuhwap nsi nya bit leu nok gi po dicok tut yok pima bu bi sren.

NEHEI LEUSI 29:18

Lene andig domba dima titut kep hum ei nimbar hum dokti nok nibon midut nindig mindhe titut kep humti. Lene midijoi sut ninghap di ngge kei dima.

NEHEI LEUSI 29:25

Lene ayai mun dima yok hagom hanyen leu yok leu api akes bijo ei mindhe ningut po andig kep hum pima dip lene andig hagom kep hum ei nimbar hum dokti. Lene midijoi sut ninghap di ngge kei dima.

IMAM NYA IDE MIDYAI 1:13

Noro ma no dima ba minyei bipiap bei ninghopti kin nindimuhum cem nipou ug e. Lene ma imam dima yai mindhe dima ningut titut bak tuhan leu api ndig kep hum ei nimbar hum dokti. Lene tuhan mijoi sut ninghap di ngge kei dima.

IMAM NYA IDE MIDYAI 1:17

Lene ma imam dima srat ha dima ningut hacan hammi ninyehei noro suar ninyehei nya jo nijoti ba, ndun him. Lene ma noni ndig hagom kep hum ei nimbar hum dokti. Lene tuhan mijoi sut ninghap di ngge kei dima.

IMAM NYA IDE MIDYAI 1:9

Noro ma no dima ba minyei bipiap bei ninghopti kin nindimuhum cem nipou ug e. Lene ma imam dima ndig sapi ningut titut kep hum ei nimbar hum dokti. Lene tuhan mijoi sut ninghap di ngge kei dima.

IMAM NYA IDE MIDYAI 3:16

Lene ma imam dima ndig ninghui dima hagom kep hum ei nimbar hum dokti nok nibon midut nibiyai ningon kwes kin Allahti di no dima bon mem tuhan. Lewo mindhe dima nimmau hagom rinok tuhan de.

AMOS 5:21

tuhan pai “Dingon mpo tut jide njap ndig nya lewo midut di jibon bou diyai him bindei ba, dingon him wei!

MATIUS 20:28

Bit leu nok Munggwom Tungwatu Nipmot di kwei leu binhyepo tungwatu nya inyohou Noni bi noro kwei leu binhyepo nyohou tungwatu nya leu api kes ninnei ei mem bikwek imang bibor leu mun di kat yok.”

YOHANES 13:34

Diyai nicukti di nijep bu bije. Ma jingon ngakei yam. Bit leu nok gi dingon ngakei jeni lene ma jingon ngakei yam.

YOHANES 6:51

Dani ne roti di yai niyaijo nijep di juk kwei leu gwamti ri. No di yem roti dini miyai niyaijo nijep di jo kikau. Roti di diyai binoni ne dinghui rin ba, diyai roti dini bak tungwatu nya leu binhyepo igyai niyaijo nijep.”

ROMA 15:16

Noni dimig da bidinok awak mem Kristus Yesus bipinak da leu binhyepo dimpu ngkiai nya. Ditri tut Nihyet Di Kei di kwei leu Allah lene diyai dibou tut yok nok imam leu binhyepo Allah Ninnei dimig yok ei noyam kin mindhe di imam nya ikes ei nimbar hum dokti di bindei ba, Allah joi sut yok. Handei kon ba, Allah Ninnei bindei ba, inok mindhe pima di Noni dimig pijum ei mem Allah.

ROMA 4:25

Allah sindui sut Kristus yai nimai drek dip ide sisar. Lene Allah kon Kristus hanyen leu nimai eisi bibon nituti mem nyeni ingon kwes kin Allah hanyen.

ROMA 8:3

Ingut kanti di ntun dihyeisi dini him bindei ba, bit bon Puig Yahudi niggai serti kwek nye kan bi. Noro Allah nggek tut sisar nisindemti ei ingut kanti di ntun dihyeisi dini him tug hon Nipmot di Noni pinak kwei tereu nok tungwatu dihyeisi mem gima biciu ser sisar.

ROMA 8:37

E bi! Igyai nisindemti mem gima ibindei cut mun nyeng hagom bihigom tug hon No di ningon ngakei nye!

KORINTUS GI NIGOM 16:14

Ma jiba ningon ngakei yamti biyai jiyai munti nya hagom.

KORINTUS GI NIGOM 5:7

Ma jikus roti ninjep timiei di ndo tut sisar leu jikieti leu binhyepo jinok tepun nijep di ninjep srigsi bi. Ba, dikan tut bipia jinok tepun di nijep. Tungwatu nya ibui Kristus noyam kin gi ibui domba kep Njap Ndig Paskah di bindei ba, ide Njap Ndig Paskah dem ei su.

KORINTUS GI NICAN 2:14

Noro nipai sigyo bak Allah di bindei ba, nicoi bit nimpung yo di ibindei timek sisar nisindemti tug hon nyende niyaijo nok gom kin Kristusti. Allah ba nyeni bitri tut Kristus ningginausi leu api nihyet dima ntek gimahap nok ninghap di ui-gwang kei di nuui kieng kep mpia.

KORINTUS GI NICAN 2:15

Lewo inoyam kin biei nggrai di ui-gwang kei di Kristus ndig ei Allah Noho bei. Ninghap di ui-gwang kei dima kieng kep yo di ikak puig ug ei niyaijo kikauti kin yo di israwir nya di yuug dor humti.

KORINTUS GI NICAN 8:9

Jikan tut ide Tuhan Yesus Kristus nisingat tut nyeti di nindig bibor. Mbro nok gino Noni nyeng tut mun nyeng hagom lo, kes mun dima yok hagom ei leu bibibon Nonti nuhui mbum drek dip je leu binhyepo ba nuhui mbumti dima bibindei bijinyeng bibor.

GALATIA 1:4

Kristus kes Nonti ningut ei noyam kin mikwau di ibui bibam ei nimbar hum dokti mem ide sisar bit leu Icig Allah ningon kanti ba, teu nye leu nijam di sisar ttei nimig eisi ei dihyeisi dini.

GALATIA 2:20

diyaijo bu bi. Noro Kristus niyaijo ei dingonti. Nogindini diyaijo tug hon ditde niba ningon com Allah Nipmot di ningon ngakei da bikes niyaisi ei biya luei da.

EFESUS 1:4

Allah dimig nye ei nok Nide limwa nya tug hon ide ninok gom kin Kristusti nipou tirigi Noni pai tes dihyeisi dini bigyo leu binhyepo ingon kwes-kwau ba, sisar hi rap nye bi ei Noni niyai him. Allah ningon ngakei nyeti bindei ba,

EFESUS 3:17

Handei kon ba, Kristus gwam nyahan ei jingonti tug hon jide niba ningon com Noniti. Ma jicom jigau ei ningon ngakei yamti ba, ningon di ngakei yam mpung ei jingonti,

EFESUS 3:19

di bit bon tungwatu nya ingon dor niti tut tug hon ide ningon kiti kan bi. Handei kon ba, jiya um Allah ningon ngakei jeti ei jingonti leu binhyepo ningon mien paisi mpung bipias hagau ei jingon mienti.

EFESUS 4:15

Noro ma nyeni ide ningon ngakei yamti bindei ba, ipai mingat biyam. Tug hon nisinati dima ne imahan bikum eisi sindam bibou ikei-kau-kei noyam kin Kristus di nok nibou mem nyeni.

EFESUS 4:2

Ma joom jingon tut yam ba, jingon nggriu sut yam bijibet jingon mem yam. Ma jiba jibou coi mem yam lewo gini ne bindo di bindo tut jide ningon ngakei yamti ri.

EFESUS 5:15

Gima rino ma jingon sok kep jenti tut jiyai kepti nya leu binhyepo jiyai bram yo di ingon tindur nya igyai kepti nya au. Noro ma jiyai bram yo di ingon ki nya igyai kepti nya.

EFESUS 5:25

Je di pinai nya e, ma jingon ngakei jitnem bat nya bit leu nok Kristus di ningon ngakei mbusyamei bikes niyaisi ei mem yok.

NINDAT KEP TUHAN NICUKTI NYA 27:6

Lewo suar jiba tig nitindur di jiba ngkimom nitu biheu bi dima biwin bikwop nimbar hum dok hagom mem jide tuhan Allah. Ma jibon midut gi nindig mindhe titut kep hum ei sirima.

FILIPI 4:18

Dingon cut hon mun di jikwas tut da ba, hagom nindig bibor bidor njiriek! Epafroditus pwoi mun di jikwas tut da hagom kwei bida tu ba, gima dem. Dinyeng tut mun di disuar nya hagom tu. Mun di jikwas tut da hagom noyam kin mindhe di ngge di ibui bibam ei nimbar hum dokti bou Allah niyai him ba, joi sut.

KOLOSE 3:14

Mun di bon ninyeng rino suar jingon ngakei yam lewo ningon ngakei yamti dima rino ngot jahagom kin yam leu binhyepo jibicim tindei yam nok gom.

TESALONIKA GI NIGOM 4:9

Suar dipas mun nyeng hi ei srat diniti tut jingon ngakei yamti bi. Lewo Allah Nonti pingok ei jingonti tut jingon ngakei yamti tu.

TIMOTIUS GI NIGOM 2:6

di kes ningut ei mem tungwatu nya yahagom ba, biteu yahagom leu sisar biyai niyaijo nijep biyok. Tug hon niyai munti dima lene Allah ndo bidem igbit tto bou bipia Noni joi sut yahagom igyai niteu leu sisarti kin niyaijo nijep.

TIMOTIUS GI NIGOM 4:12

Ma asindui sut ba, hi ningwes om kep na drek dip gino anok pinjoi pilei au. Noro ma ando bindo di kei bak yo di ingon jo kep nya tug hon mun di tibim ei ahui him kin ayai munti nya cem ba, tug hon angon ngakei tungwatu nyati kin ade niba ningon com Kristusti kin angon kwesti.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

IBRANI 8:3

Bikwop imam nibou ndig nya yahagom ittei mun di tungwatu nya ikwas tut Allah ba, ibibon midut nibui mindhe ei Noho bei. Gima rino suar ide Imam Nibou Ndig cem pwoi nide munkwas hi mem gima Noni kwas tut Allah.

IBRANI 9:14

Gino mindhe-ndhe inggrom kin atriem ndung sindem mem gima piap yo di map kui yokti lene jo nibreisi bipia Kristus ninggrom sindem bibor dor njiriek gima bu! Lewo Noni ba Allah Ninnei di niyaijo kikau bikes Nonti ei nok mun di kei-kau di ibui bibam ei Allah Noho bei. Kristus ninggrom piap ingon mien leu midut di sindem bi nya leu binhyepo inok awak mem Allah Di Niyaijo.

IBRANI 9:23

Tug hon nisinati dima lene mun di jo dihyeisi di dat mun di jo kikau ei gwamti yai nipiapti di bindei bipwoi hanyen. Lene suar mun di jo kikau ei gwamti pima cem yai nipiapti tug hon ninggrom di kei-kau.

IBRANI 9:26

Leu gi nok lene Noni yai ninghuisi wei nyen-nyen habiei tirigi Allah pai tes dihyeisi dini kikau kwei bipek ammani kep. Noro tini bu ei nijam ningwig honti dini lene Noni kwei mbigom ngat he bijo ninno bijo kikau leu api dip tut sisar hagom tug hon nikes Nonti ei nok mindhe di ibui sut ninggromti.

PETRUS GI NIGOM 4:8

Gi bon ninyeng dor njiriek nindigsi nya rino nicukti di bidip huk je leu binhyepo jingon ngakei yam mungkun kei. Lewo ningon ngakei yamti dima mibindei ba, jikos ser sisar di jibon biyam.

YOHANES GI NIGOM 3:16

Ingon dorti tut mun di bindei mbut ningon ngakei yamti tug hon Kristus di kes niyaisi ei mem nye. Ma nyeni cem ikes igyaisi ei mem isut bat nya!

YOHANES GI NIGOM 3:23

Nicuk nyeti dima ne suar ingon jo kep Nipmot Yesus Kristus ba, ingon ngakei yam bit leu nok Kristus nicuk nyeti.

NINGAT-HI-NGAT NYA 1:5

kin Yesus Kristus di ba ningon gom bitri tut mun di Noni ngat bou niyai him. Noni ne mot mighumbou di kiju hanyen leu nimai eisi rin ba, ninyeng tak kep nibou ndig nya ei dihyeisi dini hagom. Noni ningon ngakei nye bikwek nye leu ide sisar tug hon nimaisi,

NINGAT-HI-NGAT NYA 5:9

Yo dima ipai doia di nijep bu “Nangkom dem mem gima ayai srat kijum dima ba, acug biei nggrai leu. Lewo hi bindei ba, amai nipou su apino aba amaisi bipek tungwatu nya leu bikwop keret nya kin minu nya kin nihyet nya kin mben nya hagom ei dihyeisi dini bak Allah.