EFESUS 5:1 - ALLAH NIHYET MEM TUNGWATU NYA

¹ Jeni ne Allah nimunggwom bat di ningon him ngi-ngat nya ri. Gima rino ma jibrim jingkek ba, jiyai bram Allah niyai kepti.

EFESUS 5:1 ပူးပေါင်းရင်းမြစ်များ

YOHANES GI NIGOM 4:11

Disut bat di dingon kieti jen, gino Allah ningon ngakei nye nok gima lene ma nyeni cem ingon ngakei yam.

EFESUS 4:32

Noro ma jingon nggriu sut yam bijibaningondut yam bijiba ningondut yamti bihati tut yam cem jingon nggriu sut yam ba, jikos ser sisar di jibon di bitut yam biyam cem bit leu nok Allah kos ser jide sisar tug hon Kristus tu.

MATIUS 5:48

Jicig ei gwamti ba ningon di gom bingon ngakei tungwatu nya yahagom. Suar jeni cem jiyai bram niyaisi dima.”

KOLOSE 3:12

Jeni ne Allah de limwa nya ri. Noni ningon ngakei je ba, dimig je ei leu binhyepo ninyeng tak kep je. Gima rino ma jingondut yam cem jingon singat tut yam cem jiba jibou coi mem yam cem jingon nggriu sut yam cem jibet jingon mem yam cem.

IMAM NYA IDE MIDYAI 11:45

Dani ne tuhan rin ba, dibuwak je kwei leu minu Mesir leu binhyepo jikuk je biDa. Suar jikinding jenti bijikwes-kwau lewo Dani dikwes-kwau.

YOHANES 1:12

Lo, tungwatu nya bihi igya um Noni leu api iba ingon com Noni. Gima rino Noni bindei ba, idem mem gima inok Allah nimunggwom bat nya.

MATIUS 5:45

leu binhyepo hiter ingat brei bipia jeni ne Jicig Allah ei gwamti nimunggwom bat nya ri. Lewo Noni bindei ba, mpia wam yo di isingat kin yo di isibut nya ba, mpia but mem yo di ingon sren kin yo di ingon rom nya.

YEREMIA 31:20

Na di Israel e, anok dipmot di dingondut kin dingon kieti kin dingon him cem. Bikwop mpe dino dikon dihyet kep na lene diyok ngon kep na ba, dingon ya mem na. Midiba ningon nggriu bibon na.

HOSEA 1:10

Mben Israel midigek kep mpia ba, imangti noyam kin iggum ei muk nipimat nimangti apino bit bon tungwatu nya ikwop imangti ba, inai ide minu nijeisi cem kan bi. Nogindini Allah hig yok “Jinok Ditde limwa nya bi.” Noro jei bi ne Noni hig yok “Dani ne Allah Di Niyaijo rin ba, jinok dimunggwom bat nya!”

FILIPI 2:15

Tug hon nisinati dima lene jibindo brei bipia jinok Allah nimunggwom bat di ibon sisar bi di ingon sren ba, ingon gom cem mem nijam di ingat rin ei yo di isuwok kin yo di ibon sisar nya ikieti. Ma jinok ninjeng di piga ei yo dima ikieti noyam kin ham di piga digai mpia-bbed him,