EFESUS 4:6 - ALLAH NIHYET MEM TUNGWATU NYA

⁶ Allah gom ngat he ba, Noni ne Icig rin bininyeng tak kep nyeni yahagom. Noni yai kep Nide midyai nya tug hon nyeni bipingok ei yahagom ingonti.

EFESUS 4:6 ပူးပေါင်းရင်းမြစ်များ

ROMA 11:36

Lewo Allah pai tes mun nyeng hagom ba, mun nyeng hagom jo nijoti tug hon Noni lene jo ei mem Noni cem. Ma tungwatu yahagom inggei sut Allah bijo ninno bijo kikau! Igbit ri.

KORINTUS GI NIGOM 8:6

Noro mem nyeni ne Allah gom ngat he ba, Noni ne Icig ri. Noni pai tes mun nyeng hagom ba, igyaijo tug hon Noni. Tuhan cem gom ngat ba, Noni ne Yesus Kristus ri. Allah pai tes mun di hagom tug hon Noni. Ba, igyai niyaijo nijep tug hon Noni cem.

MALEAKHI 2:10

Nyeni yahagom intun Abraham di nok icig gom him noyam bi e? Allah gom ngat pai tes nyeni yahagom bi e? Nggon rino ingon gom tut yam bi i? Tug hon nisinati dima ne ingwes pri gau gi preu di Allah preu ei mem idigup bat idigai bat nya.

YOHANES 20:17

Yesus pai binoni “Ma anggriou Da hon tiri lewo dikui hanyen ug ei Dicig nidim bigyo. Noro ma aug ngat dikinjoi bat nya ba, apai biyok bipia dikui hanyen ndam Dicig dino jeni cem Jicig bidikui hanyen ndam Ditde Allah kin jide Allah.”

YOHANES GI NIGOM 3:24

No di yai igbit Allah nicuk noti nya niyaijo nok gom kin Allah ba, Allah niyaijo nok gom kin noni. Ingon dorti tut bipia Allah niyaijo nok gom kin nye tug hon Ninnei di Noni kes ei ingonti.

MATIUS 6:9

Gima rino ma jingat nadi nok gini, ‘Arig e, Nangkom ne nyende Allah ei gwamti ri. Handei kon ba, tungwatu nya yahagom inggei sut Na tut anyeng di kwes-kwau cem.

KORINTUS GI NICAN 6:16

Bit bon Tuhan De Ig kin ig kwar nya yahacem ibinut yam nok gom kan bi. Nyeni ne Allah Di Niyaijo De Ig ri. Allah Nonti pai, “Dingat rin kin Ditde limwa nya bidibong bit yok. Dibibon Danti bidinok ide Allah lene yoni ibibon yonti ba, inok Ditde limwa nya.

KORINTUS GI NIGOM 12:6

Nyeni igyai midyai dima tug hon nisinati di ter leu yam noro hagom ntun Allah gom ngat him ba, Noni sindem tut bikwop tungwagom-gom.

MBEN ISRAEL IMBUT-MBUT NYEN 16:22

Noro Musa kin Harun ikuk yok lene iba ingwak bikik dihyei leu api yahara “Allah e, Nani ne nibousi mem mun di yai niyaijoti nya hagom. Gino tungwagom ngat he bon sisar lene ma agga limwa nya yahagom e?”

NITRITI 14:19

Lene noni njei mun di kei bak Abram bipai bak “Nna ba Allah Di Ninyeng Jei Bibor di pai tes mpia-bbed him kin dihyeisi dini njei mun di kei bak Abram!

EFESUS 6:23

Handei kon ba, Icig Allah kin Tuhan Yesus Kristus ibindei yo di mbusyamei yahagom ingon jo nyahan ba, ingon ngakei yam lene ingon jo kep Kristus haigtu.

EFESUS 3:17

Handei kon ba, Kristus gwam nyahan ei jingonti tug hon jide niba ningon com Noniti. Ma jicom jigau ei ningon ngakei yamti ba, ningon di ngakei yam mpung ei jingonti,

EFESUS 2:22

Kristus ba jeni kin nindigsi di inok gom kin Noni jahagom bingot ig ningat gom mem Allah di ba Ninnei bibong ser.

YOHANES 17:26

Dimbot kep biyok tut Nani tu ba, midimbot kep biyok tut Nani kikau bu leu binhyepo ingon ngakei yo di hiter bit leu nok angon ngakei Da ba, dinok gom kin yoni cem.”

YOHANES 14:23

Yesus buhup “No di ningon ngakei Da bit Ditde ningginausi. Dicig cem ningon ngakei noni leu api Dicig kin Dani nikwei coi ei ningonti.

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

YESAYA 63:16

Nani ne nyeni nicig ri. Nyende pung di nintun him di Abraham Yakub nya ikan tut nye bi. Noro Na di tuhan e, anok nyeni nicig ba, ateu nye biningwes ngun habiei ei nimbie him kikau kwei bipek ammani kep.

MAZMUR 95:3

Lewo tuhan ne Allah di ninyeng jei bibor ri. Noni sindem bibor bininyeng tak kep kwar nya yahagom.

EFESUS 1:21

Kristus ninyeng jei bibor dor njiriek nipai testi di ikrau kep nisindemti nya kin nibou ndig nya kin nibou mien nya bitut yo di inyeng jei nya yahagom di ingat rin ei mpia-bbed him mem nijam dini kin nijam di mikwei yo.

NINDAT KEP TUHAN NICUKTI NYA 6:4

Je di mben Israel e, ma jiyok ngon kep bipia tuhan Nongkom he rino ide Allah!