EFESUS 4:3 - ALLAH NIHYET MEM TUNGWATU NYA

³ Ma jiba jide nisindemti titut yam binyohou jide ningon jo nyahan mem yamti leu binhyepo jibinyohou nibicom yam nok gomti di Allah Ninnei yai bije.

EFESUS 4:3 ပူးပေါင်းရင်းမြစ်များ

NIBOU NDIG NYA GI NIGOM 16:21

Mpe dima lene mben Israel ikwas yam hacan lewo bihi ibidip huk yam leu binhyepo ikon Tibni di Ginat nipmot ninyeng nok nibou ndig noro nindigsi nya itti kin Omri leu binhyepo ikon ninyeng nok nibou ndig.

NEHEI LEUSI 28:32

Abien sinsun dima ninghas him ndam nikimam bingkiem bibor ser nhyepo nonti rik bi.

NIBA NINGON SRIP HUKTI 4:12

Ibou can di ittei yam bimbut ipai ingkiem ei yamti bigya mem ide siceu bihwen. Noro gino hi mbut binongkom lene krop kei mem gima siceu hi bindei timek noni. Gi mbun ibindei tun kuk ningai di ngot yam bingkiem kan bi.

MARKUS 3:24

Gino mben hi ikwas yam ei nimpung can ba, ikon pran bit yam lene yoni imai bingwig hak ug ri.

YOHANES 13:34

Diyai nicukti di nijep bu bije. Ma jingon ngakei yam. Bit leu nok gi dingon ngakei jeni lene ma jingon ngakei yam.

KORINTUS GI NIGOM 1:10

Disut bat jen, dibidip huk je drek dip Tuhan Yesus Kristus ninyeng. Ma jice tut yam hyet leu binhyepo jiba nitok biyam au. Ma jingon kanti kin jibou ngwakti hagom nok gom.

KORINTUS GI NICAN 13:11

He disut bat jen, gini ne srat ningwigsi ri. Ma jingon llei bibor bijita jibou ei ningon kwes-kwauti. Ma jibit ditde nipingok jeti nya cem jingon kwes kin yam cem jingon jo nyahan mem yam cem. Allah di nok nibousi mem ningon ngakei yamti kin ningon jo nyahanti ningat rin bit je.

EFESUS 4:13

Tug hon nisinati dima lene nyeni ibicom yam nok gom tug hon ide niba ningon comti kin ide ningon di dor niti tut Allah Nipmot noyam. Apino imahan tug hon ide niba ningon com Kristusti bikum eisi sindam bibou ikei-kau-kei noyam kin Noni.

EFESUS 4:4

Ibicom yam nok ningut gom ngat he. Allah Ninnei cem gom ngat he. Ba, Allah dimig je ei leu binhyepo jiyok jingon mem mun nyeng gom ngat he.

TESALONIKA GI NIGOM 5:13

Ma jikon inyeng bijingondut yok drek dip midyai nya di igyai ei jikieti. Ma jingon kwes kin yam.

IBRANI 12:14

Ma jita jibou ei ningon kwes kin tungwatu yahagomti kin jide niyaijo kwes-kwausi kin Tuhanti. Leu gino tungwatu nya ikwes-kwau bi ne bit bon ingat Tuhan bou igyai him kan bi.