EFESUS 4:2 - ALLAH NIHYET MEM TUNGWATU NYA

² Ma joom jingon tut yam ba, jingon nggriu sut yam bijibet jingon mem yam. Ma jiba jibou coi mem yam lewo gini ne bindo di bindo tut jide ningon ngakei yamti ri.

EFESUS 4:2 ပူးပေါင်းရင်းမြစ်များ

MAZMUR 138:6

Mbro nok gino akei-kau-kei lo, angig ayai kep yo di ikinei-kinau nya. Bit bon yo di ingon jei nya iku yonti nding leu ayai him kan bi.

MAZMUR 45:4

Nibou ndig di sindem bibor e, akri ade singau simeda kin antig bou a. Nani akei-kau-kei ba, ade nipigati piga kei!

NIPINGOK NINGONTI 16:19

Gino yo di inyeng tut mun hi bi nya iba ibou coi mem yam ne gima kei bibor dor njiriek gi icoi bit yo di illei-lau bikwas mun di ipos leu tungwatu nya tut yam.

NIPINGOK NINGONTI 3:34

tuhan ningon mpo tut yo di illei-lau sut yonti noro Noni njei ningat di kei bak yo di iba ibou coi mem yam.

NIBA NINGON SRIP HUKTI 7:8

Midyai di igyai biput tu kei dor njiriek nikinyon ei nimbie himti. Noom kep ningonti kei dor njiriek ningon jeisi.

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

ZEFANYA 2:3

Je di jingon nggriu kin je di jice tut bijibit tuhan nicukti nya ei minu dini jahagom e, ma jingkwei hanyen ndam tuhan. Ma jiyai jibou tut bijibibit tuhan ningon kanti ba, joom jenti ei Noho bei. Tou rikan tut pia hi rima ingwes ngun leu hukum mem njap dino tuhan ndo Nide niggati ei nibreisi i?

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MBEN ISRAEL IMBUT-MBUT NYEN 12:3

Tut Musa ne noni ba nibou coi mem tungwatu nya nindig bibor dor njiriek tungwatu dihyeisi dini hagom.

MATIUS 11:29

Ma jibit dicuk jeti nya bijingig jitingou mem dingginausi lewo dingon jo nyahan ba, dingon nggriu cem apino jingon minggan hanyen.

MARKUS 9:19

Lene Yesus buhup “Mei! Jo nibreisi bipia jiba jingon com Da bi! Diya tut je njap pig bu i? Doom dingon tut je njap pig bu i? Juusap noni kwei biDa!”

KISAH 20:19

Mbro nok gino mben Yahudi igyok ingon gom mem gima ihwen bit da lo, diba dingon di jei sut danti bi kin diyai nggwei di kibor nyen-nyen biyai kep midyai noyam kin Tuhan de awaga.

ROMA 15:1

Gino iba ingon com Tuhan bibor ne ma yoom ingon tut yo di ingon jo kep Yesus bibor bi nya bimpu yok tut mun di buhun tak yok. Ma ita ibou ei mun di bindei ba, nyenti ingon kei bibor he au.

KORINTUS GI NIGOM 13:7

No di ningon ngakei hiter ningon dahat bi noro ba ningon com nisingatti di ntun tungwatu nya him. Nide niba ningon comti ug hon nohonti bi sren ba, ningon jo nyahan mem mun di pek kep mem noni hagom.

GALATIA 6:2

Ma jahati tut yam bijikon hiter de mun di buhun tut. Tug hon nisinati dima ne jibit Kristus nicuk nyeti nya.

EFESUS 1:4

Allah dimig nye ei nok Nide limwa nya tug hon ide ninok gom kin Kristusti nipou tirigi Noni pai tes dihyeisi dini bigyo leu binhyepo ingon kwes-kwau ba, sisar hi rap nye bi ei Noni niyai him. Allah ningon ngakei nyeti bindei ba,

KOLOSE 1:11

Handei kon ba, Allah ba Nide nisindemti di mindur bibor bisindem tut je leu binhyepo jiba jibou coi mem yo di ihwen bit je ba, joom jingon tut yok ba, jingon llei bibor,

TIMOTIUS GI NIGOM 6:11

He na di Allah de awak e, ma ambres nanti leu mun pima yok hagom. Ma ahuk bram ningon srenti kin niyai munti bit leu Allah ningon kanti kin niba ningon com Kristusti kin ningon ngakei tungwatu nyati kin ningon nddongti kin ningon jo nyahanti.

2 TIMOTIUS GI NICAN 2:25

Ma iba ingon di nggriu binyohou pingok yo di isrep tut yok nya ingonti. Mpaba Allah bon nituti mem yo dima ittin ser ide sisar ba, ingon jo kep nihyet di nijit.

YAKOBUS 1:21

Gima rino ma jicom mun di biyai jingon rom kin mun di kinei di rap je nya. Ma jiba jibou coi sut Allah kin nihyet di Noni ndim ei jingonti lewo nihyet dima sindem mem gima teu je leu sisar biyai niyaijo nijep bije.

PETRUS GI NIGOM 3:15

Noro ma jikuk je bak Kristus bijikon Noni nok Tuhan ei jingonti. Ma jitin ei mem nituti dino hi mihig ser je tut jide niba ningon comti leu binhyepo jibuhup igbit.

PETRUS GI NIGOM 3:8

Nirop ninda ndigsi rinok gini. Ma jahagom jice tut yam hyet kin jingon kanti cem gom. Ma jingondut yam tereu nok yo di itig mbier tut yam. Ma jingon nggriu sut yam bijiba jibou coi mem yam cem.