EFESUS 3:7 - ALLAH NIHYET MEM TUNGWATU NYA

⁷ Allah singat tut da ba, ubon da nok awak leu binhyepo ditri tut Nihyet Di Kei. Noni singat tut da tug hon Nide nisindemti di sindem tut da.

EFESUS 3:7 ပူးပေါင်းရင်းမြစ်များ

EFESUS 1:19

jingon dorti tut Allah de nisindemti di mindur di sindem tut nye di ingon jo kep nya cem. Nisindemti dima noyam kin nisindemti di mindur,

EFESUS 3:20

Allah sindem mem gima birop hanyen binye nindig bibor dor njiriek mun di nyeni yahara Noni tut kin ikan-kan nyenti cem tug hon Nide nisindemti di sindem tut ingonti.

EFESUS 3:2

Ningat ne jimiap tut bipia Allah di singat tut da ta da leu binhyepo diyai kep midyai dini ei jikieti.

KORINTUS GI NICAN 3:6

Noni sindem tut nye leu binhyepo ninok awak mem gi preu nijep. Gi preu nijep dima nitriti ne nicukti di tug hon srat bokti rin bi noro Allah Ninnei de midyai nya ri. Nicukti di tug hon srat bokti bie ug ei hukum nimai. Noro Allah Ninnei bie ug ei niyaijo nijepti.

IBRANI 13:21

Handei kon ba, Noni njei mun nyeng di kei hagom di jisuar mem gima jibibit Nonti ningon kanti bak jeni. Handei kon ba, Noni yai Nide midyai di joi sut ei ingonti tug hon Yesus Kristus di ya hacan mem nye. Ma inggei sut Kristus kikau buug hon nohonti bi! Igbit ri.

TESALONIKA GI NIGOM 2:13

Mun nyeng gom kin bu di bindei dino nijem sigyo bak Allah rinok gini. Tirigi nitri tut Nihyet Di Kei leu Allah bije lene jimiap ba, jice tut nihyet dima tereu nok mun di tibim leu tungwatu nya yuhui him bi noro nok mun di nijit-jau di kwei leu Allah Nonti. Noni yai midyai ei je di jingon jo kep Kristus jingonti.

KOLOSE 1:29

Dita dibou ei midyai diniti bidigruap-gruap nyen tug hon nisindemti di Kristus kwas tut da lewo Nide nisindemti dima yai midyai sindem bibor ei dingonti.

KORINTUS GI NIGOM 15:10

Noro nogindini diya diyati nok no di ya kui Yesus tug hon Allah nisingat tut dati. Diyai nisingat tut dati mikuisi bi. Ningat ne dita dibou ei Allah de midyaiti dor njiriek yo di igya kui Yesus nindigsi nya yahagom. Nisindemti di bindei bidita dibou ei midyai dimati kwei leu danti bi noro kwei leu Allah nisingat tut dati lene ba No bikum da mem midyai dima.

KORINTUS GI NIGOM 3:5

Tut gima ne tou rino Apolos i? Tou rino Paulus i? Nyeni ne Allah de awak nya ri. Jiba jingon com Noni tug hon nyeni. Niyai kep midyai nya di Tuhan ndo bibikwop nye.

ROMA 15:16

Noni dimig da bidinok awak mem Kristus Yesus bipinak da leu binhyepo dimpu ngkiai nya. Ditri tut Nihyet Di Kei di kwei leu Allah lene diyai dibou tut yok nok imam leu binhyepo Allah Ninnei dimig yok ei noyam kin mindhe di imam nya ikes ei nimbar hum dokti di bindei ba, Allah joi sut yok. Handei kon ba, Allah Ninnei bindei ba, inok mindhe pima di Noni dimig pijum ei mem Allah.

ROMA 1:5

Allah bindei ba, Yesus Kristus singat tut da bikon dinyeng nok no di ya kui Noni bidinok awak mem Noni cem leu binhyepo dibuwak mben dihyeisi dini hagom ndam Yesus leu api iba ingon com Noni bibit nihyet.

EFESUS 4:16

Kristus nipingokti bindei ba, nimbumbati di ter leu yam hagom bicim tindei yam ba, nituti nya gom-gom bikrau yam nok gom. Gima rino gino bikwop nimbumbati yai igbit niyai kepti lene ningut titut mahan bikum ei nisindemti tug hon ningon ngakei yamti.

EFESUS 3:8

Allah de limwa nindigsi nya yahagom inyeng jei dor njiriek da lewo dibon dinyeng bi. Mbro nok gima lo, Allah ba ningon com da tut midyai di bon ninyeng. Midyai dima ne midyai nitri tut Nihyet Di Kei tut mun di bitut Kristus di bon nibok di bit bon ug hon nohonti kan bi bak ngkiai nya.

GALATIA 2:8

Lewo Allah di sindem tut Petrus di tri tut Nihyet Di Kei bak mben Yahudi sindem tut dani cem mem gima ditri tut Nihyet Di Kei bak ngkiai nya.

KORINTUS GI NICAN 4:1

Niyai kep midyai dini tug hon Allah nisingat tut nyeti lene ningon cut leu bi.

YESAYA 43:13

Dani ne Allah bijo ninno bijo kikau. Bit bon hi ningwes ngun leu Ditde nisindemti bi ba, bigen ser dingon kanti nya kan bi.”

KISAH 9:15

Noro Tuhan buhup “Akiju ba, ambut hak ug lewo didimig noni nok Ditde awak leu binhyepo noni tri tut Dani bak ngkiai nya kin nibou ndig nya kin mben Israel yahagom.

ROMA 12:3

Allah singat tut da. Gima rino disok kep jahagom bipia ma jiba jingon di jei bisrip huk tut jenti au. Noro ma jibisrip huk tut jenti mmuti. Ma bikwop tungwagom-gom ba nisindemti di Allah yai binoni bisrip huk tut nonti drek dip nide niba ningon com Yesusti.