EFESUS 3:3 - ALLAH NIHYET MEM TUNGWATU NYA

³ Allah mbot kep tut nimimun di Noni kos tut ei nipou su leu api tri tut hanyen bida. (Dirop ninda ndigsi bije tu.

EFESUS 3:3 ပူးပေါင်းရင်းမြစ်များ

KISAH 22:17

“Lene dingkwei hanyen ei minu ndig Yerusalem bidingat nadi ei Tuhan De Ig leu api dingat-hi-ngat,

KISAH 22:21

Noro Tuhan pai bida ‘Aug hak ug lewo dicuk na ug ei minu ting ndam ngkiai nya.’ ”

KISAH 23:9

Ighyet hwen yam nindig bibor nok rino guru Puig Yahudi Nicukti nya ibou poi di inggre kin nimpung Farisi nya ikiju bigya leu api iba ighyet di ten bipai “Bit leu nyeni ningon kanti ne no dini yai mun tunggwei hi bi. Jo nibreisi bipia malaikati kin ninnei hi cem mbrap bit noni tu!”

ROMA 11:25

Disut bat jen, ma jikan kep bipia jingon ki bijikan bidem mun nyeng hagom au. Lewo Allah De mimun nyeng gom no rinaha lo, tungwatu nya ikan tut bi. Noro handei kon ba, jikan tut Nide mimun dima. Mben Israel bihi ingkek ndok noro ide ningkek ndokti dima jo kikau bi. Noro mijo nijoti nok bibou ngkiai nya di mitti kin Allah imangti dem ug e.

ROMA 16:25

Ma inggei sut Allah! Noni bon nisindemti mem gima sindem tut je leu binhyepo jiba jingon com Noni bibor. Gi dipai dini bicim tindei Nihyet Di Kei di ditri tut Yesus Kristus. Nihyet di ditri tut bicim tindei mimun nyeng gom di Allah mbot kep tut. Ingon dorti tut mimun di jo nding leu tungwatu mem nijam di mimbrek ngan dima bi.

KORINTUS GI NICAN 12:1

Mbro nok gino ningat hi ntun ditde ningon di nggei him bi lo, dinggei sut Allah ningon kanti di Noni ndo brei bida tug hon ningat-hi-ngat di dingat nya.

GALATIA 1:12

Diyai Nihyet Di Kei leu tungwatu nya ba, hi ngginau da tut cem bi. Noro Yesus Kristus Nonti mbot kep tut Nihyet Di Kei brei bida.

EFESUS 1:17

leu binhyepo Allah di ide Tuhan Yesus Kristus kuk No bak dinok Icig di kei-kau-kei mikes Ninnei ei je dip. Leu api Ninnei dima miyai jingon di ki bimbot kep tut Allah ningonti bije leu binhyepo jiya um Noni ei jingonti.

EFESUS 3:4

Gino jikwop kep srat dini nitriti igbit lene mijikan tut notou dingon dorti tut Allah nimimun di Noni kos tut ei nipou su di Yesus bindei ba, pek kep mem tungwatu nya.)

EFESUS 3:6

Nimimun dima mbot kep tut gini. Tug hon Nihyet Di Kei lene ngkiai nya iba yo kep Allah de mun di kei nya di Noni tin ei nipou su mem mben Yahudi he yo pima. Ngkiai nya inggre kin ningut gom ngat bit mben Yahudi bipriet kin mun di Allah preu ei mem nye tug hon Kristus Yesus.

EFESUS 3:9

Ditde midyai nya hi bu rinok gini. Dibindei ba, tungwatu nya ingon dorti tut notou nimimun di Allah tin ei nipou su mipek kep mem nye. Allah di pai tes mun nyeng hagom ku nimimun dima nyahan habiei ei nimbie him kikau kwei bipek ammani kep,

EFESUS 6:19

Ma jingat nadi tindei dani cem leu binhyepo Allah pingok dingonti tut nihyet di tot ingonti ba, dibibrim dingkek kep tungwatu nya ba, dibimbot kep nimimun tut Nihyet Di Kei.

KOLOSE 2:2

Diyai kep midyai dima leu binhyepo dibiwin kep ingonti bidibindei ba, yahagom ingondut yam ba, inok gom cem. Tug hon nisinati dima ne yahagom ingon bit Allah nimimun bingon dorti tut lene ingon ngkiem tut. Nimimun dima ne Kristus Nonti ri.

KOLOSE 4:3

Ma jingat nadi tindei nyeni cem leu binhyepo Allah bon nikwesti mem gima nitri tut nihyet binimbot kep tut nimimun tut Kristus. Lewo disima ei ig bui nsi nogondini drek dip gi ditri tut nihyet dima.

IBRANI 13:22

Disut bat jen, ditigtai je leu binhyepo tirigi jikwop srat bokti tut mun di dipingok jingonti tut dini ne ma joom jingon tut lewo srat dini jei bi.

PETRUS GI NIGOM 5:12

Disut Silas mpu da bipas kep srat dini. Dikan tut bipia noni ne no di Kresten di ningon gom ri. Dibiwin kep jingonti bidipai jit bipia mun di nipas kep ei srat diniti ndo tut Allah nisingat tut nyeti di nijit. Ma jikrop jinda ei Allah nisingat tut nyeti kikau.

PETRUS GI NICAN 3:15

Ma jiba jingon srip huk bipia ide Tuhan om ningon tut je leu binhyepo bon nituti mem gima Noni teu je leu sisar biyai niyaijo nijep bije bit leu nok isut Paulus di ingon kieti nide nipas ei sratti di kes bije tu. Noni pas srat dima tug hon ningon di ki di Allah yai binoni.