EFESUS 2:7 - ALLAH NIHYET MEM TUNGWATU NYA

⁷ Allah yai mun dini leu binhyepo hon kep ammani kui kikau ug bipek nijam di nidipti bu lene Noni ndo tut ningon ngakei nyeti di mindur bibor ba, tungwatu nya ingat bou igyai him. Ba, Noni ndo ningon ngakei nyeti dima tug hon Nide nisingat tut nyeti drek dip Kristus Yesus di ya hacan mem nye.

EFESUS 2:7 ပူးပေါင်းရင်းမြစ်များ

TITUS 3:4

Noro Allah di nok Nibou Ndig teu nye leu sisar biyai niyaijo nijep binye lene ndo nisingat tut tungwatu nyati kin ningon ngakei yokti brei binye.

TESALONIKA GI NICAN 1:12

Tug hon nisinati dima mijinggei sut Tuhan Yesus ninyeng ba, Noni minggei sut jeni cem tug hon ide Allah kin Tuhan Yesus Kristus ide nisingat tut jeti.

EFESUS 2:4

Noro Allah De ningon ngakei tungwatu nyati di nindig bibor bindei ba, ningon nggriu sut nye bibor!

YESAYA 60:15

Midikes na hanyen bihigom bi dingon misibui sut na bi disindui sut na ba, anok mpia nintiti bu bi. Noro midibindei ba, ade nikei-kau-keisi jo ninno ba, tungwatu nya igyai nillei tut na bijo kikau.

EFESUS 3:5

Nipou ne hi mbot kep tut nimimun dima bak tungwatu nya bi. Noro tini bu ne Allah Ninnei mbot kep tut nimimun dima bak yo di igya kui Yesus kin Nide nabi nya.

EFESUS 3:21

Handei kon ba, nye di inggre kin mbusyamei di inok gom kin Kristus Yesus inggei sut Allah bijo ninno bijo kikau lene ma tungwatu yahagom ikon Allah ninyeng buug hon nohonti bi! Igbit ri.

MAZMUR 106:48

Jikwei ba, ikon Israel de tuhan Allah ninyeng nogindini bijo ninno bijo kikau cem. Jikwei ba, nye di tungwatu yahagom ipai “Igbit ri!” Ma jinggei sut tuhan!

PETRUS GI NIGOM 1:12

Allah mbot kep tut bak nabi dima yok bipia mun di itri tut dima mem yonti bi noro mem jeni. Mun di itri tut habiei dima tibim kwei leu yo di itri tut Nihyet Di Kei yuhui him. Ba, yo dini itri tut Nihyet Di Kei bije tug hon Allah Ninnei di Allah pinak kwei leu gwamti nisindemti. Gino malaikati nya ingon dorti tut mun di yo dima itri tut nipek kepti ne ingon llei bibor.

MAZMUR 41:13

Ampu da drek dip dingon srenti leu api abindei bidigwam bit Na bijo ninno bijo kikau.

ROMA 2:4

He ma jingkek ndok tut Allah ningon nggriu sut jeti kin noom ningon tut jeti kin gima Noni bet ningon mem je cem e? Ma jiyok ngon kep bipia Allah ningon nggriu sut je leu binhyepo bindei ba, jitin ser jide sisar bijikiek ndam Noni.

EFESUS 1:7

Lewo Allah kwek nye leu sisar tug hon Kristus nimaisi leu api bindei kos ser ide sisar.