EFESUS 2:3 - ALLAH NIHYET MEM TUNGWATU NYA

³ Nipou ne yahagom inok yo dima. Igyai munti nya bit leu ingut kanti di ntun dihyeisi dini him ba, ingut kanti dima kin ingon kanti yuubon nye nok awaga. Mpe dima lene nyeni ne tungwatu di itug ndei hukum leu Allah rin noyam kin yo di hiter yahagom.

EFESUS 2:3 ပူးပေါင်းရင်းမြစ်များ

NITRITI 5:3

Tirigi Adam de njap ug ei ari bingwam sratus gom ningot ningai lene noni yai nipmot Set.

NITRITI 6:5

Tirigi tuhan ngat lo, tungwatu dihyeisi dini yahagom imbuk bibor ba, ingon kanti titut yam kinei bibor kikau lene,

NITRITI 8:21

Lene mikwau di noni ndig dima ngge kei bipwoi tuhan ningon leu api tuhan kan “Midimbriom dihyei drek dip tungwatu nya igyai munti nya bu bi sren. Dikan tut bipia tungwatu nya ikan-kan nyenti kinei bibor habiei ipilei kwei su. Midicok tut mun di ninnei tau nuhwap nsi nya bit leu nok gi po dicok tut yok pima bu bi sren.

AYUB 14:4

Bon no di bon sisar bindei ba, mun di kwes kei ntun him e?

AYUB 25:4

Tungwa hi kei-kau ei Allah niyai him e? Hi ningon kwes-kwau ei Noho bei e?

MAZMUR 51:5

Dipai jit ditunggweisi nya hagom ba, ditde sisar nya jo nibreisi mem da bikwop mmun-njap.

YESAYA 53:6

Nyeni yahagom inok domba di israwir nya ba, hi mbut nide hi mbut nide tu. Noro tuhan kes nyeni yahagom ide hukum ei noni dip.

MARKUS 4:19

noro ingon ku yonti tut mun di pror yon ba, iba yoho rok mitiei nindig bibor apino gima yok hagom ceu nihyet leu api ningat ntun him bi.

YOHANES 1:13

Yoni inok nimunggwom bat nya tug hon nisrek leu tungwatu nyati ba, tug hon tungwatu nya ingut kanti cem bi. Noro Allah bindei ba, igyai niyaijo nijep.

YOHANES 8:44

Bilis ne jicig rin ba, jiyai midyai bit leu jicig ningon kanti. Noni ne nihwen mun cig rin habiei leu nimbie him. Noni tti kin Allah nihyet di nijit-jau bi sren lewo nijit-jausi ninyeng gom jo ei ningonti bi. Tirigi noni ris kep tungwatu nya lene gima yai bram nonti niyai kepti lewo noni ne niris kep mun cig kin nibousi mem niris yamti hagom ri.

KISAH 14:16

Ei nijam gi nipou ne Allah sindui sut tungwatu ba, igyaijo bit leu yonti ingon kanti.

ROMA 1:24

Gima rino Allah sindui sut yok di ingut kanti nya srou yok. Ingon pri kep mun di bibon immai joti nya di bindei ba, icut tut yam.

ROMA 11:30

Mbro nok gino nipou kwei bipek ammani kep je di ngkiai nya jibit nihyet bi lo, tini bu ne Allah yai jingon di ngun drek dip mben Yahudi di ibit nihyet bi.

ROMA 13:14

Noro ma ikrau kep Tuhan Yesus Kristus de minggwen nya lene ma jikes hon ba, jiba joho rok jingut kanti nya di ntun sisar him ba, jisindui sut jingut kanti nya bindei cut je bu au.

ROMA 2:14

Ngkiai nya ingon dor Allah nicuk mben Yahuditi dima bi. Noro gino ibon mun bit leu nok nicukti dima nicuk yokti kin gi ibisinggre bit leu yonti ingon kanti ne mbro nok gino ingon dor Allah nicuk mben Yahuditi dima bi lo, ingon di huk niti mbot kep tut mun di kei kin mun di kinei biyok tu.

ROMA 5:10

Gino ei nijam di iba nitok bak Allah lo, Noni bakei nyeti tug hon Nipmot nimaisi lene jo nibreisi bipia nogindini tirigi Allah jem nisut bit nye dini ne Noni teu nye leu sisar biyai niyaijo nijep binye lewo Kristus niyaijo hanyen tu!

ROMA 5:9

Nogindini igyai ingon kwes kin Allah tug hon Kristus nimaisi. Gima rino jo nibreisi bipia Noni miteu nye leu hukum di Allah mikes ei tungwatu nya dip.

ROMA 6:12

Ma jisindui sut ba, sisar tak kep jide niyaijoti di mipror yon ug rin au. Leu binhyema sisar dima bindei ba, jibit jingut pri kepti di sibut bibor nya bu au.

ROMA 7:18

Dikan tut bipia mun di kei nyeng hi ningat rin ei dingonti kin dingut kanti di ntun dihyeisi dini himti bi. Mbro nok gino dingon kanti di kei bibor ntun dingon him lo, bit bon diyai dibou tut kan bi.

ROMA 9:22

Nok gima cem tut Allah niyai munti nya. Noni kos tut bipia ndo ningon sibui sut sisarti brei bak tungwatu nya leu binhyepo ingon huk niti tut Nide nisindemti. Noro om ningon tut yo di suar itug ndei hukum drek dip gi ibindei ningon sibui sut yok.

KORINTUS GI NIGOM 4:7

Tou ribindei ba, jinyeng jei dor njiriek leu nindigsi nya i? Mun di jima nya hagom kwei leu Allah! Leu gima ne nggon rino jingon jei sut jenti tereu nok gino jimati nya hagom kwei leu Allah bi i?

KORINTUS GI NICAN 7:1

Disut bat di dingon kieti jen e, Allah preu ei mem nye tut mun dini yok hagom tu. Gima rino ma imbres nyenti leu map di kui ingut kin ingonti hagom ba, ibiyai ingon di kwes-kwau. Ma ide nittin tut Allahti bindei ba, iba ingon di gom bidimig nyenti bigyaijo ei mem Noni.

GALATIA 3:22

Noro bit leu nok gi ipas ei Allah nihyetti bipia tungwatu dihyeisi dini hagom ide sisar om kep yok. Gima rino yo di ingon jo kep Allah iba yo kep mun di Noni preu ei mem yok tug hon ide niba ningon com Yesus Kristusti.

EFESUS 2:2

Mpe dima lene jibit-bit nyen niyai kepti di kinei di ntun dihyeisi dini him nya kin nibou ndig di ninyeng tak kep nisindemti nya ei mpia-bbed him. No dima ne ninnei di pingok ei yo di ibit Allah nihyet bi nya ingonti ri.

EFESUS 4:22

Gima rino ma jipas niyaijo nitimiei bitut niyai kepti nitimiei nya leu je nok sinsun di rik-ta. Lewo jingut kanti di ntun dihyeisi di kinei dini him bindei ba, jiyaijo nitimiei timek bingwig.

KOLOSE 1:21

Nipou ne jingat rin ei minu ting leu Allah bijiba nitok biNoni drek dip jiyai munti nya kin jikan-kan nyenti di suwok nya.

TESALONIKA GI NIGOM 4:13

Disut bat jen, gi kei mem jiyok ngon kep ningginausi di nijit-jau tut yo di imai su nya leu binhyepo jingon ngguk bram yok noyam kin yo di igyok ingon mem gima igyai niyaijo kikau bi nya au.

TESALONIKA GI NIGOM 5:6

Gima rino ma ibong biei nda dip kep ig hak nok yo di hiter au. Noro ma itindei ser mun nyeng hagom bigyai nggrop nggan.

TIMOTIUS GI NIGOM 6:9

Lewo yo di ibisau sut ninyeng biborti ibiam bon di srou yok. Ba, bon dima ribindei dino iba yoho rok mun di bon ninyeng bi kin mun di binggek yok cem ba, gima hagom ngot kep yok lene bindei timek yok bingwig hak.

TITUS 3:3

Lewo nipou ne nyeni cem ingon tindur cem israwir cem ibit nihyet bi cem ba, inok awak mem ingut kanti nya kin mun di ingat ingwes eisi nya. Igyai munti nya sibut bibor cem ingon kinei sut yam cem ingon mpo tut tungwatu nya yahagom ba, yahagom ingon mpo tut nye.

PETRUS GI NIGOM 1:14

Ma jibit Allah ningon kanti mem je. Ma jingkwei kep jingon kanti kin jingut kanti timiei nya di jiyai tirigi jingon tindur yo pima au.

PETRUS GI NICAN 2:14

Ingon nghen leu nibon kep sisarti bi. Igyai bong kep sop sundal nya lene iba ighyet di mmau biris yo di ingon nddong bi nya ba, idrui bou ngwak cem. Allah mbriom yok tu!

PETRUS GI NICAN 2:18

Mun di tibim ei yuhui him ndo brei bipia ingon jei ba, ingon mbum cem. Iba ingut kanti di kinei bibor bisrou yo di sindi ingwes ngun leu yo di isibut nya indati.

YOHANES GI NIGOM 2:16

Lewo mun nyeng hagom di ntun dihyeisi dini him kwei leu Icig Allah bi. Mun dima ne ningut kanti di kinei kin mun di kinei di tungwatu nya ingat ingwes eisi kin ingon jei sut mun di mipror yon hagom ri.

YOHANES GI NIGOM 2:8

Mbro nok gima lo, gini ne nicukti di nijep ri. Kristus niyaijoti kin jeni jiyaijoti hacem ndo brei binye bipia gini ne nicukti di nijit ri. Nidinditi sindi pren sindam ba, nipigati di ningat-ngat sindi com nimig bu.