EFESUS 2:16 - ALLAH NIHYET MEM TUNGWATU NYA

¹⁶ Kristus nggek tut ide niba nitok biyamti leu lene ba nye bisok yam nok gom tug hon nimai ei biei salibti. Tug hon nisinati dima lene Noni yai yo dima ingon kwes kin Allah hanyen.

EFESUS 2:16 ပူးပေါင်းရင်းမြစ်များ

ROMA 5:10

Gino ei nijam di iba nitok bak Allah lo, Noni bakei nyeti tug hon Nipmot nimaisi lene jo nibreisi bipia nogindini tirigi Allah jem nisut bit nye dini ne Noni teu nye leu sisar biyai niyaijo nijep binye lewo Kristus niyaijo hanyen tu!

KOLOSE 2:14

ciu ser buk di nyeni itak kep ser Nide mitiei ngwam di ba nidimig sutti di buhun tak nye. Allah pek buk di itak kep ser dima kin biei salibti binggek tut nidimig sutti di pai kep nye.

EFESUS 2:15

Noni ciu ser Puig Yahudi niggai serti nya bitut nidimig sutti nya kin nikos tutti nya leu binhyepo ba mben Yahudi kin ngkiai nya bicom yam nok Nide limwa di nijep bu di inok gom kin Noni. Tug hon nisinati dima ne Noni bakei yokti.

GALATIA 2:20

diyaijo bu bi. Noro Kristus niyaijo ei dingonti. Nogindini diyaijo tug hon ditde niba ningon com Allah Nipmot di ningon ngakei da bikes niyaisi ei biya luei da.

ROMA 8:3

Ingut kanti di ntun dihyeisi dini him bindei ba, bit bon Puig Yahudi niggai serti kwek nye kan bi. Noro Allah nggek tut sisar nisindemti ei ingut kanti di ntun dihyeisi dini him tug hon Nipmot di Noni pinak kwei tereu nok tungwatu dihyeisi mem gima biciu ser sisar.

ROMA 8:7

Gino ningut kanti di ntun dihyeisi dini him pingok kep tungwagom ne noni ba nitok bak Allah lewo noni bit Allah nihyet bi. Ningat ne bit bon noni bit Allah nihyet kan bi.

ROMA 6:6

Ikan tut bipia tirigi ipek Kristus kin biei salib ne ipek Noni bitut ide niyaijo nitimieisi cem ei biei salibti leu binhyepo Noni bindei cut ingut kanti di bon sisar leu nye. Tug hon nisinati dima ne sisar ubon nye bitak kep nye bu bi.

KORINTUS GI NIGOM 10:17

Mbro nok gino nyeni imang bibor lo, inok ningut gom ngat tug hon roti nindak gom ngat di iki tut yam dima.

EFESUS 3:6

Nimimun dima mbot kep tut gini. Tug hon Nihyet Di Kei lene ngkiai nya iba yo kep Allah de mun di kei nya di Noni tin ei nipou su mem mben Yahudi he yo pima. Ngkiai nya inggre kin ningut gom ngat bit mben Yahudi bipriet kin mun di Allah preu ei mem nye tug hon Kristus Yesus.

EFESUS 4:4

Ibicom yam nok ningut gom ngat he. Allah Ninnei cem gom ngat he. Ba, Allah dimig je ei leu binhyepo jiyok jingon mem mun nyeng gom ngat he.

KOLOSE 3:15

Ma ningon di jo nyahanti di ntun Kristus him bie tut jide nikos tutti nya. Lewo Allah mbus je ba, jibicim tindei yam nok ningut gom leu binhyepo ningon di jo nyahanti di ntun Kristus him dima yai jingonti bidut nihim. Lene ma jipai sigyo bak Allah.