EFESUS 2:12 - ALLAH NIHYET MEM TUNGWATU NYA

¹² Mpe dima lene jinok gom kin Kristus bi. Jeni ne ngkiai nya di inggre kin Allah de limwa nya bi ri. Jipriet kin gi preu di Allah ba neheng bipreu ei mem Nide limwa nya cem bi. Leu gi po jiyaijo ei dihyeisi dini lo, jingon cut leu mun di jiyok jingon mem bijiba jingon srip huk tut Allah bi.

EFESUS 2:12 ပူးပေါင်းရင်းမြစ်များ

GALATIA 4:8

Nipou lene jikan tut Allah bi. Noro jinok awak mem ninnei nya di tungwatu nya ikuk yok bak lo, ninnei dima yok hagom ninnei nitrowai he.

KOLOSE 1:21

Nipou ne jingat rin ei minu ting leu Allah bijiba nitok biNoni drek dip jiyai munti nya kin jikan-kan nyenti di suwok nya.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.

TESALONIKA GI NIGOM 4:13

Disut bat jen, gi kei mem jiyok ngon kep ningginausi di nijit-jau tut yo di imai su nya leu binhyepo jingon ngguk bram yok noyam kin yo di igyok ingon mem gima igyai niyaijo kikau bi nya au.

EFESUS 4:18

ingon tindur mpung tut nidinditi. Yoni inggre kin niyaijo nijep di Allah yai binye bi lewo ingon dorti tut mun di bitut Noni bi ba, ingkek ndok.

YEHEZKIEL 37:26

Midipreu ei mem yok leu binhyepo ibong kei igwam kei bijo ninno bijo kikau. Midinjei mun di kei bak yoni lene midibindei ba, idigek kep mpia. Midiwin Ditde Ig ei ikieti bijo ninno bijo kikau.

TESALONIKA GI NIGOM 4:5

Lene ma ba niyai can noyam kin yo di ingon tindur di ikan tut Allah bi nya di ikrar kep yam bibong bit nitnem au.

YOHANES 15:5

Dani ne ba anggur ninjem ba, jeni ne ninda ri. No di com nigau ninghig-niker ei Daniti lene Dani dicom digau ninghig-niker ei noniti ba, noni mingat ningat mang di ntun noni him ri. Gino jisriot jenti leu Dani lene bit bon jingat ningat kan bi.

IBRANI 6:18

Bit bon mun nyeng can pima nggek ba, Allah ris mun tut gima kan bi. Gima rino ingwes ngun ug ei Nonti nindati. Mun dini yok biwin kep ingonti leu binhyepo ikrau kep mun di igyok ingon mem di jo bei nyeni yoho bei.

ROMA 9:8

Ningat ne yo di intun Abraham him tug hon Allah nipreu ei mem noti yongkom he rino Allah nimunggwom bat di nijit nya lene nindigsi leu gima di intun Abraham him nya ne nimunggwom bat nya rin bi.

NIBOHON MBEN ISRAEL GI NICAN 15:3

Mben Israel yoom yonti ba, ikuk yonti bak Allah di nijit dima bi mimbrek ngan tu. Ba, Nide niggai ser yokti jo nibreisi mem yok ba, imam nya di ingginau kep yok nya ingat rin cem bi.

PETRUS GI NIGOM 3:15

Noro ma jikuk je bak Kristus bijikon Noni nok Tuhan ei jingonti. Ma jitin ei mem nituti dino hi mihig ser je tut jide niba ningon comti leu binhyepo jibuhup igbit.

KISAH 28:20

Gima rino disok dihyet bije leu binhyepo jikwei mbrap bit da. Lewo ningat ne yo dima iba lante dini biteu da drek dip No Di Teu Tungwatu Nya Biyai Niyaijo Nijep Biyok di nye di mben Israel yahagom itum ingon mem ninno tu.”

KISAH 3:25

Disut bat jen, jipek hanjop kin jide pung di jintun him nya tut mun di Allah preu ei mem yok tug hon nabi nya. Lewo Allah pai bak Abraham ‘Midinjei mun di kei bak tungwatu dihyeisi dini yahagom tug hon yo di intun nani him.’ Nipreu eisi dima mem jeni cem.

YEREMIA 17:13

tuhan e, Ade limwa di mben Israel iba ingon com Nani. Yo di iba inghim bak Nani yahagom migwam nimmaiti. Hi mingat yok ei dihyeisi dini bu bi lewo yuug ei minu nimai nya ide leu su. tuhan e, Nani ne minyei niyaijo nibousi di yo dima ikes ei su ri.

NITRITI 15:18

Mpe dima lene tuhan preu ei bit Abram bipai “Dipreu ei mem ade nintun him yamti di bram yam nya bipia mporo midipek minu dini hagom biyok binok ide hanjop nsi. Hanjop nsi dini ninyanti leu minu Mesir nikwas yamti kikau ug bipek Minyei Efrat.

YOHANES GI NIGOM 3:3

Bikwop yo di igyok ingon mem nijam di iluei itta noyam kin Kristus niluei nittati yahagom inyohou ingonti bikwes-kwau bit leu nok Kristus ningon kwes-kwau.

PETRUS GI NIGOM 1:21

Noni ribindei dino jiba jingon com Allah di win Noni hanyen leu nimai eisi biyai nikei-kau-keisi biNoni. Gima rino jiba jingon com Allah bijiyok jingon mem mun di Noni preu ei mem je.

IBRANI 11:34

imu kep hum di sror cem ingwes ngun leu singau simeda ninggwenti cem inghuisi jet noro igyai nisindemti di mindur cem inok nihwen mun cig ba, ikon pran bit tentara ngkiai nya bibindei ba, icut biyok.

TIMOTIUS GI NIGOM 1:1

Srat dini leu da di Paulus ba, diyai dinyeng nok no di ya kui Yesus tug hon Allah di teu nye leu sisar biyai niyaijo nijep binye nicuk dati kin Kristus Yesus di iba ingon com nicuk dati.

TESALONIKA GI NICAN 2:16

Handei kon ba, ide Tuhan Yesus Kristus Nonti kin Icig Allah di ningon ngakei nye ibindei ba, ibrim ingkek kikau bigyok ingon mem mun di kei bibor tug hon Ide nisingat tut nyeti.

KOLOSE 1:27

Allah ningon kanti mem Nide limwa nya rino joi sut mbot kep tut Nide nimimun di kei-kau kin mindur di Noni bet ei mem tungwatu nya biyok. Nimimun dima ne Kristus ningat rin ei jingonti gi bindo tut bipia jinyeng tut mun di mindur hagom di Noni tin ei mem je.

KOLOSE 1:5

Jiba jingon com Noni bijingon ngakei yam lewo jiyok ngon mem mun di Allah tin ei mem je ei gwamti. Jimiap tut mun dima tirigi Nihyet Di Kei di nijit tibim ei jitingou nsi habiei ei nimbie him.

YOHANES 10:16

Ditde domba nindigsi di icoi kwei ei sar nsi dini bigyo yo rinaha. Suar dijem yoni cem kwei leu api imiap dihyet apino domba nya yahagom inok gom ba, ide gembala cem gom ngat.

YOHANES 4:22

Je di mben Samaria jikan igbit tut mun di jikuk je bak bi. Noro nye di mben Yahudi nikan igbit tut No di nikuk nye bak. Lewo niyai niteu leu sisarti kin niyaijo nijep tug hon mben Yahudi.

LUKAS 1:72

ningon nggriu sut idigup bat-idigai bat nya lene biyok ngon kep Nide nipreu ei mem yokti di kwes-kwau.

HOSEA 3:4

Nok gima cem tut mben Israel. Suar ibet ingon wer ninno mem nijam di ibon ide nibou ndig kin no di bie tut yok ba, ibindei mbut ide midut nya cem bi. Ide cou tig di mindur nya kin ide kwar nya kin ide nung nya di imbot kep mimun tut nidipti bu biyok jo biyok bu bi cem.

YEHEZKIEL 13:9

Je di nabi di jisuglai sut mun di mipek kep ei nidipti kin ningat-hi-ngat di kwei leu jibou ngwakti di kwes bi cem e, midikes hukum ei je dip. Gino Ditde limwa nya di idem yam ei mem gima itri tut ide nikos tutti nya ne mijigwam bit yok bi. Mididip tut jinyeng leu daptar di mben Israel inyeng joti. Jingkwei hanyen ug ei jidihyei hanyen bi sren. Tug hon nisinati dima ne jikan tut bipia Dani ne tuhan Di Ninyeng Jei Bibor ri.

YEREMIA 14:8

Nye di mben Israel niyok ningon mem Nangkom. Nangkom rino ateu nye ba, ningwes ngun leu mun di buhun bibor. Nggon rino abon Nanti nok ngkiai ei nyende minu dini i? Nggon rino anok no di mbut binggi minu ba, kwei bong bit nye mem mmun gom ngat he i?

YESAYA 45:20

tuhan pai “Je di timiei ngkiai nya di jingwes ngun e, ma jinduk yam kwei! Yo di ittei yam kui-juk nyen tut ide kwar nya bingat nadi bak ide kwar di bit bon teu yok bingwes ngun kan bi yahagom ingon mbum bibor.

YESAYA 44:6

tuhan Di Sindem Bibor di ninyeng tak kep mben Israel binyohou yok pai “Dangkom ngat he rino Allah ei nimbie him kikau ug ei ningwig honti cem.

EZRA 4:3

Noro Zerubabel Yesua nya kin nibou insi de nya pima ibuhup “Nisuar jimpu nye tut midyai niwin ig mem nyende tuhan Allahti bi. Miniwin Ig dima binyenti bit leu Kores di nibou ndig Persia nicuk nyeti.”

MBEN ISRAEL IMBUT-MBUT NYEN 18:19

Munkwas di mben Israel ittei di ikwas pijum tut Dani hagom diyai bak nani kin apmot bat-apmisop bat nya. Nicukti dima mbut mem jeni bijo ninno bijo kikau ba, bit bon hi nggek tut cem bi ba, noyam kin gi preu di ngot kep Dani kin nani kin ade nintun him di bram yamti nya.”

YESAYA 61:5

Ditde limwa jen e, ngkiai nya minok awak mem je. Yoni mighyen kep jide domba nya ba, igyai miai mem je lene inyohou jide ba anggur nghousi nya cem.

YESAYA 14:1

tuhan mingondut Nide limwa di mben Israel bidimig yok ei ba, inok Nide nya bu leu api mikes yok ei itimieisi hanyen ba, ngkiai nya mikwei bibicom yam bit yoni hanyen.

YEHEZKIEL 47:22

dihyei dima nok jide dihyei ninda rom bijo ninno bijo kikau. Ma ngkiai nya di ibong timiei bigyai imunggwom bat nya srig jikieti cem igyai hanjop nsi hi ei jide dihyei ninda rom nok ide dihyei ninda rom. Ma jibibon yok nok limwa ningat-ngat nya nya noyam kin je di mben Israel cem. Yoni mibit niko-nibinggok tutti bitug ndei ide hanjop nsi ei mpe di jikwas dihyei tut yam.

KISAH 2:39

Lewo Allah nipreu eisi dima mem jeni kin yo di intun jeni him kin yo di minu ting nya cem bibikwop tungwa tou rino Tuhan di nok nyeni ide Allah mihig ndam Nonti.”

EFESUS 2:19

Gima rino je di ngkiai nya jinok ngkiai nya bijinok yo di igya nisai bu bi. Noro jinggre kin Allah de limwa nya ba, jimbier kim Noni.

IBRANI 8:6

Noro tini bu ne Yesus yai midyai imam di bon ninyeng dor njiriek imam pima yok ide midyai nya bit leu nok gi preu nijep di Yesus mbus ei mem Allah kin tungwatu nya bon ninyeng dor njiriek gi preu nitimiei lewo com nigau ei nipreu ei mem nyeti di kei bibor di dor njiriek bu.

NEHEI LEUSI 12:45

Noro ngkiai di icem kep je nya e, he yo di igyai midyai mikui-kausi mem je nya e, yo dini ne harin dima igyem mikwau dima a.