EFESUS 1:5 - ALLAH NIHYET MEM TUNGWATU NYA

⁵ Noni kos tut nipou su bipia nek nye tug hon Yesus Kristus bibindei ba, inok nimunggwom bat nya. Kristus niyai munti ntun Allah ningon llei sutti kin ningon kanti nya him.

EFESUS 1:5 ပူးပေါင်းရင်းမြစ်များ

YEREMIA 3:19

tuhan pai “Je di mben Israel e, dijoi sut gima diya um je dem kep nok diya um dimunggwom bat nya ba, diyai minu di biyai jingon di kei bije. Minu dima kei-kau dor njiriek minu nindigsi ei dihyeisi dini hagom. Dijoi sut bipia jijem Dani Jicig rin apino mijinang leu Da bu bi.

YEREMIA 3:4

Jipai biDa bipia Dani ne jicig rin bidingon ngakei je habiei jimien kwei.

DANIEL 4:35

Noni mian huk tungwatu dihyeisi dini bingat lo, idem kep nok yo di ibon inyeng bi ei niyai him. Ninyeng tak kep malaikati nya ei gwamti kin tungwatu dihyeisi dini cem. Bit bon tungwa hi tte tut ningon kanti bihig simber Noni tut niyai munti nya kan bi.

HOSEA 1:10

Mben Israel midigek kep mpia ba, imangti noyam kin iggum ei muk nipimat nimangti apino bit bon tungwatu nya ikwop imangti ba, inai ide minu nijeisi cem kan bi. Nogindini Allah hig yok “Jinok Ditde limwa nya bi.” Noro jei bi ne Noni hig yok “Dani ne Allah Di Niyaijo rin ba, jinok dimunggwom bat nya!”

MATIUS 1:25

Noro igyem njita tut yam bi kikau bibou Maria srek tut nipmot ug e. Tirigi noni srek tut nipmot lene Yusuf jem ninyeng Yesus.

MATIUS 11:26

Arig e, gima igbit rin lewo hagom bit leu akos tutti.

LUKAS 10:21

Mpe dima lene Yesus ningon llei bibor tug hon Allah Ninnei bipai “Arig e, Nani ne Tuhan mem mpia-bbed him kin dihyeisi dini! Dipai sigyo biNa lewo aku mun dini yok hagom bijo nding leu yo di ingon ki kin yo di ingon tek bibor nya igyai him noro ambot kep tut hagom bak yo di ingon mbum nya. Arig e, ajoi sut nipek kepti dima.

LUKAS 11:32

Tirigi Njap dem mem Allah birop kin hukum lene timiei Niniwe mikiju bit tungwatu nya ei nijam dini leu api mipai kep yok. Lewo timiei Niniwe ittin ser ide sisar bikiek ndam Allah tirigi Yunus tri tut nihyet biyok. Noro tini bu ne No di ninyeng jei dor njiriek Yunus no rinaha!”

LUKAS 12:32

“Je dino jimang bi e, ma jittin tut au! Lewo Jicig joi sut gi yai munkwas di ntun Nide ninyeng tak kepti him bije.

YOHANES 1:12

Lo, tungwatu nya bihi igya um Noni leu api iba ingon com Noni. Gima rino Noni bindei ba, idem mem gima inok Allah nimunggwom bat nya.

YOHANES 11:52

Noni mai luei mben Yahudi he bi noro mibuwak Allah nimunggwom bat nya di ibong ingkiaisi yahagom ba, inok gom kin yam tug hon nimaisi.

YOHANES 20:17

Yesus pai binoni “Ma anggriou Da hon tiri lewo dikui hanyen ug ei Dicig nidim bigyo. Noro ma aug ngat dikinjoi bat nya ba, apai biyok bipia dikui hanyen ndam Dicig dino jeni cem Jicig bidikui hanyen ndam Ditde Allah kin jide Allah.”

KISAH 13:48

Tirigi ngkiai nya imiap nihyet dima rino ingon llei bibor binggei sut Tuhan nihyet. Ba, bikwop yo di Allah dimig yok ei mem igyai niyaijo nijep yahagom ingon jo kep Yesus.

ROMA 8:23

Noro nipai testi he rino lua kwop tut ninghuisi wei bi. Nyeni cem ilua kwop ei ingon mienti. Mbro nok gino igyai Allah Ninnei nok munkwas di Noni njei bak nyeni nimbigom tu lo, igyok ingon mem nituti di Allah mikwek nyenti njem leu api nek nye nok nimunggwom bat nya.

KORINTUS GI NIGOM 1:1

Da di Paulus dipas srat dini hwou ndam je drek dip Allah di ta da nok no di ya kui Kristus Yesus bit leu ningon kanti. Sostenes di ingon him cem ningat rin bit da.

KORINTUS GI NIGOM 1:21

Lewo Allah di ningon ki bindei ba, bit bon tungwatu nya ingon jo kep Noni tug hon ide ningon kiti kan bi. Noro Noni kos tut bipia Noni miteu yo di ingon jo kep Noni leu sisar biyai niyaijo nijep biyok tug hon nihyet di nyeni nitri tut biyok lo, tungwatu nya ikan bipia nihyet dima ne nihyet minyei he ri.

KORINTUS GI NICAN 6:18

Dibibon Danti bidinok Jicigya lene jibibon jenti bijinok dipmot bat kin dipmisop bat nya. Gini ne Allah di Sindem Bibor nipreu kep nyeti ri.”

GALATIA 3:26

Ba, jahagom jinok gom kin Kristus Yesus drek dip jide niba ningon com Noti. Gima rino jinok Allah nimunggwom bat nya.

EFESUS 1:11

Allah bindei ba, mun di hagom pek kep mem tungwatu nya bit leu Nonti ningon kanti kin nikos tutti. Noni dimig nye habiei ei nimbie him bibindei ba, inok Nide limwa nya tug hon ide ninok gom kin Kristusti ba, niyaisi dini ntun ningon kanti him.

EFESUS 1:9

Allah yai midyai bibit leu Nonti ningon kanti. Gima rino Noni mbot kep tut nimimun di Noni tin ei nipou su binye. Allah kos tut nipou su bipia ningon kanti mipek kep mem tungwatu nya tug hon Kristus.

FILIPI 2:13

lewo Allah Nonti ripingok ei jingonti leu binhyepo jingon llei bijiyai nisindemti mem jibindei ba, Noni joi sut je.

KOLOSE 1:19

Allah kos tut bipia mun nyeng hagom di ningat rin ei Nonti ningon bei ningat rin ei Nipmot cem ningon bei.

TESALONIKA GI NICAN 1:11

Gima rino ningat nadi tindei je bikwop njap-njap. Nahara ide Allah leu binhyepo Noni mibindei ba, jidem mem gima jiyaijo bit leu ningon kanti lewo Noni hig je mem gima. Handei kon ba, Noni sindem tut je ba, jiyai mun di kei bibor di jijoi sut nya lene bindei bijiyai mun tug hon jingon di jo kep Noni biput ug e ba, hagom put kei cem.

IBRANI 2:4

Mpe dima lene Allah sindem tut nihyet di tibim ei yo dima yuhui him ba, bon bindo kin mindur leu api kwas nisindemti nya di kwei leu Nonti Ninnei tut tungwatu nya bit leu ningon kanti.

YOHANES GI NIGOM 3:1

Ma jiba jingon srip bram bipia Icig Allah ningon ngakei nye nindig bibor bijem nye nok nimunggwom bat nya. Gima rino ningat ne nimunggwom bat nya rinyeni! Gima rino tungwatu dihyeisi di kinei dini ingon dorti tut nye bi lewo ingon dorti tut Allah bi.

NINGAT-HI-NGAT NYA 21:7

No di bindei cut sisar nisindemti miyai mun dini yok leu Da. Dani ne nide Allah lene Noni ne dipmot ri.