DIUN MIMUN 5:15 - ALLAH NIHYET MEM TUNGWATU NYA

¹⁵ Nimig dem kep cou di iba tig marmer di tiei kei bibon ba, ibicom nikiou di iba mas di pimbai kei bibon. Danti njem dinghuisi kin dinnei sindem bibor bidem kep nok biei buom njem di jei bibor ei nungug him ei minu Libanon.

DIUN MIMUN 5:15 ပူးပေါင်းရင်းမြစ်များ

NIBOU NDIG NYA GI NIGOM 4:33

Salomo ne dem mem gima mbot kep tut biei ninyeng hagom kin ndia kioi di ita nya hagom bitut biei buom Libanon ug bipek mintu-minta hisop di ntun ngug tig nitta him nya cem. Mbrap igkei tut mindhe-ndhe nya kin ha ninyeng hagom kin mindhe di ba ninghop bisrei kin wau nya cem.

MAZMUR 80:10

Atin ei mpia di kei gom ba, ata ba anggur dima eisi leu binhyepo micom nigau ug ei dihyei jou apino nimeng nggrou bikieng kep minu dima nisurti-nipekti.

MAZMUR 92:12

Dingat ditde siceu nya di ikiju kep da di ihwen da icut bou diyai him. Dimiap tut ingon kanti di kinei di ikos tut mem dani cem tu.

MAZMUR 92:13

Yo di ingon sren nya yehe nok nibiop di hei binnum kei noyam kin dui sraba ba, ide nimeng nggrou dem kep buom Libanon.

NEHEI LEUSI 26:19

Lene aba perak bibon nikiou ningat ningot bitai mem biei kibi pima ba, nikiou can mem bikwop biei kibi gom lene nok. Ma abicim keu di sren pima gom ei nikiou gom ba, gom ei nikiou gom lene nok.

DIUN MIMUN 2:14

Ayo! Ditde hakimoi di bong tig nggreti anai bibor e, ma asindui sut ba, dingat aimaisi mbigom bidimiap ahyet gom ug e. Lewo aimaisi kei-kau lene ahyet mmau kei.

DIUN MIMUN 4:11

Ditde ninyan e, ahyet mmau kei bidem ahwei lon di pimbai kei kin sapi do ngei nimmausi a. Ade sinsun nuui tun kei bidem Nungug Libanon nuui nitunti a.

DIUN MIMUN 7:4

Anggibi jei bidem kep ig di iba gaja nikwai bingot bijo-jo yam dip. Ayai dem kep minyei bousi ngot ei Hesybon di jo dideu dimbou pmem Batrabim. Ahwap cem dem kep ig di ingot bijo-jo yam dip ei Nungug Libanon ba, birok kik minu ndig Damsyik.

NIBWOS-BWOS NYENTI 4:7

Nipou yo ne nyende nibou nya ipwoi kei bidem binggum tiei di pwoi-pwau o! Ingut ndig ngat. Mimbri kui ingkek ba, isindem bibor cem inghuisi kwes kei o!

YEHEZKIEL 17:23

di nok nungug di jo anai bibor ei minu Israel. Ninda dima mehei ei sirima bingat ningat cem. Leu api nok buom di kei bibor di ya ngkiem cem. Ha nyeng hagom mitot yaham ei niti biteu ei ninda behei cem.

YEHEZKIEL 31:8

Dem mem gima ibinai buom ngot di hei ei Allah de miai Eden kin noni bi. Buom di kui sur noni kin biei di ninda jei ndig nok noni hi bi. Jit, biei di kei bibor kei nok noni hi hei ei Allah de miai bi.

HOSEA 14:7

Yoni migyaijo bikieng kep dihyei nisurti-nipekti noyam kin njita di nnum kei kin biei zaitun di nggrou kei kin buom Libanon di ui-gwang kei cem.

ZAKHARIA 9:17

Igbit ri! tuhan de dihyei mikei bibor kei ei nidipti. Igbit ri! Dihyei di kei bibor kei bidia-diau kei dima bindei ba, ba anggur kin gandum hei billei kei eisi. Gandum kin ba anggur ngei dima bindei ba, pinai pilei nya kin sop gwam nitta pilei nya ide nisindemti kum eisi bu.

MATIUS 17:2

Tirigi yoni iba igyai nghuisi jik kep Yesus lene ingat lo, Noni luei nitta ba, niimaisi piga kei dem kep mpia comti ba, Nide sinsun sieng-siau bitiei kei.

MATIUS 28:3

Malaikat dima niimaisi njeng kei dem kep kigyei di ninjeng srei lene nide sinsun tiei-tiau kei dem kep hayok mien.

KISAH 2:28

Ba, ando puig di bie tut da ug ei niyaijo nijepti apino dingon llei bibor bidingon nggei-hi-nggei cem lewo aya kui da.’

TIMOTIUS GI NIGOM 3:16

Bit bon tungwa hi tte tut ide niba ningon com Kristusti di nok mimun di mindur kan bi. Kristus luei nitta bindo Nonti nok tungwatu leu api Allah Ninnei ndo brei bipia Allah joi sut Kristus niyai munti nya leu api malaikati nya ingat Noni bou igyai him. Nide limwa nya itri tut Noni bak mben dihyeisi dini hagom leu api tungwatu nya bidem dihyei nisurti-nipekti hagom iba ingon com Noni leu api Allah kon Noni hanyen ug ei gwamti.

NIJAM NIKEI NYA 13:6

Lene sop dima ug pai bak nijjep “Allah pinak tungwagom bikwei ngat da bidingat lo, niimaisi dem kep nok malaikati leu gwamti apino dittin nindig bibor. Dihig ser noni tut nikwei leusi bi lene noni ndat kep ninyeng bida cem bi.