DIUN MIMUN 5:1 - ALLAH NIHYET MEM TUNGWATU NYA

¹ “Dikinjoi ninyan e, dikwei ei ditde miaisi tu. Dimbus ditde mur kin biei ngat di nyop kei nya keyam bidiyem ditde ahwei lon ngei. Didut ditde sapi do ngei kin ba anggur ngei.” “Nisut bat jen e, jiyem njita lene jibidut ndia ngei. Jidut kikau ba, jibou bibuwei kep jingon ngakei yamti.”

DIUN MIMUN 5:1 ပူးပေါင်းရင်းမြစ်များ

NITRITI 37:25

Tirigi igwam nyahan bigyem njita lene ingat lo, yo di intun Ismael him ibou poi itau kwei leu Gilead biyuug ei minu Mesir ba, ijem ide unta nya di ittei biei ngat nya di ninghap ui-gwang kei kin biei ngat kismis.

MAZMUR 147:11

Noro ngat ningwes ei yo di ingon gom tut Noni kin yo di iba ingon com Nide ningon ngakeisi di ug hon nohonti bi sren nya.

MAZMUR 16:3

Dikon yo di ingon kwes-kwau nya ei minu dini inyenga. Tirigi dingat rin bit yok lene dillei ngwig sut yok.

NIPINGOK NINGONTI 24:13

Dimunggwom na e, ma ayem ahwei lon ngei. Gima kei mem na. Ahwei lon ngei di nyop kei,

NIPINGOK NINGONTI 9:5

“Jikwei yem njita di dingei ei su bijidut ba anggur ngei di dikimut ei su.

NIBA NINGON SRIP HUKTI 2:5

Dicuk yok ba, igyai miai ba, ita biei hi gom hi gom di ngat ningat bidem ninyeng hagom eisi.

DIUN MIMUN 1:13

Mpe dino no di ngwam kep da bidingon ngakei dima bong dingget dip ne nuui tun bidem mura.

DIUN MIMUN 4:16

“Hou di cut kwei leu mpia nijjai e, ma akiju, hou di cut kwei leu mpia nibiho e, ma akwei! Jicut bijikui ditde miaiti leu binhyepo nuui tun bikieng kep mpia. Nnaba no di dingon ngakei kwei ei nide miaisi biyem biei ngat di nyop kei nya ug.”

DIUN MIMUN 4:8

Ninyan e, ma akwei ba, sijuk leu Nungug Libanon. Akwei ba, sikes Amana ninggram him kin Senir-Hermon ninggram him ei o. Lewo gima ne mindhe macan tutul kin singa ide mpia di ibongti ri.

DIUN MIMUN 6:11

Dikwei ei miai kenari nghousi di jo mbang briep ba, dingat mitou di bimbuk nya. Ba anggur nitou kin biei delima nitou gwam niti tu.

DIUN MIMUN 6:2

“No di dingon ngakei ug ei nide miaisi. Ug ei nide miai di nok biei ngat di nyop kei ninghousi mem gima nyohou kep nide domba nya ei miaisi bindung bakung tou nya.

DIUN MIMUN 8:1

Dijoi sut pia gino nani ne dikijam ningat di dut dipmem nido ngei rin lene mmo yo gi simei yam ngyoi tirigi suum yam ei simpak leu api hi dima mipai sa kinei drek dip bi.

DIUN MIMUN 8:13

Na di abong ser miaisi e, ma akon ahyet bidimiap ug e. Ba, disut bat nya cem ijoi sut imiap ahyet!”

YESAYA 23:18

Noni mipigig sut nibittemti kin nimuhup di yai nya mem nonti bi. Noro miyai gima hagom bak tuhan. Apino yo di ikuk yok bak tuhan miba mitiei dima bipek mun di isuar nya nok sinsun di ijuk kin njita di igyem.

YESAYA 5:1

Ma jimiap kep dihyet lewo diba doia bikiek disut gom bitut nide miai ba anggur nghousi. Disut dima ninyeng tak kep miai ba anggur nghousi ei nungug tou di nnum bibor kei gom.

YESAYA 51:3

Timiei minu ndig Yerusalem e, midigwam ser jeni kin yo di ibong ser ig kum kroisi ei minu ndig dima jahagom jingon a. Mbro nok gino ide dihyei rinok iggum ndigsi lo, midibindei binok miai mitou nghousi bidem kep Ditde miai mitou nghousi di Eden po nnum kei pima. Tungwatu nya mingon nggei-hi-nggei bigyai nillei ei mpia dima bipai sigyo biDa tug hon doia di ipai nya.

YESAYA 53:11

Gima rino tuhan pai “Niabiati Ditde awak dima yai ninghuisi wei leu su lene noni miyai nillei bu lewo kan bipia noni yai ninghuisi wei mikui-kausi bi. Ditde awak mibindei ba, dijoi sut noni drek dip gi noni yai tungwatu nya imang bibor ide hukum ei noni dip. Midikos ser ide sisar tug hon nide niyai munti dima.

YESAYA 58:11

Midibie tut je bidibindei ba, jingon llei bibor tirigi jingat rin ei iggum ndigsi. Midinyohou je leu binhyepo jinghuisi kwes bijiyai nisindemti. Mijinok beisi di minyei dem ba, ngat ningat di kei kin minyei bousi di pingge hanyen bi sren.

YESAYA 61:11

tuhan Allah Di Sindem Bibor mibindei ba, niteu leu sisarti mehei ei dihyeisi dini dem kep nok njita kioi apino ngkiai nya yahagom minggei sut Noni.”

YESAYA 65:13

Gima rino dipai bije bipia yo di ikuk yok biDa migyem njita noro jimai jinggum. Yoni midut ndia ngei noro jimai jinggobiau. Yoni migyai nillei noro jigwam nimmaiti.

YESAYA 66:14

Tirigi mun dima pek kep mem jeni ne mijingon nggei-hi-nggei ba, jinghuisi sindem cem kwes cem ba, jidem kep minta di nimeng ngun-ngau kei. Leu api Ditde nisindemti mimpung ei Ditde awak nyati noro Ditde siceu nya mitug ndei Ditde nigga yoti.”

MATIUS 25:40

Nibou Ndig mibuhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok lene gima dem kep nok jingondut Dani!’

LUKAS 12:4

“Disut bat jen! Ma jiyok ngon kep! Ma jittin tut yo di ikimukep jingut au. Lewo bit bon igyai mun di buhun dor njiriek gima bije kan bi.

YOHANES 3:29

Bit leu nok pinai pilei di wak nitnem. Nongkom ninyeng tak kep sop gwam nitta pilei di noni yok wa kep tu. Noro nisut di ya kui noni ntu kep nihyet apino ningon llei sut. Nok gima tut dani cem. Nogindini diyai nillei titut yam ei dingonti.

KISAH 11:29

Gima rino yo di ibit Yesus ice tut yam hyet bikwas mitiei tut isut bat yo di ingon jo kep nya ei hanjop Yudea. Bikwop tungwagom-gom kwas mitiei bit leu nimati nya.

EFESUS 5:18

Ma jisindui sut ba anggur ningei pu je au. Lewo gima bindei ba, jiyaijoti kinei bibor. Noro ma jiyai jingon di mpung tut Allah Ninnei nisindemti.

NINGAT-HI-NGAT NYA 22:17

Allah Ninnei kin no di Sop di miwak Nijjep pima ipai “Jikwei!” Suar yo di imiap nihyet di jo ei srat diniti ibinut bu bipai “Jikwei!” No di nggobiau suar kwei! Ma no di ningon joi sut minyei kwei dut minyei di bindei bigyai niyaijo mikuisi.

NIJAM NIKEI NYA 14:11

Tirigi mben Filistin nindigsi ikan tut gini tu lene ipinak pinai pilei ibou ningot ningai ug ei ig bei dima leu binhyepo igwam bit Simson.

NIJAM NIKEI NYA 14:20

Lene Simson nipmang ndo nipmisop pima bak no di ya kui Simson mpe di po ibon pesta niwak yamti pima binok nitnem bu.