DIUN MIMUN 3:6 - ALLAH NIHYET MEM TUNGWATU NYA

⁶ “Mindei rikwei leu iggum ndigsi dima di kui bidem bumbuhui nggop ei mpia-bbed him i? Nuui di tun dem kep mur kin biei nggrai di ui-gwang kei nuui di ttun ba, noyam kin bedak di nuui tun kei di nitri-nipek mun cig nya ittei kwei bitri.

DIUN MIMUN 3:6 ပူးပေါင်းရင်းမြစ်များ

NEHEI LEUSI 30:34

Lene tuhan pai bak Musa “Ma ayai biei nggrai di ui-gwang kei kin lokan kin rasamala kin kemenyan ba, nimangti hagom noyam.

NIPINGOK NINGONTI 7:17

dinden ampou tut mini ibou mur kin cendana kin biei nggrai di ui-gwang kei eisi.

DIUN MIMUN 1:13

Mpe dino no di ngwam kep da bidingon ngakei dima bong dingget dip ne nuui tun bidem mura.

DIUN MIMUN 1:3

Anghap ui-gwang kei. Anyeng dem kep mini di ui-gwang di kiber a. Gima rino sop gwam nitta pilei nya ingon ngakei na ug o!

DIUN MIMUN 3:7

Jingat i! Gima ne lat ig jibei di ibittei Salomo di gwam dip ri. Nihwen kep mun cig ibou ningot muhwindagom igya ttai ba, yoni ne mben Israel ide tentara di mimbri kui ingkek ri.

DIUN MIMUN 4:6

Midigwam ei nungug mur kin mbigdip biei nggrai di ui-gwang kei bibou hou njap tekti cut bico kep mmun nidinditi bipren ug e.

DIUN MIMUN 5:13

Ningyoi dem kep miai biei ngat di nyop kei. Nuhui ngkek dem kep bakung tou di mur ningat-ngat ningei tinim leu ri.

DIUN MIMUN 5:5

Leu api dikiju mem gima dikau dimbou leu no di dingon ngakei. Mur ngei tinim leu dinda kin dinda pijum nya bibindei ba, dimbou krausi di dikrau ndot.

DIUN MIMUN 8:5

“Tou rikwei leu iggum ndigsi dima di nide ningon kieti ingou yam dima i?” “Diwin na leu abongti ei biei apel ngat behei mpia di apmem tta buhun tut na di srek tut na eisi ri.

YESAYA 43:19

Ma jitindei ser mun di nijep-jau di midibon nya. Mun dini sindi pek kep mem je lo, jingat bou jiyai him bi e? Lewo miditin puig ei mpia nintiti bidibindei ba, minyei nya mibiam ei iggum ndigsi cem.

YEREMIA 2:2

leu binhyepo duug tri tut nihyet dini bak timiei minu ndig Yerusalem yahagom. “Je di mben Israel e, dikan kep nijam di jinok sop wak cam di ningon gom. Mpe dino sindi siwak yam ne angon ngakei Da nindig bibor. Mpe dima lene abit Da kak puig di bie ug ei iggum ndigsi di bon beisi kin njita hi bi.

YEREMIA 31:2

Dindo Ditde ningon nggriu sut yokti bak yo di ingwes ngun leu nimai ei iggum ndigsi. Tirigi po mben Israel inggok mpia di ibong kei igwam kei eisi ne,

HOSEA 9:10

tuhan pai “Nimbie him ngat di dittau kep mben Israel ne dingon nggei-hi-nggei bidem kep no di ttau kep ba anggur nghousi ei iggum ndigsi. Nimbie him ngat di dingat jidigup bat-jidigai bat nya ne dingon kei bidem kep no di ngat biei ara ningat gi nimbie him ngat. Noro mpe di yoni yuug krau Nungug Peor ne ikinyon ei nikuk no bak kwar Baalti. Apino map di kui kwar di ingon ngakei dimati kui yokti bu.

MATIUS 2:11

Leu api icoi ug ei ig bei bingat munggwom dima kin nipmem Maria lene ikuk yok bak binggei sut Yesus. Leu api ikwek migbuwang leu mas kin biei nggrai di ui-gwang kei kin mur ba, yihit binjei bak.

NINDAT KEP TUHAN NICUKTI NYA 8:2

Ma jiyok ngon kep notou tuhan di nok jide Allah bie tut je kak jimbutti di jei bibor mem ari bingwam nyatungwacan gi pini jug tu. Noni ba mun di buhun bibor bibingon je leu binhyepo kan tut jingon kanti nya bikan tut gino jibit nicuk jeti nya cem.

FILIPI 4:18

Dingon cut hon mun di jikwas tut da ba, hagom nindig bibor bidor njiriek! Epafroditus pwoi mun di jikwas tut da hagom kwei bida tu ba, gima dem. Dinyeng tut mun di disuar nya hagom tu. Mun di jikwas tut da hagom noyam kin mindhe di ngge di ibui bibam ei nimbar hum dokti bou Allah niyai him ba, joi sut.

NINGAT-HI-NGAT NYA 12:14

Noro hi yai ninyehei can dem kep hacam krubri di nindig bibor ninyehei bak no di sop leu binhyepo bimba bingkwei hanyen ug ei nigwam kepti ei iggum ndigsi. Leu api hi minyohou noni mem ari bingwam ningai biniken ei sirima leu binhyepo ningwes ngun leu naga di micut igkep noni.

NINGAT-HI-NGAT NYA 12:6

Sop dima nang ug ei iggum ndigsi ug ei mpia di Allah tin ei mem noni. Leu api Noni nyohou sop dima mem njap sribu gom sratus can ningot muhwindagom.

NINGAT-HI-NGAT NYA 18:13

kin biei ngkek di nyop kin mun di ui-gwang kei nya kin mini ibou kin mur kin biei nggrai di ui-gwang kei kin ba anggur ngei kin mini dui kin tepun kin gandum kin sapi nya kin domba nya kin kuda bitut kroba nya kin awak nya bitut tungwatu igyaijoti nya.

NINGAT-HI-NGAT NYA 5:8

Tirigi Noni krau srat dima rino mindhe ningut bitai kin nibou nya ibou nyatungwagom ba, bitai pima ikuk yok ei Domba Pmot Noho bei. Ikrau nggong mbrei kin bokor mas di biei nggrai di ui-gwang kei joti bikwop yok. Ba, biei nggrai di ui-gwang kei dima ne Allah de limwa nya ide nadi ri.