DIUN MIMUN 2:14 - ALLAH NIHYET MEM TUNGWATU NYA

¹⁴ Ayo! Ditde hakimoi di bong tig nggreti anai bibor e, ma asindui sut ba, dingat aimaisi mbigom bidimiap ahyet gom ug e. Lewo aimaisi kei-kau lene ahyet mmau kei.

DIUN MIMUN 2:14 ပူးပေါင်းရင်းမြစ်များ

AYUB 9:16

Gino Noni sindui sut da, bidahara Noni lo, dingon kiowi eisi bidipai jit e, Noni mibuhup sihyet e?

MAZMUR 110:3

Ade limwa nya minjei siceu bit na ei nungug tou di adimig ei su mem njap dino atin ei mem akon pran bit ade siceu nya. Pinai pilei nya di imangti dem kep nggou njap bigyoti minduk yam kwei ndam na.

MAZMUR 22:3

Ditde Allah e, dahara Na mem mmun-njap noro abuhup dihyet bi. Dingat nadi mem mmun noro dingon jo nyahan bi sren.

MAZMUR 45:11

Nibou ndig nitnem e, angig atingou mem dihyet di dipai hwou bina. Ma abbwe ser ade mben kin ade adig-ajoi nya cem hak ug.

MAZMUR 45:12

Anok misop ubbu ngat di mingot nibou ndig ningon kin na. Noni ne ade andigpoi rin ba, akuk na binoni.

MAZMUR 50:23

Yo di ibon midut nibipai sigyo biDa yongkom ibikon dinyenga. Midindo Ditde puig di bie ndam niteu leu biningwes ngunti bak yo di ibit dihyet.”

MAZMUR 68:13

“Nibou ndig nya igya tut ide nimpung tentara nya binang tu!” Inang bidem kep hakimoi mbrei di dimba buug bihigom. Sop di ig bei nsi nya ikwas perak kin mas di icat di inang tut nya tut yam. Mbro nok gino Allah de limwa nya imang ibit yok bikon pran bi lo, ibindei timek ide siceu nya.

MAZMUR 74:19

Ma akes Ade limwa di isindem bi nya ei nyende siceu di imbuk bibor indati ba, abbwe ser Ade limwa di iwer nikinei-kinau nya ide mun di cut igkep yok au.

NEHEI LEUSI 3:6

Dani ne adigup bat-adigai bat di Abraham kin Ishak kin Yakub ide Allah ri.” Gima rino Musa nggai kep ser niimaisi lewo ningwes mien tut gima ngat Allah ningat bou niyai him a.

NIPINGOK NINGONTI 15:8

tuhan joi sut yo di ingon kwes kei nya ide nadi noro ningon mpo tut midut di yo di isibut nya ibon ei nimbar hum dokti nya.

DIUN MIMUN 1:15

“Na di dingon ngakei e, aubbu ngat. Ningat ne nani ubbu ngat! Ba, ayai nggrop mbris bibor.”

DIUN MIMUN 1:5

Je di sop minu ndig Yerusalem e, mbro nok gino dingkek rom lo, dani ne sop di ubbu ri. Diromti dem kep prak meng di yohok ei iggum ndigsi Kedar. Noro dingkek dia-diau bidem kep minghas mbrawin ngot di ipindur ei Salomo de ig nibou ndig!

DIUN MIMUN 1:8

“Na di ubbu ngat ei sop nya ikieti e, nggon rima akan tut mpia dima bi i? Abit nimpung domba nya yoho hak ba, anggok abris nghousi mem yok dideu gembala nya ide prak meng yati nya.

DIUN MIMUN 5:2

“Dibong noro dingon yat nai. Dimumpriem ba, no di dingon ngakei no puk dimbou bipai.” “Na di dikinjoi di dingon ngakei e, na di hakimoi e, na di dinggei sut e, ma akau dimbou leu da. Nggou mmun bindei bidibou ndot. Dibou nta mpung tut ham nggou di cut mem mmun.”

DIUN MIMUN 8:13

Na di abong ser miaisi e, ma akon ahyet bidimiap ug e. Ba, disut bat nya cem ijoi sut imiap ahyet!”

YESAYA 51:3

Timiei minu ndig Yerusalem e, midigwam ser jeni kin yo di ibong ser ig kum kroisi ei minu ndig dima jahagom jingon a. Mbro nok gino ide dihyei rinok iggum ndigsi lo, midibindei binok miai mitou nghousi bidem kep Ditde miai mitou nghousi di Eden po nnum kei pima. Tungwatu nya mingon nggei-hi-nggei bigyai nillei ei mpia dima bipai sigyo biDa tug hon doia di ipai nya.

YESAYA 6:5

Lene dikan “Buhun bibor! Bit bon singwes ngun kan bi! Lewo side sisar ribindei dino map kui sihyet di tibim ei suhui him hagom ba, sibong bit yo di ighyet wer mpiahi tut tuhan. Mbro nok gima lo, singat Nibou Ndig bou siyai him tu ba, Noni ne tuhan Di Sindem Bibor ri.”

YESAYA 60:8

Kibar minyei di mbut sindem noyam kin bumbuhui ei minyei ngwa dip kin hakimoi di dwop juk kwei ei nibasti dima kwei leu hantou i?

YEREMIA 48:28

Je di timiei minu Moab e, jinang bijikes minu ndig jide nya ei leu ba, jibong ei mbigdip di bon hak nggreti nya bijinoyam kin hakimoi mbrei di ngot naham ei hak nggreti di anai nya.

YEREMIA 49:16

Jide ninggei sut jenti ris je tu. Hi gi ttin tut je bit leu jide nikan hukti bi. Jigwam ei tig nggreti ting bibor ei nungug dip. Mbro nok gino jiwin jide ig ei mpia di anai bidem mpia di ha krubri tot naham eisi lo, tuhan mibindei juk je leu jigwamti dima yo. tuhan rino pai mun dima yok hagom tu.”

YEHEZKIEL 7:16

Bihi mingwes ngun binang ug ei nungug him. Yoni mingat rin ei nungug him bidem kep hakimoi nya di tungwatu yuhuk yok leu mbang briep nya. Yahagom milua drek dip ide sisar.

DANIEL 9:7

tuhan e, ayai munti nya hagom igbit. Noro nye di timiei minu Yudea kin minu ndig Yerusalem kin mben Israel di abindei binintek gimahap ug ei ningkiaisi kin minu di dideu nya hagom drek dip ningon gom tut Na bisi lene gima bindei ba, nimmai sut nyenti.

OBAJA 1:3

Jide ningon jeisi ris ei jeti. Jide minu ndig pmem dem kep nok tentara nibousi di jiya coi di jiwin ei hak mihyeti ei nungug tig. Jide mpia di jibong niti jo anai ei nungug dip. Gima rino jikan ‘Tou rima sindem mem gima bindei timek nye i?’

MATIUS 10:16

“Jimiap e, dicuk je nok domba nya ug ei nsien di niten-pos nya ikieti. Suar jingon sok kep jenti noyam kin wou nya noro ma jingon jo nyahan noyam kin hakimoi nya.

MATIUS 3:16

Tirigi Yesus yai dimigyam tug hon minyei bikiju kui leu minyeisi lene mpia-bbed him kau kros leu api Noni ngat Allah Ninnei nok hakimoi di dwop juk bigwam ei Noni dip.

EFESUS 5:27

leu binhyepo Noni bindei ba, mbusyamei ya ei Noho bei kin gi kei-kau-kei ba, kwes-kwau ba, mun nyeng hi rap mbusyamei nitta ba, nirom kuisi bi.

KOLOSE 1:22

Noro tini bu ne Noni yai jingon di kwes kin Noni tug hon Nipmot nimai ei biei salibti. Tug hon nisinati dima ne Noni bindei ba, jiba jingon di kwes kin jingon di pimbai kin jingon di ngun biya ei Allah Noho bei.

IBRANI 10:22

Gima rino jikwei ba, iba ingon di gom kin ingon di nddong kin ingon di kwes-kwau di mui bu bi kin nikek minyei di pimbai keiti bison dideu Allah.

IBRANI 4:16

Gima rino ma ibrim ingkek kep Allah ei Nide banggo mbrei lewo Noni singat tut nye. Noni ngondut nye bisingat tut nye cem leu binhyepo itug ndei nimpu nye dem igbit nikwesti.

PETRUS GI NIGOM 3:4

Noro ma jiba mun di ntun jingon him bimau jenti. Gima ne jingon di jo nyahan kin jiyai mun mmuti nya di bon ninyeng ei Allah niyai him ri.

YUDAS 1:24

Ma nyeni yahagom inggei sut Allah di sindem mem gima nyohou je leu binhyepo jicut bi ba, sindem mem gima buwak je bitut jingon di llei lo, mun di kinei hi rap je bi kikau ug ei Nonti Noho bei.

NINGAT-HI-NGAT NYA 5:8

Tirigi Noni krau srat dima rino mindhe ningut bitai kin nibou nya ibou nyatungwagom ba, bitai pima ikuk yok ei Domba Pmot Noho bei. Ikrau nggong mbrei kin bokor mas di biei nggrai di ui-gwang kei joti bikwop yok. Ba, biei nggrai di ui-gwang kei dima ne Allah de limwa nya ide nadi ri.