DIUN MIMUN 1:7 - ALLAH NIHYET MEM TUNGWATU NYA

⁷ Disut di dingon kieti na e, ma apai igbit bida tut mpia di anyohou ade domba nya eisi ug e. Akes yok bibong nyahan ei sirigitou mem mpia huk pijumti i? Nggon rima diba minyahas ninggai biku diimaisi ei mpe di duhwou-hwou nyen ei kambir kin domba di asut bat nya ide nikieti he i?”

DIUN MIMUN 1:7 ပူးပေါင်းရင်းမြစ်များ

NITRITI 37:16

Lene Yusuf buhup “Dinggok ser dikindig bat nya di ighyen kep domba nya kin kambir nya. Ba, gino na di Andigpoi akan tut ibongti lene ma apai bida.”

MAZMUR 116:1

Dingon ngakei tuhan lewo Noni ngig nitingou mem dihyet ba, yok ngon kep ditde nadi.

MAZMUR 18:1

tuhan de awak di Daud pai doia dini bak tuhan ba, bikiek mpe di po tuhan kwek no leu Saul kin nide siceu nindigsi nya inda nsi pima. Doia dini mem no di bie tut nimpung doia.

MAZMUR 28:1

Doia Daud. tuhan e, dahara Nani lewo Nani ne no di ya srak ko hagau da ri. Angig atingou mem dihyet! Gino abbwe tut da lene mididem kep no di juk ug ei minu nimai nya ide hak ug.

MAZMUR 80:1

Doia Asaf mem no di bie tut doia nimpung bit leu nihyet nibikiek Mitou Bakung.

DIUN MIMUN 2:16

“Ditde no di ningon ngakei da ngwam kep da ba, dani cem dingwam kep noni. Noni jem nide domba nya ei bakung tou nghousi,

DIUN MIMUN 2:3

“Biei apel di ya srig bieiti ei bigbehei bindo tut no di ngwam kep da di dingon ngakei bibor di ningat rin ei pinai pilei nya ikieti. Dijoi sut digwam nyahan ei biei dima nibehei bidiyem ningat di nyop kei.

DIUN MIMUN 5:10

“No di dingon ngakei ne mot ubbu di mimbri kui ningkek ba, dor njiriek pinai nindigsi di ibou sribu simnai ri.

DIUN MIMUN 5:16

Nimei-mei nyen dati nyop kei ba, mun nyeng di bitut noni hagom brim dingon. Je di sop gwam nitta pilei minu ndig Yerusalem e, gi dipai pima yok hagom ndo tut no di dingon ngakei di dijem nok dingon kieti.”

DIUN MIMUN 5:8

Je di sop gwam nitta pilei minu ndig Yerusalem e, ma jipreu ei mem da bipia gino jitau kep no di dingon ngakei lene ma jipai dihyetti bak bipia dingon ngakei bibor ba, biyon ninggwen ei dinda.”

DIUN MIMUN 6:2

“No di dingon ngakei ug ei nide miaisi. Ug ei nide miai di nok biei ngat di nyop kei ninghousi mem gima nyohou kep nide domba nya ei miaisi bindung bakung tou nya.

DIUN MIMUN 6:3

Ditde di dingon kieti ngwam kep da ba, dani cem dingwam kep noni. Noni jem nide domba nya ug ei bakung tou nghousi.”

DIUN MIMUN 8:13

Na di abong ser miaisi e, ma akon ahyet bidimiap ug e. Ba, disut bat nya cem ijoi sut imiap ahyet!”

YESAYA 13:20

Tungwagom ngat cem mibong ei sirigima bu bi. Mben Arab di ibong-bong nyen ei iggum ndigsi hi di mohok nide prak meng ei mpia dima ba, gembala hi di mijem nide domba nya bikes yok kep minta di igyem ei mpia dima bu bi.

YESAYA 26:9

Diyok dingon mem Nani mem mpia mmun. Dingonti joi sut Nani mem mpia tekti. Tirigi agwam nok nikei mem timiei dihyeisi dini lene yoni mikan igbit tut nikei nikos tutti di sren kei nya.

YESAYA 40:11

Noni minyohou Nide domba nya dem kep nok no di gembala bibie tut yok. Noni mikon domba mien nya bibong ei ninda kroisi lene ba ningon di nggriu-nggrop bijem niwek di ibep nya.

YESAYA 5:1

Ma jimiap kep dihyet lewo diba doia bikiek disut gom bitut nide miai ba anggur nghousi. Disut dima ninyeng tak kep miai ba anggur nghousi ei nungug tou di nnum bibor kei gom.

YEREMIA 33:12

tuhan Di Sindem Bibor pai “Mbro nok gino minu Israel kin minu ndig ngot di tungwatu nya kin mindhe-ndhe nya ibong ser bu bi dini noyam kin iggum ndigsi lo, ei njap nidipti bu lene miwer minta nidumti mem tungwatu nya ighyen kep domba nya eisi.

MIKHA 5:4

Noni mibindei ba, yahagom ingon kwes kin yam. Tirigi tentara mben Asyur nya ihwen ide minu dini binggek ngug tig nya lene nyeni micuk ide nibou di mimbri kui ingkek ba, ihwen yok bibiyai nimai biyok.

MATIUS 10:37

No di ningon ngakei nicig kin nipmem nindig dor njiriek ningon ngakei Dati ne dem mem noni ya kui Da bi. No di ningon ngakei nipmot kin nipmisop nindig dor njiriek ningon ngakei Dati ne dem mem noni ya kui Da bi.

YOHANES 10:11

Dani ne gembala di ningon gom tut domba nya rin ba, ditin ei bidikes Dinnei ei mem domba nya.

YOHANES 21:17

Yesus hig ser noni nimbiningai bu “Na di Simon di Yona nipmot e, angon ngakei Da e?” Petrus ningon ngguk drek dip Yesus nipaisi lewo Yesus hig ser noni mbiningai su. Gima rino noni buhup “Tuhan e, akan tut mun nyeng hagom ba, akan tut bipia dingon ngakei Na!” Lene Yesus pai binoni “Ma anyohou Ditde domba nya.

PETRUS GI NIGOM 1:8

Mbro nok gino jingat Noni bou jiyai him kwei bipek ammani kep bigyo lo, jingon ngakei Noni. Mbro nok gino jingat Noni bou jiyai him mem nijam dini bi lo, jingon jo kep Noni. Gima rino jingon llei lewo jingon nggei-hi-nngei bibor ba, bit bon jipai sut ei juhui him bi.

PETRUS GI NIGOM 2:7

Tig dima bon ninyeng mem je dino jingon jo kep Kristus. Noro mem yo di ingon jo kep bi nya ne inok yo di ipas kep tut ei Allah nihyetti “Tig mma di ningot kep ig cig nya ikou sut dima ne tig di bon ninyeng dor njiriek tig mma nindigsi nya hagom ri.”

YOHANES GI NIGOM 2:19

Yo dini inok gom kin nye di mbusyamei bi. Gima rino ikes nye ei bimbut leu nye tu. Gino inok gom kin nye di mbusyamei ne igwam bit nye kikau kwei bipek ammani kep. Noro ikes nye bimbut leu nye tu ba, gini bindo bipia inok gom kin nye bi.

NINGAT-HI-NGAT NYA 7:17

Lewo Domba Pmot di ya niyati ei banggo mbrei ninggimau minyohou yok nok gembala di bie tut yok ug ei minyei yaisi di bindei niyaijo. Allah midip tut igyai nggwei hagom bingwig leu igyai njep.”

SRAT RUT 2:21

Lene Rut pai “Amei e, gima he bi lewo no dima sindui sut da bidimbus gandum ei nide beisi kikau bibou nide awak nya igyai kep midyai dima hagom bingwig ug e.”