Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




DIUN MIMUN 1:4 - ALLAH NIHYET MEM TUNGWATU NYA

4 Ditde nibou ndig e, sibrim simig haninyai. Abuwak da ug ei ade ninsi di abong a. Abindei ba, nahagom ningon nggei-hi-nggei ba, nikon ade ningon ngakeisi ei nai dor njiriek ba anggur ngei. Dem mem gima sop gwam nitta pilei nya ingon ngakei na o!

အခန်းကိုကြည့်ပါ။ ကော်ပီ




DIUN MIMUN 1:4
37 ပူးပေါင်းရင်းမြစ်များ  

tuhan ngondut nye ba, ningon ngakei nye cem. Niyai munti nya bibon ninggap leusi leu binhyepo igyok ngon kep kikau.


Dingon nggan mem gima dibit Ade nicukti nya lewo abindei ba, dingon huk niti bibor.


Dibipbur bidibindei mbut Ade ningginausi nya lene ditum dingon tut bi.


Je di mben Israel e, ma jiyai nillei drek dip jide No di pai tes je. Je di timiei Sion e, ma jinggei-hi-nggei drek dip jide Nibou Ndig!


Dipim kikau mem mmun-njap bidiyem kep diyai nggwei noyam kin diyem njita. Ditde siceu nya ihig da mem njap jei bipai “Ade Allah No ritou i?”


Nyeni imiap ninghapti tut Allah de mindur di nipou pima tu. Noro tini bu ne ingat gima ei tuhan Di Ninyeng Jei Nide Minu Ndig bou igyai him tu. Minu ndig dima ne ide Allah Nide Minu Ndig ri. Noni ya srak ko hagau mpia dima bijo ninno bijo kikau.


Midipai sigyo biNa kikau ug bipek diyaijo ningwig honti. Tirigi dingat nadi ne midisu dinda kui ndam Na.


Sindi dikes yok bidimbut leu yok lene duum no di dingon kieti. Disu dinda bidikat ninda bidikes hanyen bi ba, nuug kikau ug ei dipmem de ig. Dibuwak ug ei no di srek tut da nide ninsi.


Dikinjoi ninyan e, ade ningon ngakei dati kei-kau-kei leu ug. Kei-kau-kei dor njiriek ba anggur ngei cem. Ade mini nuui tun kei ba, nuui di tun kei dor njiriek biei nggrai di ui-gwang kei hagom nuui nitunti.


tuhan Di Ninyeng Jei Bibor mibindei sar nimai bijo ninno bijo kikau! Noni midip tungwatu yahagom igyai nggwei leu iimaisi bibindei ba, Nide limwa immai sut yonti bidem dihyei nisurti-nipekti bu bi. tuhan simbot dat tu ba, mun di pai dima mipek kep ri.


Da di tuhan miditeu yo di intun Yakub him bingwes ngun leu api yahagom minggei sut Da.


Noni bindei ba, timiei Sion di ingon ngguk bibor igyai nillei. Yo di ingon buhun bibor nya migyai ningon di nggan-triot hanyen. Noni bindei ba, iba doia di ibinggei sut Allah biluei ningon kineisi. Mpe dima lene idem kep nok biei mon di tuhan Nonti ta. Igyai munti nya hagom nok igbit ba, kei bibor cem bibindei ba, tungwatu nya ikon tuhan ninyeng di jei bibor.


Miditri tut tuhan ningon ngakei nyeti bidinggei sut Noni tut niyai munti nya. Noni njei mun di kei nindig bibor bak Nide limwa nya lewo ningondut yokti kin ningon ngakei yokti ug hon nohonti bi sren.


dindo Danti biyok leu minu ting. Je di mben Israel e, dingon ngakei je habiei ei nimbie him kikau kwei bipek ammani kep. Gima rino midingon ngakei je kikau.


Diba dingon di nggriu kin dingon di ngondut yok bibrim yok hanyen dideu Da lene dibindei ba, inggwenti nya buhun haigtu bi ba, diba dibou coi bitri njita tut yok cem.


Je di mben Israel e, ma jimbos-hi-mbos! Ma jipai doia! Timiei minu ndig Yerusalem e, ma jiba jingon titut yam biyai ningon nggei-hi-nggeisi!


Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.


Yoni yuug pek mini mem yonti sri leu lo, pinai di kwei buwak nitnem ttau kep sop ibou muhwi di ingon ki nya leu api icoi ug ei ig bei bit noni. Leu lene dimbou nggam bingkiem.


Noro malaikati pai ser yok “Jittin au! Lewo dikwei tri tut nihyet di kei bije ba, nihyet dima mibiyai tungwatu nya yahagom ingon llei bibor.


Gima ne Yesus yai roti nindak gom bipai sigyo bak Allah kep lene ki bitri yok bipai “Jiyai roti dini bijiyem ug lewo gini ne dinghui di dikes ei mem je ri. Ma jiba midut dini biyok ngon kep Da.”


Tut Dani ne tirigi tungwatu nya ikon Da ei nnai leu dihyei ninjek dip ne midinduk tungwatu nya yahagom kwei ndam Da.”


Bit bon hi nggre kin Da kan bi gino Dicig di cuk Da kwei buwak no dima kwei biDa bi. No di kwei ndam Da lene midiwin no dima leu nimai eisi hanyen mem Njap Ningwig Honti.


Allah win nye leu imai eisi bit Kristus Yesus lewo inok gom kin Noni leu binhyepo inyeng mitak kep mun nyeng hagom bit Noni ei gwamti.


Handei kon ba, Allah singat tut je dino jiba jide ningon ngakei yamti di ug hon nohonti bi dima bingon ngakei ide Tuhan Yesus Kristus. Nipigo leu dani, Paulus


Lewo nyeni icoi ei midut sunat di nijitti tu noro yoni ne bi. Lewo ikuk nye bak Allah tug hon Allah Ninnei di mpu nyeni ba, ingon llei sut ide ninok gom kin Kristus Yesusti ba, iba ingon com nibon midut ningkek dip nya bi.


Handei kon ba, jingon llei bibor bikwop mmun-njap drek dip jide ninok gom kin Tuhanti. Ditigtai je mbigom kin bu “Ma jingon llei bibor!”


Tut nyeni lene imang bibor di ikrau kep ide niba ningon comti igwam ttai nye bigyok igyai kep nye. Gima rino jikwei ba, ikes mun di ngot kep nye kin sisar di srou nye ei leu api iba ijoi bibor bidor sindem kak puig di Allah ndo binye tu.


Mbro nok gino jingat Noni bou jiyai him kwei bipek ammani kep bigyo lo, jingon ngakei Noni. Mbro nok gino jingat Noni bou jiyai him mem nijam dini bi lo, jingon jo kep Noni. Gima rino jingon llei lewo jingon nggei-hi-nngei bibor ba, bit bon jipai sut ei juhui him bi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ