NINDAT KEP TUHAN NICUKTI NYA 9:9 - ALLAH NIHYET MEM TUNGWATU NYA

⁹ Mpe dima ne dikui ug ei mbigdip dima leu binhyepo duug yai tig mma can po Noni pas kep mun di Noni preu ei mem jeni eisi pima. Lene dibong ei mbigdip mem mmun-njap nyatungwacan lo, diyem njita ba, didut minyei bi.

NINDAT KEP TUHAN NICUKTI NYA 9:9 ပူးပေါင်းရင်းမြစ်များ

NIBOU NDIG NYA GI NIGOM 19:8

Lene Elia kiju biyem njita bidut minyei leu api yai nisindem mem gima mbut nimig mem njap ningot bitai kikau ug ei Nungug Sinai di Allah ndo Nonti bak Nide limwa nya eisi pima.

NIBOU NDIG NYA GI NICAN 6:22

Noro Elisa buhup “E bi! Tirigi akon pran bit ade siceu ba, akat ide tentara nya lene ayai nimai biyok bi. Ma ayai njita kin ba anggur ningei biyok leu api akes yok ba, ingkwei hanyen ndam ide nibou ndig hak ug.”

NEHEI LEUSI 24:12

Lene tuhan pai bak Musa “Ma akui kwei ei mbigdip dini lene midiyai tig mma can po dipas kep Ditde nicukti nya eisi pima bina. Diyai nicukti dini yok hagom bak mben Israel nok mun di bipingok ingonti.”

NEHEI LEUSI 24:15

Lene Musa kui kikau ug ei Nungug Sinai leu api bumbuhui ttou gom nggai kep mbigdip dima.

NEHEI LEUSI 24:18

Lene Musa kui kikau ug ei mbigdip bicoi ug ei bumbuhuiti bibong ei sirima mem mmun-njap ningot bitai.

NEHEI LEUSI 31:18

Tirigi Allah kes nihyet hon bimbrap bit Musa ei Nungug Sinai bu bi lene noni kes tig mma can po pas kep Nide nicukti nya eisi pima ei Musa nindati.

NEHEI LEUSI 32:1

Tirigi mben Israel ingat lo, Musa ug binyen ninno ei mbigdip dima bijuk haninyai kwei bi lene yahagom induk yam bingwig ttai Harun bipai binoni “Ikan tut mun di pek kep mem no po ninyeng Musa di buwak nye kwei leu minu Mesir pima bi. Gima rino ma abon kwar di nikuk nye bak di mibie tut nye bou anda him bak nyeni hak ug.”

NEHEI LEUSI 34:28

Musa bong ei mbigdip dima bit tuhan mem mmun-njap ningot bitai lo, yem njita bidut minyei bi. Lene noni pas kep Allah De Nicukti Simnai di nok nihyet gi preu ei mem mben Israel ei tig mmati.

MATIUS 4:2

Tirigi Yesus ningat rin ei mpia dima lene Noni yem njita bi kikau mem mmun-njap ningot bitai apino nggum bibor.

GALATIA 4:24

Diba yo cin dini bibiti ninda. Sop cin dini tereu nok nipreu eisi can. Nipreu eisi gi nigom ntun Nungug Sinai him ba, ndo tut Hagar lewo nimunggwom bat nya ne awak nya ri.

NINDAT KEP TUHAN NICUKTI NYA 8:3

Noni sindui sut je bijinggum bibor leu api yai manna bije nok jide njita. Hon kep mpe dima nimo jug ne jeni kin jidigup bat-jidigai bat nya jiyem njita nok gima hi bi sren. Noni yai nok gima leu binhyepo bingginau je bipia tungwatu nya igyaijo tug hon njita he bi noro tug hon nihyet di tibim ei tuhan nuhui him cem hagom.

NINDAT KEP TUHAN NICUKTI NYA 9:11

Jit, Niabiati dibong mmun-njap nyatungwacan pima bingwig lene Noni yai tig mma can po pas kep mun di Noni preu ei mem je eisi pima bida.

NINDAT KEP TUHAN NICUKTI NYA 9:15

Gima rino dikiek da bidingkwei hanyen ba, dijuk leu mbigdip di hum njeng cig-cai dima bidittei tig mma can di Allah pas kep mun di Noni preu ei mem je eisi.

NINDAT KEP TUHAN NICUKTI NYA 9:18

Lene dikuk da bidiba dingwak bikik dihyei ei tuhan Noho bei mem mmun-njap nyatungwacan bu bidiyem njita ba, didut minyei cem bi. Diyai nok gima lewo jibon sisar tut tuhan bijibindei ba, ningon sibui sut je.

IBRANI 9:4

Ikon nimbar hum ndok di iba mas bibon mem indig biei nggrai di ui-gwang kei eisi kin Brua Gi Preu di iba mas binggai kep ei ninsi dima. Leu api igyok yeng di iba mas bibon dino njita manna joti kin Harun de tom di biop kin tig mma can di Allah niggai serti simnai joti ei brua nsi dima.