NINDAT KEP TUHAN NICUKTI NYA 9:28 - ALLAH NIHYET MEM TUNGWATU NYA

²⁸ Gi bi lene mben Mesir misimbot kep biyam bipia asindem mem gima abuwak Ade limwa nya kikau ug ei minu di apreu ei mem yok nipou su bi. Yoni misimbot kep biyam bipia abuwak Ade limwa nya ug ei iggum ndigsi leu binhyepo acok tut yok bingwig lewo angon mpo tut yok.

NINDAT KEP TUHAN NICUKTI NYA 9:28 ပူးပေါင်းရင်းမြစ်များ

MBEN ISRAEL IMBUT-MBUT NYEN 14:16

tuhan hwen Nide limwa nya bingwig ei iggum ndigsi lewo Noni sindem mem gima buwak yok kikau ug ei minu di Noni preu sut ei mem yok habiei pima kan bi.

NEHEI LEUSI 32:12

Gino acok tut yok lene mben Mesir misimbot kep biyam bipia abuwak yok kwei leu minu Mesir leu binhyepo acok tut yok bingwig ei nungug him dini. tuhan e, ma angon sibui sut yok au. Noro anggek tut angon kanti leu binhyepo mun di buhun bibor dima micut igkep yok bi.

NINDAT KEP TUHAN NICUKTI NYA 1:27

Jilua sok bijipai ‘tuhan ningon kinei sut nyeni. Apino Noni buwak nye biyehei leu minu Mesir leu binhyepo kes nyeni ei mben Amori indati mem gima igyai nimai binye.

NINDAT KEP TUHAN NICUKTI NYA 9:27

Ma ayok ngon kep Ade awak di Abraham kin Ishak kin Yakub lene ma ayok ngon kep yo dini ide ningkek ndokti kin ide nisibut biborti kin ide sisar au.

YOSUA 7:9

Mben Kanaan kin yo di nindigsi nya ei minu dini mimiap tut nyeni ninghapti leu api migyon ttai nye bigyai nimai bak nahagom hak ug! Leu api abon mindei mem gima abicuon Anyeng Di Jei i?”

NINDAT KEP TUHAN NICUKTI NYA 32:27

Noro dikou sut gima ide siceu nya inggei sut yonti bikan bipia yonti rino ico kep Ditde limwa nya bingwig a.’ Lewo Da di tuhan ridibindei ba, Ditde limwa nya icut bak ide siceu nya tu.

YEHEZKIEL 20:9

Lo, digiyai nok ditin eisi mem yok dima bi. Leu binhyepo mben Mesir di ibong ei minu di Ditde limwa nya ibong eisi dima ighyet kinei sut dinyeng bi. Lewo dipai bak Ditde limwa nya ei mben Mesir dima yahagom yoho bei bipia midibuwak yok biyehei leu minu Mesir.