NINDAT KEP TUHAN NICUKTI NYA 9:26 - ALLAH NIHYET MEM TUNGWATU NYA

²⁶ Lene dingat nadi tindei je bidipai “tuhan Di Ninyeng Jei Bibor e, ma acok tut Ade limwa nya po ateu yok bingwes ngun ba, abuwak yok kwei leu minu Mesir tug hon Ade nisindemti di nindig bibor pima au.

NINDAT KEP TUHAN NICUKTI NYA 9:26 ပူးပေါင်းရင်းမြစ်များ

SAMUEL GI NICAN 7:23

Ngkiai nya ei dihyeisi dini noyam kin Israel bi. Lewo ateu mben Israel leu awak leu binhyepo abibon yok ba, inok Ade limwa nya. Mun di sindem bibor kin mun di mindur di abibon mem yok bindei ba, tungwatu nya itri tut bidem dihyei nisurti-nipekti tu. Ajji ngkiai nya bitut ide kwar nya bingwig sindam tirigi Ade limwa nya icoi ug ei ide minu bikon pran bit yok tu.

NIBOU NDIG NYA GI NIGOM 8:51

Lewo yoni ne Ade limwa nya po abuwak yok kwei leu mben Mesir po ihwen bit yok pima ide minu ri.

NIBOU NDIG NYA GI NIGOM 8:53

Adimig yok ei leu tungwatu dihyeisi dini hagom leu binhyepo inok Ade limwa nya bit leu nok apai biyokti tug hon Ade awak di Musa tirigi po abuwak nyeni nidigup bat-nidigai bat nya leu minu Mesir pima.”

NEHEMIA 1:10

tuhan e, nyeni ne Ade awak kin Ade limwa nya ri. Nipou ne ateu nye biningwes ngun tug hon Ade nisindemti di nindig bibor di nok mindur bibor cem.

MAZMUR 106:23

Allah pi bibou bindei sar Nide limwa nya noro Musa di Allah dimig ei pima ngkiem ser yok bicuon igyaisi apino Allah niggati cut leu yok ug a.

MAZMUR 107:2

Gino Noni teu je leu nikineisi tu ne ma jindat kep nihyet dima ei juhui him.

MAZMUR 28:9

tuhan e, ateu Ade limwa nya leu binhyepo ingwes ngun. Anjei mun di kei biyok. Ma Nanti anok gembala mem yok ba, anyohou yok bijo ninno bijo kikau.

MAZMUR 57:1

Doia Daud mem no di bie tut doia nimpung ba, ibrim leu doia Asindui Sut Hi Bindei Timek Dani Au. Daud ba doia dini bikiek mpe dino noni nang bicoi ug ei hak mihyeti boom no leu Saul.

MAZMUR 77:15

Nani ne Allah di bibon mindur nya ri. Ando asindemti ei ngkiai nya ikieti tu.

MAZMUR 78:35

Igyok ngon kep bipia Allah ne No di ya srak ko hagau yok ba, No Di Ninyeng Jei di teu yok bingwes ngun cem ri.

MAZMUR 99:6

Musa kin Harun inyeng tibim kin Nide imam nya ba, Samuel ne no di ngat nadi bak Noni ri. Yo dima yahara tuhan lene Noni buhup ighyet.

NEHEI LEUSI 15:13

Abie tut Ade limwa nya di ateu yok bingwes ngun pima bit leu nok apreu ei mem yok tu. Anyohou yok tug hon Ade nisindemti leu api abie tut yok ug ei minu di kwes kei di apreu ei mem yok tu.

NEHEI LEUSI 33:13

Gi nok lene handei kon ba, Na di tuhan ando angon kanti bida leu binhyepo diyai kep Ade midyai nya bidibindei ba, ajoi sut da kikau. Ma ayok ngon kep bipia adimig yo dini ei ba, inok Ade limwa nya ba, anyeng tak kep yok tu.”

NEHEI LEUSI 34:9

Lene noni pai “tuhan e, Gino ajoi sut da lene abit nye di mben Israel kak nimbutti nya. Jo nibreisi bipia Ade limwa nya ingkek ndok noro ma akos ser nyende mun di kinei kin nyende sisar leu api asindui sut nye bininok Ade limwa nya.”

YESAYA 44:23

Mpia-bbed him e, ma ambos-hi-mbos! Dihyei jou e, ma ayai nillei! Mbigdip nya e, ma jimbos-hi-mbos! Baham tindurti bitut biei nya hagom e, ma jiyai nillei! Lewo tuhan ndo Nide nikei-kau-keisi brei tirigi Noni teu Nide limwa nya.

YESAYA 63:19

Abibon nye tereu nok anyeng tak kep nye bininok Ade limwa nya bi sren.

YEREMIA 14:21

Ma ayok ngon kep Ade nipreu ei mem nyeti ba, angwes om nye cem au. Ma aluei angonti tut apreu ei mem nyeti au. Ma angwes pri gau minu ndig Yerusalem au lewo Ade banggo mbrei di kei-kau-kei jo ei minu ndig dini.

YEREMIA 15:1

tuhan pai bida “Mbro nok gino Musa kin Samuel ikwei ya Doho bei bimbrap gau yo dini lo, dingon nggriu sut yok kan bi. Ma ajji yok ug ei minu ting leu Doho bei hak ug.

NIBWOS-BWOS NYENTI 2:20

tuhan e, angat yo di ayai niwei biyok dima ba, angig ayai kep yok ug o! Apo abibon yo di hiter noyam kin gi abibon yoniti dima tu e? Sop nya igyem yonti imunggwom bat di ingon ngakei yok nya o! Siceu nya igyai nimai bak imam kin nabi nya ei Ade Ig di kwes-kwau o!

MIKHA 6:4

Dibuwak je kwei leu minu Mesir biditeu je bijingwes ngun leu gi yuubon je nok awak. Dicuk Musa kin Harun kin Miryam leu binhyepo ibie tut je.

NINDAT KEP TUHAN NICUKTI NYA 13:5

Noro suar jihwen no di mbot kep tut mumpriem kin nabi di ibindei ba, jaham jimbuk kep tuhan di teu je bijingwes ngun leu gi jiwer awak ei minu Mesir dima. Yo dima ingon rom nindig bibor ba, iris je leu puig di tuhan ndo bije tu. Suar jihwen yo dima leu binhyepo sisar nindig bibor dima srig jikieti bu bi.

NINDAT KEP TUHAN NICUKTI NYA 15:15

Ma jiyok ngon kep bipia nipou yo lene jeni cem jinok awak ei minu Mesir leu api jide tuhan Allah kwek je. Gima rino diyai nicukti dini bije.

NINDAT KEP TUHAN NICUKTI NYA 21:8

tuhan e, ma akos ser Ade limwa nya di ateu yok bingwes ngun leu minu Mesir ide nitunggweisi. Ma akos ser nyende sisar lene ma abibon nyeni tereu nok yo di itug ndei nibuhunti drek dip no di ningon ngun dini di mai nok nimbiam dini au.’

NINDAT KEP TUHAN NICUKTI NYA 32:9

Noro Noni dimig Yakub de nintun him yamti di bram yam nya ba, inok Nide limwa nya.

NINDAT KEP TUHAN NICUKTI NYA 7:8

Noro Noni ningon ngakei je ba, joi sut yai igbit mun di Noni preu ei mem jidigup bat-jidigai bat nya. Gima rino Noni teu je bijingwes ngun tug hon Nide nisindemti di nindig bibor lene kwek je leu nibou ndig mben Mesir di yuubon je nok nide awak nya.

NINDAT KEP TUHAN NICUKTI NYA 9:12

Lene Noni pai bida ‘Abipbur ba, ajuk hanyen ndam ade limwa nya di abuwak yok kwei leu minu Mesir ug lewo icut ei sisarti ba, ingon rom tu. Yoni ikriek leu puig di dindo biyok ba, ibibon kwar bikuk yok bak tu.’

NINDAT KEP TUHAN NICUKTI NYA 9:27

Ma ayok ngon kep Ade awak di Abraham kin Ishak kin Yakub lene ma ayok ngon kep yo dini ide ningkek ndokti kin ide nisibut biborti kin ide sisar au.

NINDAT KEP TUHAN NICUKTI NYA 9:29

tuhan e, ma ayok ngon kep bipia yo dini ne mben gom di adimig ei binok Ade limwa nya leu api aba Ade nisindemti di nindig bibor bibuwak yok kwei leu minu Mesir ri.”

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

IBRANI 9:12

Kristus coi ug ei Ninsi Di Kwes di jo ei nisai buug kikau ug ei Ninsi Di Kwes-Kwau mbigom ngat he bijo kikau. Noni ttei kambir kin sapi nikre di nehen pap inggrom mem gima biya hacan mem tungwatu nya bi. Noro ttei Nonti ninggrom ba, bikwek nye leu sisar de nisindemti bijo kikau.

NINGAT-HI-NGAT NYA 5:9

Yo dima ipai doia di nijep bu “Nangkom dem mem gima ayai srat kijum dima ba, acug biei nggrai leu. Lewo hi bindei ba, amai nipou su apino aba amaisi bipek tungwatu nya leu bikwop keret nya kin minu nya kin nihyet nya kin mben nya hagom ei dihyeisi dini bak Allah.

SAMUEL GI NIGOM 7:9

Gima rino Samuel bui domba mien ningut gom bibon midut nindig mindhe titut kep humti bak Allah. Gima ngwig lene noni ngat nadi leu binhyepo Allah mimpu Nide limwa di mben Israel. Apino Allah buhup nide nadi.