NINDAT KEP TUHAN NICUKTI NYA 9:1 - ALLAH NIHYET MEM TUNGWATU NYA

¹ “Je di mben Israel e, njap di ammani mijisigon Minyei Yordan leu binhyepo jicoi ug ei minu di ngkiai nya ide ug ri. Ide mben nindig bibor ba, isindem bibor cem. Ide minu di iwin nya nindig krop lene ngug tig di jei bibor sur mpia-bbed him bikrop ttai hagom.

NINDAT KEP TUHAN NICUKTI NYA 9:1 ပူးပေါင်းရင်းမြစ်များ

NITRITI 11:4

Lene ipai biyam bu “Jikwei ba, iwin minu ndig nijep bu bitut ig di ibon ninggre di jo-jo yam dip anai kui sur mpia-bbed him. Leu binhyepo ibiyai inyeng di jei ba, intek gimahap bidem dihyei nisurti-nipekti hagom bi.”

NEHEI LEUSI 32:1

Tirigi mben Israel ingat lo, Musa ug binyen ninno ei mbigdip dima bijuk haninyai kwei bi lene yahagom induk yam bingwig ttai Harun bipai binoni “Ikan tut mun di pek kep mem no po ninyeng Musa di buwak nye kwei leu minu Mesir pima bi. Gima rino ma abon kwar di nikuk nye bak di mibie tut nye bou anda him bak nyeni hak ug.”

DANIEL 4:11

Biei dima anai bibor ba, ninjem nindig binddong kei cem. Ninggrupti jei bibor ug bipek kin mpia-bbed him. Apino tungwatu dihyeisi dini hagom ingat biei dima bou igyai him.

AMOS 2:9

Ditde limwa jen, mbro nok gima lo, dihwen mben Amori di intig bou jei tereu nok buom bisindem kei kin biei terpentin bitimek bingwig ei joho bei.

MBEN ISRAEL IMBUT-MBUT NYEN 13:22

Nimbie him lene yuug ei minu dima nibiho ba, yuug krau minu ndig Hebron. Hebron ne keret Ahiman Sesai Talmai di intun Enak him itimieisi ri. Yo dima iwin Hebron ei ari bingwam muhwindacan nipou tirigi mben Mesir iwin minu ndig Zoan bigyo.

MBEN ISRAEL IMBUT-MBUT NYEN 33:51

biyai nicuk mben Israelti bak noni bipai “Tirigi jisigon Minyei Yordan ba, juug dihip ei nite dima ug bijicoi ug ei minu Kanaan,

NINDAT KEP TUHAN NICUKTI NYA 1:28

Gima rino ma nyeni yuug ei sirima mem mindei i? Yo di igyok itta kep minu dima ibindei ba, nyeni nittin tut drek dip gi ipai binye bipia mben dima intig bou jei ba, inghuisi sindem bibor dor njiriek nye. Nok gima cem ibong ei minu ndig ngat di bon ngug tig kui sur mpia-bbed him a. Lene ingat yo di intig bou njan ndig ngat ei sirima bou igyai him!’

NINDAT KEP TUHAN NICUKTI NYA 11:23

Leu api tuhan muhuk mben dima yahagom sindam leu joho bei leu api mijibong ser mben di imang bibor ba, isindem bibor cem dor njiriek je ide minu a.

NINDAT KEP TUHAN NICUKTI NYA 11:31

Jei bu bi lene mijisigon Minyei Yordan ba, juug dihip ei nite hi ba, mijibrim minu di jide tuhan Allah yai bije bijiyati ri. Tirigi jibrim minu dima bijibong ei sirima tu,

NINDAT KEP TUHAN NICUKTI NYA 27:2

Njap di jisigon Minyei Yordan bijicoi ug ei minu di jide tuhan Allah miyai bije lene suar jitas tig nindig nindak poi leu api jiba kapur bihwen.

NINDAT KEP TUHAN NICUKTI NYA 3:18

Mpe dima ne dicuk yok bidipai “Jide tuhan Allah kwas minu ndig nya ei Minyei Yordan nite bei mpia nipriti dini tut je leu binhyepo jibong eisi. Noro suar jipinak jide tentara di ikrau ide minggwen kan nya ba, isigon Minyei Yordan biyuug dihip ei nite hi bittei nibou tut mben Israel nindigsi nya.

NINDAT KEP TUHAN NICUKTI NYA 4:1

Lene Musa pai bak nide limwa nya “Ma jibit nicukti di dingginau je tut hagom leu binhyepo jibong kei jigwam kei ba, jidigek kep mpia ei minu di tuhan di nok jidigup bat-jidigai bat nya ide Allah miyai bije cem.

NINDAT KEP TUHAN NICUKTI NYA 4:38

Noni jji mben di nindig bibor ba, isindem bibor cem bingwig leu joho bei tirigi jikieng kep dihyeisi dini. Noni buwak je bijicoi ug ei ide minu bijinyeng tak kep nok jide minu kikau kwei bipek ammani kep.

NINDAT KEP TUHAN NICUKTI NYA 6:10

“tuhan di nok jide Allah miyai dihyei hanjop nsi bitut minu nindig bibor di jiwin bi nya di mpung tut ndigban bije bit leu nok Noni preu ei mem jidigup bat-jidigai bat di Abraham kin Ishak kin Yakub nipou su.

NINDAT KEP TUHAN NICUKTI NYA 7:1

“tuhan di nok jide Allah mibuwak je ug ei minu ttou nsi gom leu binhyepo jidigek kep minu dima nisurti-nipekti. Lene Noni mijji ngkiai nya imang bibor leu minu dima. Noni mijji mben nindig bibor muhwindacan di isindem bibor dor njiriek je cem bou jiyai him. Yo dima rino mben Het kin mben Girgasi kin mben Amori kin mben Kanaan kin mben Feris kin mben Hewi kin mben Yebus.

YOSUA 1:11

leu binhyepo imbut bidem ide prak meng yati dima bipai bak mben Israel yahagom “Ma jitin ei njita mem jiyem kep jinggum lewo njap ningai bu lene nyeni yahagom isigon Minyei Yordan ba, yuug dihip ei minu di tuhan di nok ide Allah yai binye ug ri.”

YOSUA 1:15

kikau bibou yahagom icoi ba, ikieng kep minu di tuhan di nok jide Allah pek biyok ei Minyei Yordan nite dima ug nipou ug e. Tirigi keret mben Israel nindigsi nya ibong kei igwam kei ei hanjop nsi dima tu lene mibon nikwesti mem jingkwei hanyen ba, jiya bijikieng kep jide hanjop nsi ei Minyei Yordan nite dini kwei bei mpia nipriti bit leu nok Musa po tuhan de awak pima preu ei mem je tu.”

YOSUA 14:12

Gima rino ma akwas minu ndig nya ei nungug him po tuhan preu ei mem da mpe di po dani kin ditde limwa nya ningkwei hanyen binitri tut mun di ningat bou nyenti niyai him pima tut da. Mpe dima lene nitri tut bina bipia mben Enak di anjan bibor ingat rin ei mpia dima. Yoni ibong ei minu ndig ngat di ibon ngug tig ser. Mpaba tuhan mimpu da ba, midijji yok dem igbit tuhan nitto ei bidati pima.”

YOSUA 3:14

Lene tirigi mben Israel ilet ide prak meng ba, isigon Minyei Yordan bram imam nya di ikon Brua Gi Preu bibie mem yok ba,

YOSUA 3:16

minyei mikes hon ba, biam bu bi. Leu api minyei hagom mitti kui nai dem kep gino hi hajung ser minyei ei minu ndig Adam dideu minu ndig Sartan. Lene minyei ninggup di biam ug ei Igpong Nsim bon nipingge leusi. Gima rino bon nituti di kei bibor mem mben Israel isigon Yordan pingge leusi di birok kik minu ndig Yerikho.

YOSUA 3:6

Lene noni cuk imam nya leu api ikon Brua Gi Preu bimbut tut bibie mben Israel yoho ba, igyai hagom bit leu nok nicuk yokti nya.

YOSUA 4:19

Lene mben Israel isigon Yordan mem njap gi nisimnai ei bed gi nigom leu api yohok ide prak meng nya ei Gilgal dideu minu ndig Yerikho nite bei mpia nipriti.

YOSUA 4:5

Bicuk yok “Ma jikinyon ei Yordan nyai bibie mem tuhan di nok jide Allah Nide Brua Gi Preu. Lene ma tungwagom-gom bei tig nindak gom ei sirima bikon ei ninghat dip. Tig nindak gom ba, jibikwop jide keret gom-gom.