NINDAT KEP TUHAN NICUKTI NYA 8:7 - ALLAH NIHYET MEM TUNGWATU NYA

⁷ Noni mibuwak je ug ei minu di nnum bibor di bon minyei nggram nya kin minyei bousi nya kin minyei di jo dihyei jo bibiam sindem bidem mbang briep nya kin nungug tou nya hagom cem.

NINDAT KEP TUHAN NICUKTI NYA 8:7 ပူးပေါင်းရင်းမြစ်များ

NITRITI 49:11

Noni ba nide keledai nehen pap mibikim ba anggur ninjem di kei-kau. Noni mitot nide sinsun ei ba anggur ngei di nggrom-nggrauti.

NIBOU NDIG NYA GI NICAN 18:32

Lene nok gima kikau bibou dibuwak je ug ei ditimieisi di noyam kin jitimieisi dini. Ei sirima lene ba anggur yai ningat mem tungwatu nya ipot bidut ningei lene miai gandum yai ningat mem tungwatu nya ibikang roti. Biei zaitun ningat kin ningei kin ahwei lon ningei cem mpung kei ei minu dima. Gino jibit dihyet lene mijitug ndei nimai bi noro jiyaisi mijo. Ma jingig jitingou mem Hizkia nihyet bu au! Lewo noni ris bije tirigi noni pai tuhan miteu je bijingwes ngun.

MAZMUR 104:10

Abindei ba, minyei bousi nya hei bibiam kak mbangti nya ba, minyei pmot nya biam ei nungug kieti nya.

MAZMUR 106:24

Niabiati bu ne icoi ug ei minu di kei bibor dima bi lewo igiba ingon com Allah De nipreu ei mem yokti bi.

NEHEI LEUSI 3:8

Gima rino dijuk kwei leu binhyepo diteu yok bingwes ngun leu mben Mesir inda nsi leu api midibuwak yok leu minu Mesir ndam minu jep di bon nibresti nindig bibor. Minu jep dima ne ninnumti di kei bibor kei rin lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

YESAYA 36:17

dibuwak je ug ei minu gom di noyam kin jide minu dini. Lewo ba anggur nghousi di ngat ningat mem tungwatu nya bipot bidut ningei kin miai gandum nghousi di ngat ningat mem tungwatu nya ba, ibikang roti cem no jo ei minu dima.

YESAYA 5:1

Ma jimiap kep dihyet lewo diba doia bikiek disut gom bitut nide miai ba anggur nghousi. Disut dima ninyeng tak kep miai ba anggur nghousi ei nungug tou di nnum bibor kei gom.

YEREMIA 2:7

Dibuwak yok kwei ei minu di bon ninnumti leu api igyem njita beisi nya nindig bibor ba, ibong kei igwam kei. Noro ibindei ba, map kui Ditde minu dima ba, ibimangkrei hanjop nsi di dipek mem yok.

YEHEZKIEL 17:5

Leu api ug yai biei kioi di nimon yo gom ei dihyei Israel bita hanyen ei ninnumti di minyei dem.

YEHEZKIEL 20:6

Mpe dima lene diba neheng bipai bipia midibuwak yok kwei leu minu Mesir ndam minu gom di dimig ei mem yok. Minu dima bon ninnumti di kei kin dihyei di kei bibor kei dor njiriek minu nindigsi ei dihyeisi dini hagom.

NINDAT KEP TUHAN NICUKTI NYA 8:6

Gima rino ma jiyai igbit tuhan di nok jide Allah nicuk jeti nya hagom. Ma jiyai igbit niggai serti nya ba, jiba jibou coi mem Noni cem.

NINDAT KEP TUHAN NICUKTI NYA 8:8

Minu dima bon miai gandum barli kin ba anggur ningat kin biei ara ningat kin biei delima ningat kin biei zaitun ningat kin ahwei lon ningei.