NINDAT KEP TUHAN NICUKTI NYA 8:2 - ALLAH NIHYET MEM TUNGWATU NYA

² Ma jiyok ngon kep notou tuhan di nok jide Allah bie tut je kak jimbutti di jei bibor mem ari bingwam nyatungwacan gi pini jug tu. Noni ba mun di buhun bibor bibingon je leu binhyepo kan tut jingon kanti nya bikan tut gino jibit nicuk jeti nya cem.

NINDAT KEP TUHAN NICUKTI NYA 8:2 ပူးပေါင်းရင်းမြစ်များ

NITRITI 22:1

Mpe hi bu lene Allah bingon Abraham ningon gomti bihig noni “Abraham e?” Lene Abraham miap bipai “We? Da rini!”

NIBOHON MBEN ISRAEL GI NICAN 32:31

Mpe di nibou mben Babel nya ipinak ibou poi kwei mem gima ihig ser Hizkia tut bindo di mindur pima lene tuhan sindui sut ba, Hizkia buhup bit leu nonti ningon kanti. Tug hon nisinati dima lene tuhan bingon Hizkia ningonti.

NIBOHON MBEN ISRAEL GI NICAN 33:12

Tirigi Manasye tug ndei niwei-nidut dima rino om nonti ei tuhan Allah Noho bei bingat nadi bak leu binhyepo tuhan mikwei mpu no.

NIBOHON MBEN ISRAEL GI NICAN 33:19

Manasye de nadi di ngat bak Allah bitut Allah nibuhup hanyenti bak kin nipai jit nide sisar di bon nya nipou tirigi ttin ser sisar di bon bigyo nya kin mpia di mem nikuk no bak kwar eisi di nonti ngot nya kin kwar ngot di nonti tas ei mem kwar Sop Asyera nya kin kwar nindigsi di kuk no bak nya cem nipas kepti hagom jo ei srat Nibohon Nabi Nyati.

NEHEMIA 9:19

Noro akes yok bihigom ei iggum ndigsi bi lewo angondut yok nindig bibor. Abrim bumbuhui ttou kin cou hum di piga digai ide puig mem njap kin mmun ningwig leu yok bi sren.

AYUB 33:17

Ningon kanti pingok ingonti nok leu binhyepo ikes hon sisar leu ba, ibon bu bi. Nipingok yokti nya bindei ba, inggei-nggwang tut yonti bi.

MAZMUR 103:2

Dinnei e, ma anggei sut tuhan leu api abbwe ser nisingat tut dati au!

MAZMUR 106:7

Nidigup bat-nidigai bat nya di ibong ei minu Mesir ingon kiowi niti. Ingon gidor niti tut Ade midyai mindur nya bi. Ingon prion ser angon ngakeisi di nindig bibor ba, yaham imbuk kep Na di Allah Di Anyeng Jei tirigi yuug krau Muk Lipig.

MAZMUR 136:16

Noni bie tut Nide limwa nya ba, ite-te nyen ei iggum ndigsi. Nide ningon ngakeisi jo ninghig-niker.

MAZMUR 77:11

Apino dipai “Gi tuk kep dingon rino Allah Di Ninyeng Jei yai nibou tut nye bu bi.”

MAZMUR 81:7

“Dikon mun di buhun tak je leu jinghat bidikwek je leu bansi di bindei ba, jahanggwap mbilen.

NEHEI LEUSI 15:25

Lene Musa ba ningon di gom bingat nadi bak tuhan leu api tuhan ndo biei ttou gom binoni. Gima rino Musa com biei ttou dima ei minyei di mpo dimati apino minyei dima nok minyei su di kei mem gima idut. Lene tuhan tri tut Nide nicukti nya biyok ba, bingon yok ei sirima cem.

NEHEI LEUSI 16:35

Mben Israel igyem kep manna kikau mem ari bingwam ningot bitai bibou yuug krau Kanaan ug e. Leu api iwin ide minu jep nya ei sirima. (

NEHEI LEUSI 16:4

Lene tuhan pai bak Musa “Nogindini midibindei ba, njita nindig bibor micut hwou ndam jahagom leu mpia-bbed him. Ma tungwatu nya ikam njita dima bikwop njap ba, ikam nok gi dem mem njap gom ndia. Gima rino midibingon yok leu binhyepo dikan tut bipia ibit Ditde nicuk yokti nya.”

NEHEI LEUSI 20:20

Lene Musa buhup “Dwai! Mijittin tut au! Allah juk kwei bingon je bipingok jingonti leu binhyepo jibit nihyet kikau lene mijibon sisar tut Noni bi.”

NIPINGOK NINGONTI 17:3

Tukan nya iba hum bibingon mas kin perak nitu noro tuhan binai sut tungwatu nya ingonti.

YESAYA 2:17

Yo di inggei sut yonti inyeng micut ba, yo di ingon jei mikuk yok bak tuhan lewo suar tungwatu nya yahagom ikon Nongkom ninyenga.

YEREMIA 2:6

Mbro nok gino diteu yok ba, ingwes ngun leu minu Mesir lo, ingkek ndok tut Da. Dinyohou yok ei mpia ngoisi di wer iggum dip kin iggum ndigsi di wer mboi-mbang kin ningakti di kinei bibor cem. Tungwatu nya iwin minu ei sirima bi ba, ikriau binjiriek mpia dima.

YEHEZKIEL 20:19

Jide tuhan Allah riDani. Ma jibit Ditde niggai serti nya kin dicukti nya.

AMOS 2:10

Dibuwak je kwei leu minu Mesir leu api dibie tut je ei iggum ndigsi mem ari bingwam ningot bitai. Diyai mben Amori ide dihyei bije leu binhyepo jinyeng tak kep titut yam.

MBEN ISRAEL IMBUT-MBUT NYEN 14:33

Lene jimunggwom bat nya mimbut-mbut nyen ei iggum ndigsi dini ba, igyai inghuisi di wei kikau mem ari bingwam ningot bitai drek dip je di andigpoi di jiba jingon com Da bi pima. Nok gima kikau bibou je di andigpoi jahagom jimai bijingwig leu ug e.

LUKAS 18:14

Ma jingon jo kep bipia tirigi no dini ngkwei hanyen ug ei ig bei lene Allah cigit noni noro cigit Farisi pima bi. Lewo Allah moom kep bikwop no di joi sut ninyeng jei noro Noni mikon bikwop no di om kep ningonti dima ninyeng.”

YOHANES 2:25

Noni suar tungwa hi bipai sut tungwatu nya ingonti biNoni bi lewo Nonti kan bidem tut mun di jo ei yahagom ingonti.

NINDAT KEP TUHAN NICUKTI NYA 1:3

Lene ug ei njap gi nigom ei bed gi nisimnaibrimiggom ei ari bingwam gi nyatungwacan tirigi niabiati ijo leu minu Mesir tu lene Musa tri tut tuhan nicuk noti nya hagom bak mben Israel.

NINDAT KEP TUHAN NICUKTI NYA 1:33

Noni mbut bibie joho bei binggok mpia dima johok jide prak meng nya eisi. Noni ba cou hum di njeng mem mmun kin cou bumbuhui di jo nibreisi mem njap bindo puig bije.”

NINDAT KEP TUHAN NICUKTI NYA 13:3

ma jingig jitingou mem nihyet au. Lewo tuhan di nok jide Allah ba no dima bibingon je leu binhyepo Noni mikan tut bipia jiba jingon titut bingon ngakei Noni e, he bi e.

NINDAT KEP TUHAN NICUKTI NYA 2:7

Ma jiyok ngon kep bipia jide tuhan Allah njei mun di kei bak jeni tut mun di jiyai nya ninyeng hagom tu. Tirigi jimbut-mbut wai ei iggum ndigsi di nyan bibor dini lene tuhan nyohou jeni kikau. tuhan ngkiem ser je kikau ei nijam ari bingwam ningot bitai dini ba, yai mun di jisuar nya hagom bije tu.

NINDAT KEP TUHAN NICUKTI NYA 29:5

tuhan bie tut je bijimbut jimig ei iggum ndigsi ei nijam ari bingwam ningot bitai noro sinsun jide kin srop jide bitun-ta ei sirima bi sren.

NINDAT KEP TUHAN NICUKTI NYA 32:7

Ma jiyok ngon kep nijam timiei kin nijam pung gi mimbrek ngan tu nya. Ma jihig ser jicig bat nya tut mun di pek kep ei nijam dima. Ma jihig ser andig-ndau nya tut mun di pek kep mem yok.

NINDAT KEP TUHAN NICUKTI NYA 7:18

Noro ma jittin tut yok au. Ma jiyok ngon kep notou tuhan di nok jide Allah kes mun di buhun pima ei nibou ndig mben Mesir kin nide limwa nya dip.

NINDAT KEP TUHAN NICUKTI NYA 8:16

Noni yai manna di nok njita bije ei iggum ndigsi. Hon kep mpe dima nimo jug ne jidigup bat-jidigai bat nya igyem njita nok gima hi bi sren. Noni ba mun di buhun bibor bibingon je leu binhyepo bikan tut jingon kanti nya. Gima hagom nok leu binhyepo Noni miyai gi kei bije ei nidipti bu.

YAKOBUS 1:3

lewo jikan tut bipia gino jiba jingon com Allah mem mpe dino mun di buhun cut igkep je lene ningon nddongti ntun him.

YAKOBUS 4:10

Suar jiba jibou coi mem Allah leu api Noni mikon jinyeng.

YAKOBUS 4:6

Mbro nok gima lo, nisingat tutti di Allah yai binye sindem bibor dor njiriek bu. Bit leu nok gi ipas ei Allah nihyetti “Allah timbe tut yo di ingon jei noro singat tut yo di iba ibou coi mem yam.”

PETRUS GI NIGOM 1:7

Ide nibingon jeti ndo bindo tut gino jiba jingon com Allah haigtu e, he bi e? Bit leu nok mas di nok mun di pror yon di tungwatu nya ikwen ei humti. Jide niba ningon comti bon ninyeng dor njiriek mas. Mun di buhun bingon jide niba ningon comti bindei ba, jiba jingon com Yesus Kristus mungkun kei. Gino jingon nddong kikau lene Allah nggei sut je bikon jinyeng cem leu api jiyai jinyeng jei ei njap dino Yesus Kristus ttau hanyen kwei.

NINGAT-HI-NGAT NYA 2:23

Leu api midihwen nide limwa nya cem leu binhyepo mbusyamei nya yahagom ikan tut bipia Dani ne No di yok niyai kep tungwatu nya yahagom ikan-kan nyenti kin ingonti ri. Dibirop hanyen bije bit leu nok jiyai munti nya.

NIJAM NIKEI NYA 2:22

Midiba ngkiai nya dima yok bibingon mben Israel leu binhyepo dinggok tut gino yoni mibit dicuk yokti nya noyam kin idigup bat-idigai bat nya e, he bi e?”

NIJAM NIKEI NYA 3:4

tuhan sindui sut yok ba, ingat rin ei mpia dima tereu nok mun di bingon mben Israel. Tug hon nisinati dima lene mijo nibreisi mem Noni gino mben Israel mibit nicukti nya po Noni yai bak idigup bat-idigai bat nya tug hon Musa pima e? he bi e?