NINDAT KEP TUHAN NICUKTI NYA 7:9 - ALLAH NIHYET MEM TUNGWATU NYA

⁹ Ma jiyok ngon kep bipia tuhan di nok jide Allah Nongkom nok Allah gom ngat ba, ningon gom. Noni miyai igbit mun di Noni preu ei su bindo tut ningon ngakei di nggek jei bi bak yo di ingon ngakei Noni ba, ibit Nide nicukti nya kikau bidem ibou sribu-ribu di intun yam him di bram yam nya.

NINDAT KEP TUHAN NICUKTI NYA 7:9 ပူးပေါင်းရင်းမြစ်များ

NITRITI 17:7

Dani midiyai bipek kep gi preu po di dipreu ei bit nani kin ade nintun him yamti di bram yam nya cem ba, gima ne gi preu di ngkiem bibor bijo ninno bijo kikau ri. Midinok ade Allah kin yo di intun nani him cem ide Allah.

NITRITI 28:15

Amiap e, midingat rin bit na kikau bidem ambutti nya hagom ba, dinyohou na. Lene mporo midibuwak na hanyen kwei ei atimieisi dini. Midimbres Da leu na bi sren. Midibindei ba, mun di dipreu kep na tut nya hagom mipek kep mem na.”

NITRITI 9:15

diyok ngon kep gi preu po dipreu ei bit nani kin mindhe-ndhe hagom pima ba, minyei su buut kep dihyeisi bikot mun di ninnei tau nuhwap nsi bu bi sren.

NIBOU NDIG NYA GI NIGOM 8:23

lene ngat nadi bipai “tuhan di nok mben Israel ide Allah e, hi nok Nani ningat rin ei gwamti kin dihyeisi dini bi! Tirigi ade limwa nya ingon gom tut Nani ba, iba ingon di gom bibit ahyet lene ayai mun bit leu nok apreu ei mem yokti hagom ba, angon ngakei yok cem.

NIBOHON MBEN ISRAEL GI NIGOM 16:15

tuhan yok ngon kep Nide gi preu di preu ei mem nye. Nipreu eisi dima bon ninyeng bijo ninno bijo kikau.

NIBOHON MBEN ISRAEL GI NICAN 6:14

“tuhan Allah mben Israel e, hi di noyam kin Nani ei gwamti kin dihyeisi dini bi. Abon mun bipek kep Ade nipreu eisi lene ando tut angon ngakei Ade limwa di iba ingon di gom bicom Nani ba, ibit ahyet cem.

NEHEMIA 1:5

bidipai “tuhan Allah di anyeng jei ei gwamti e, anyeng di jei bibor bindei ba, nittin tut Na tirigi nikuk nye ei Aho bei. Angon gom cem ayai hagom bit leu nok apreu ei mem yo di ingon ngakei Nani bibit ahyet cem.

NEHEMIA 9:32

Nyende Allah e, asindem bibor! Anyeng jei cem abindei ba, tungwatu nya ittin tut Na cem! Aba angon gom biyai hagom bit leu nok apreu ei mem nyeti tu. Abindei mbut ba, abindei bipek kep mun di apreu ei mem nye cem. Tirigi po nibou ndig mben Asyur mbuk tut nye pima kikau kwei bipek ammani kep ne nahagom nitug ndei mun di buhun bibor! Nyende nibou ndig nya kin imam nya kin nabi nya kin yo di inyeng jei nya nidigup bat-nidigai bat nya nahagom nitug ndei mun di buhun bibor! Ma ayok ngon kep mun di buhun tak nye!

MAZMUR 103:18

di ikrau kep gi preu di Noni preu ei mem yok kin yo di iba ingon di gom bibit nicukti nya.

MAZMUR 105:8

Noni yok ngon kep gi preu di Noni preu ei mem nye bijo ninno bijo kikau. Ningon miprion ser gi preu dima hanyen bi sren.

MAZMUR 119:75

tuhan e, dikan tut bipia Ade nikos tutti sren-srau kei. Attem da drek dip angon di gom.

MAZMUR 146:6

Noni ne Allah di pai tes gwamti kin dihyeisi kin muk ndigsi kin mun di joti nya cem rin ba ningon gom bijo ninno bijo kikau.

MAZMUR 36:6

tuhan e, angon ngakeisi kui sur mpia-bbed him ba, angon gomti kui bipek kin bumbuhui nijunti.

NEHEI LEUSI 20:6

Noro midingon ngakei yo di ingon ngakei Da bibit dihyet yahagom kikau ug bipek ide nintun him yamti di bram yam nya ibou sribu-ribu bram yam.

YESAYA 49:7

Allah di kwes-kwau di teu mben Israel leu sisar biyai niyaijo nijep biyok pai bak no di ngkiai nya yahagom ico kep di ingon mpo tut cem lene bipai bak no di nibou di yo di isindem nya yuubon nok ide awak cem “Nibou ndig nya mingig igyai kep ayai munti nya leu api yahagom mikiju bigya bikon anyenga. Yo di inyeng jei nya cem mingig igyai kep ayai munti nya leu api mikuk yok ei amig him.” Mun dini yok hagom mipek kep mem yok lewo tuhan dimig Nide awak ei su ba, mben Israel ide Allah di kwes-kwau ningon gom tut mun di Noni preu ei mem yok.

YEREMIA 32:18

Ando tut Ade ningon ngakeisi di jo kikau bak tungwatu nya ibou sribu-ribu noro akes hukum ei tungwatu nya dip drek dip ndigpoi di ide nya ide sisar. Nani ne Allah di nindig bibor ba, mimbri kui Na. Anyeng rino tuhan Di Sindem Bibor.

NIBWOS-BWOS NYENTI 3:23

noro jep-jau bikwop njap tekti bijo kikau! Ningat ne tuhan ningon gom jit!

DANIEL 9:4

Lene dingat nadi bak tuhan di nok ditde Allah bidipai jit sisar di dide bat mben Israel nya ibon tut Noni bidipai “tuhan e, anyeng jei bibor ba, nikuk nye ei Aho bei. Angon gom tut mun di apreu ei mem nye nipou su ba, angondut yo di ingon ngakei Nani bibit Ade nicuk yokti nya.

MBEN ISRAEL IMBUT-MBUT NYEN 14:18

‘Dani ne tuhan rin ba, dingon sibui sut tungwatu nya haninyai kan bi. Noro Ditde ningon ngakeisi nindig bibor bikum eisi bu ba, dingon gom cem. Lewo dikos ser tungwatu nya ide sisar kin ide naham nimbuk kep Dati. Mbro nok gima lo, midikes hukum ei imunggwom bat nya kin ignyon bat-idrot bat nya dip kikau ug bipek yo di intun yok him gi niningai kin gi nibitai drek dip ide pung di intun him nya ide sisar.’

ROMA 8:28

Ikan tut bipia gino tungwatu nya ingon ngakei Allah di hig yok bit leu ningon kanti ne Noni nyohou dimig mun nyeng hagom di pek kep mem yok bibie tut yok.

KORINTUS GI NIGOM 1:9

Dem mem gima jiba jingon com Allah di ningon gom. Noni hig jeni bijinok gom kin Nipmot Yesus Kristus di nok ide Tuhan.

KORINTUS GI NIGOM 10:3

Yahagom igyem kep njita di mindur

KORINTUS GI NIGOM 8:3

Noro Allah kan bidem tut no di ningon ngakei Noni jit-jit.

KORINTUS GI NICAN 1:18

Deheng bitug hon Allah di ningon gom bipia tirigi dipreu mun ei mem je lene diba dipaisi “I” kin dipaisi “Bi” biluei-luei nyen dingonti bi.

NINDAT KEP TUHAN NICUKTI NYA 32:39

Jingat i! Dani ne Allah Di Nijit ri. Allah hiter hi bi lewo Dangkom ngat he rino Allah. Dihwen tungwatu nya ba, imai. Diwin nimai hanyen bidibindei ba, tungwatu nya ibok leu api ibokti dima jut hanyen ba, bit bon hi bigen ser diyai munti nya kan bi.

NINDAT KEP TUHAN NICUKTI NYA 32:4

tuhan rinok No di sindem di ya srak ko hagau je. Noni kei-kau-kei ba, ningon sren-srau cem. No di ninyeng tak kep je ningon gom ba, bit bon Noni ris mun kan bi. Niyai munti nya hagom kei bibor kei lewo ningon mang bi.

NINDAT KEP TUHAN NICUKTI NYA 4:35

Allah ndo mun dini yok hagom brei bije nok mun di bindo bipia Nongkom ne Allah rin lene kwar di tungwatu nya ikuk yok bak hi ningat rin bi.

NINDAT KEP TUHAN NICUKTI NYA 4:39

Gima rino njap di ammani ma jiyok ngon kep lene ma jingon prion ser tuhan di nok Allah di ninyeng tak kep mpia-bbed him kin dihyeisi dini cem au. Lewo Allah hiter hi ningat rin bi.

NINDAT KEP TUHAN NICUKTI NYA 5:10

Noro midingon ngakei yo di ingon ngakei Da bibit dihyet kikau ug bipek ibou sribu-ribu di intun yok him bram yam.

TESALONIKA GI NIGOM 5:24

Ba, Allah di hig je bidimig je ei miyai midyai dini hagom ei jingonti lewo ningon gom.

TESALONIKA GI NICAN 3:3

Noro Tuhan ningon gom. Noni misindem tut je binyohou je leu No Di Ba Nitok Bak Allah.

2 TIMOTIUS GI NICAN 2:13

Gino ingon gom tut Noni bi lene Noni ningon gom kikau lewo bit bon bikep ser Nonti kan bi.”

TITUS 1:2

Ide niba ningon com Kristusti kin ide ningon dorti tut nihyetti ntun gi igyok ingon mem niyaijo nijep di jo kikausi di Allah preu ei mem nye habiei ei nimbie him. Ba, bit bon Noni ris binye kan bi.

IBRANI 10:23

Ma ikrau kep ide niyok ngon memti di tibim ei nyenti yuhui him lewo ingon ngkiem tut bipia Allah miyai hagom bit leu nok Nonti nipreu ei mem nyeti tu.

IBRANI 11:11

Niba ningon comti bindei ba, Abraham bon nipmot tirigi ninghim koi su. Sara cem pijet noro Abraham ba ningon com Allah di preu ei mem noni.

IBRANI 6:18

Bit bon mun nyeng can pima nggek ba, Allah ris mun tut gima kan bi. Gima rino ingwes ngun ug ei Nonti nindati. Mun dini yok biwin kep ingonti leu binhyepo ikrau kep mun di igyok ingon mem di jo bei nyeni yoho bei.

YAKOBUS 1:12

Tungwa tou rino ningon nddong mpe dino mun di buhun cut igkep noni ne no dima ningon nggei-hi-nggei. Lewo niabiati noni ba ningon di cut leu bi buug bipek nipekti leu api noni miyai niyaijo nijep di jo kikau di Allah preu ei mem yo di ingon ngakei Noni.

YOHANES GI NIGOM 1:9

Gino ipai jit ide sisar bak Allah lene Noni miyai igbit nipreu ei mem nyeti. Noni ba ningon sren biyai nikos ser ide sisarti kin nipiap nye leu igyai munti di suwok nya hagom.

NIJAM NIKEI NYA 2:1

Lene tuhan de malaikati gom jo leu Gilgal buug kikau ug ei Bokhim leu api pai bak mben Israel “Diteu je bijingwes ngun leu minu Mesir lene dibuwak je kwei ei minu po dipreu ei mem jidigup bat-jidigai bat nya pima tu. Mpe dima lene disimbot dat bipia midiluei dingonti tut mun di dipreu ei mem je bi sren.

NIJAM NIKEI NYA 5:31

tuhan e, dingat nadi leu binhyepo Ade siceu nya yahagom itug ndei nimai noyam kin Sisera. Dingat nadi leu binhyepo asut bat nya yahagom igyai inyeng jei ba, sieng-siau kei dem kep nok mpia njap nipriti! Gima hagom ngwig lene mben Israel ibong kei igwam kei kikau mem ari bingwam ningot bitai bu.